ໃນອາທິດຜ່ານມາ, ສານປະ ຊາຊົນແຂວງຄຳມ່ວນ
ໄດ້ຕັດສິນລົງໂທດທ້າວ ບຸນເພັງ ອາຍຸ 19 ປີ ຢູ່ບ້ານສຸກສະຫວັນ ເມືອງທ່າແຂກ
ຈຳຄຸກ 4 ປີ ພ້ອມປັບໄໝ 4 ລ້ານກີບ ໃນຂໍ້ຫາລັກຊັບພົນລະເມືອງ ແລະ ທ້າວ ຊາຕີ
ຫລື ເລັກ ອາຍຸ 23 ປີ ຢູ່ບ້ານສົມສະ ໝຸກ ເມືອງທ່າແຂກ ຈຳຄຸກ 5 ປີ ປັບໄໝ 10
ລ້ານກີບ ໃນຂໍ້ຫາຄ້າ ຂາຍ ແລະ ເສບຢາເສບຕິດ.
ທ້າວ ບຸນເພັງ ຮັບສາລະພາບວ່າ: ຜ່ານມາເຄີຍຖືກດັດສ້າງມາແລ້ວໃນປີ
2013 ພາຍຫລັງປ່ອຍຕົວອອກມາແມ່ນໄດ້ເຄື່ອນໄຫວເສບຢາບ້າ, ພ້ອມທັງລັກຊັບພົນ
ລະເມືອງ. ຄັ້ງຫລ້າສຸດໃນວັນທີ 11 ມີນາ 2014 ໄດ້ໄປລັກເງິນຢູ່ເຮືອນພັກແຫ່ງໜຶ່ງ
ໄດ້ເງິນ 8 ລ້ານກີບ, ບັດເຕີມເງິນລວມມູນຄ່າ 4,3 ລ້ານກີບ, ເຄື່ອງຫລິ້ນຊີດີ
ແລະ ລຳໂພງ 1 ຊຸດ ແລະ ຕົກມາຮອດວັນທີ 7 ພຶດສະພາ 2014 ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີ.
ສ່ວນທ້າວ ຊາຕີ ຮັບສາ ລະພາບວ່າ: ໃນເດືອນມິຖຸນາ
2014 ໄດ້ໄປຊື້ຢານຳນາງ ຕຸກ ອາຍຸ 27 ປີ ຢູ່ບ້ານສົມສະໜຸກ ຈຳນວນ 6 ຄັ້ງ ລວມມູນຄ່າ
60 ພັນບາດ (ສະກຸນເງິນໄທ) ແລ້ວນຳມາເສບເອງ ແລະ ແບ່ງຂາຍໃຫ້ລູກຄ້າ. ມາຮອດວັນທີ
4 ມິຖຸນາ 2014 ຈຶ່ງຖືກເຈົ້າໜ້າທີ່ກັກຕົວ ພ້ອມຂອງກາງຢາບ້າຈຳນວນ 67 ເມັດ ມາດຳເນີນຄະດີຕາມລະບຽບກົດໝາຍ.
No comments:
Post a Comment