ປັດຈຸບັນ ການຈະລາຈອນຢູ່ນະຄອນຫລວງວຽງຈັນເຫັນວ່າມີຄວາມສັບສົນຫລາຍ
ຍ້ອນຜູ້ຂັບຂີ່ຈຳນວນບໍ່ໜ້ອຍຍັງລະເມີດກົດລະບຽບຈະລາຈອນ ອັນກໍ່ໃຫ້ເກີດມີສະພາບອຸປະຕິເຫດເພີ່ມຂຶ້ນເລື້ອຍໆ
ແລະ ໄດ້ກາຍເປັນໄພອັນຕະລາຍຕໍ່ຊີວິດ ແລະ ຊັບສິນຂອງປະຊາຊົນ ຄືສະເພາະສົກປີ
2013-2014 ຢູ່ນະ ຄອນຫລວງມີຜູ້ເສຍຊີວິດຈາກອຸປະຕິເຫດບົນທ້ອງຖະໜົນທັງໝົດ
175 ຄົນ ແລະ ໄດ້ຮັບບາດເຈັບກວ່າ 2.200 ຄົນ ລວມມູນຄ່າເສຍຫາຍຫລາຍກວ່າ 15,6 ຕື້ກີບ.
ເຈົ້າໜ້າທີ່ພະແນກຕຳຫລວດຈະລາຈອນ ນະຄອນຫລວງວຽງຈັນ
ໃຫ້ຮູ້ວ່າ: ສາເຫດທີ່ພາໃຫ້ເກີດອຸປະຕິເຫດມາຈາກຫລາຍປັດໄຈເຊັ່ນ: ການບໍ່ປະຕິ
ບັດ ຫລື ລະເມີດກົດລະບຽບຈະ ລາຈອນ, ຂັບຂີ່ລົດໄວເກີນກຳ ນົດ, ເສັ້ນທາງເປ່ເພ
ແລະ ບັນຫາໄຟເຍືອງທາງບໍ່ພຽງພໍ ເຊິ່ງມີສ່ວນກໍ່ໃຫ້ເກີດອຸປະຕິເຫດ. ຄຽງຄູ່ກັນນັ້ນການເພີ່ມຂຶ້ນຂອງພາ
ຫະນະກໍເປັນອີກສາເຫດໜຶ່ງທີ່ເຮັດໃຫ້ສະພາບການສັນຈອນແອອັດ ແລະ ພາໃຫ້ເກີດອຸປະຕິເຫດ
ແລະ ສາເຫດຕົ້ນຕໍແມ່ນມາຈາກການບໍ່ປະຕິບັດກົດລະບຽບ ຈະລາ ຈອນ ແລະ ຄວາມປະ
ໝາດຂາດສະຕິໃນເວລາຂັບຂີ່.
ຜູ້ໃຊ້ລົດ-ໃຊ້ຖະໜົນຈຳ ນວນບໍ່ໜ້ອຍໃຫ້ທັດສະນະວ່າ:
ເຈົ້າໜ້າທີ່ ແລະ ພາກສ່ວນກ່ຽວ ຂ້ອງບໍ່ຄວນຖືເບົາປ່ອຍໃຫ້ຜູ້ດື່ມສິ່ງມຶນເມົາຂັບລົດຕາມທ້ອງຖະໜົນ.
ກ່ອນໜ້ານີ້, ລັດຖະມົນຕີວ່າການກະຊວງປ້ອງກັນຄວາມສະຫງົບ
ກໍໄດ້ອອກຄຳສັ່ງວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປາກົດ
ການຫຍໍ້ທໍ້ໃນສັງຄົມ ເຊິ່ງໄດ້ກຳ ນົດໃຫ້ທຸກທ້ອງຖິ່ນເຂດແຂວງໃນທົ່ວປະເທດຈັດຕັ້ງ
ແລະ ວາງກຳລັງແກ້ໄຂກຸ່ມແກ໋ງຂີ່ລົດກວນເມືອງ, ລົດດັດແປງສະພາບເຕັກນິກ ແລະ
ອື່ນໆ ເພື່ອແນໃສ່ຫລຸດຜ່ອນສະພາບການເກີດອຸປະຕິເຫດຕາມທ້ອງຖະໜົນ.
ເຖິງຢ່າງໃດກໍຕາມ, ໃນອະນາຄົດ ລາວກໍຈະມີກົດໝາຍວ່າດ້ວຍການຄວບຄຸມເຄື່ອງດື່ມທີ່ມີທາດເຫລົ້າອອກມານຳໃຊ້
ເພາະໃນກອງປະຊຸມສະໄໝສາ ມັນເທື່ອທີ 8 ຂອງສະພາແຫ່ງຊາດ ຊຸດທີ VII ທີ່ພວມດຳເນີນຢູ່ນັ້ນ
ຈະໄດ້ມີການພິຈາລະນາ ແລະ ຮັບຮອງເອົາກົດໝາຍ ວ່າດ້ວຍການຄວບຄຸມເຄື່ອງດື່ມທີ່ມີທາດເຫລົ້າ
ເຊິ່ງເຊື່ອວ່າຈະມີມາດຕາເປັນມາດຕະການຕໍ່ຜູ້ດື່ມສິ່ງມຶນເມົາແລ້ວຂັບຂີ່
ເຊິ່ງຈະຊ່ວຍເຮັດໃຫ້ການເກີດອຸປະຕິເຫດຕາມທ້ອງຖະໜົນຫລຸດໜ້ອຍລົງ.
No comments:
Post a Comment