ໃນມື້ທຳອິດຂອງວາລະດຳເນີນກອງປະຊຸມສະໄໝສາ
ມັນເທື່ອທີ 8 ຂອງສະພາແຫ່ງຊາດຊຸດທີ 7 ເຊິ່ງຈັດຂຶ້ນທີ່ນະ ຄອນຫຼວງວຽງຈັນ, ໃນວັນທີ
9 ທັນວານີ້ ທ່ານ ວິໄລວັນ ພົມເຂ, ລັດຖະມົນຕີວ່າການກະຊວງກະສິກຳ
ແລະ ປ່າໄມ້ໄດ້ຕາງໜ້າໃຫ້ຄະນະກຳມະການປະສານ ງານລະດັບຊາດສະເໜີຜ່ານກອງປະຊຸມກ່ຽວກັບການຜະລິດເຂົ້າ
ແລະ ສັດ ເພື່ອຄ້ຳປະກັນສະ ບຽງອາຫານເປັນສິນຄ້າປະ ກອບສ່ວນບັນລຸເປົ້າໝາຍສະຫັດສະວັດທີ
1. ເຊິ່ງໂຄງການດັ່ງ ກ່າວເປັນໜຶ່ງໃນໂຄງການທີ່ນອນໃນຍຸດທະສາດພັນທະນາກະສິກຳຮອດປີ
2025 ໂດຍກະ ຊວງກະສິກຳ ແລະ ປ່າໄມ້ ເປັນເຈົ້າການສົມທົບກັບຂະແໜງ ການທີ່ກ່ຽວຂ້ອງ
ແລະ ທ້ອງຖິ່ນໂດຍໄດ້ກຳນົດຄາດໝາຍສູ້ຊົນ ແຕ່ນີ້ຮອດປີ 2020 ຫາ 2025.
ທ່ານ
ລັດຖະມົນຕີໄດ້ໃຫ້ ການຄາດຄະເນວ່າ: ແຕ່ນີ້ຮອດ 2020 ຈະສູ້ຊົນຜະລິດເຂົ້າເປືອກ
ໃຫ້ໄດ້ປະມານ 4,7 ຫາ 5 ລ້ານໂຕນ, ຕາມອັດຕາສ່ວນເຂົ້າ ໜຽວປະມານ 70% ແລະ ເຂົ້າ ຈ້າວປະມານ
30%. ໃນນີ້, ເຂົ້າສຳລັບຄ້ຳປະກັນສະບຽງອາ ຫານຕາມໂຄງການຜະລິດເຂົ້າແຫ່ງຊາດໃຫ້ໄດ້ປະມານ
2,5 ລ້ານໂຕ່ນ ( ເຂົ້າເປືອກ) ຊຶ່ງລວມ ມີ: ເຂົ້າບໍລິໂພກ 2,1 ລ້ານໂຕ່ນ (ເຂົ້າເປືອກ),
ເຂົ້າຄັງແຮ 4 ແສນ ໂຕນ (ເຂົ້າສານ). ແລະ
ຮອດປີ 2025 ຈະສູ້ຊົນຜະລິດເຂົ້າເປືອກ ໃຫ້ໄດ້ປະມານ 2,5 ລ້ານໂຕນ ເຊິ່ງປະກອບມີ: ເຂົ້າບໍລິໂພກປະ ມານ 2,1 ລ້ານໂຕນ,
ເຂົ້າຄັງແຮ ປະມານ 4 ແສນໂຕນ (
ເຂົ້າສານ).ເພື່ອບັນລຸເປົ້າໝາຍດັ່ງກ່າວລັດ ຖະບານໄດ້ຈັດຕັ້ງຄະນະກຳມະ
ການປະສານງານລະດັບຊາດໂດຍມີທ່ານ ຮອງນາຍົກລັດຖະ ມົນຕີ, ຜູ້ຊີ້ນຳວຽກງານເສດ
ຖະກິດການຜະລິດ ແລະ ຈໍລະຈອນ ເປັນປະທານ,
ແນໃສ່ເພື່ອຮັບປະກັນການຜະລິດເຂົ້າໃຫ້ໄດ້ 2,5 ລ້ານໂຕ່ນຕໍ່ປີ, ໃຫ້ສາມາດຮັບປະກັນດ້ານສະບຽງອາຫານ
ແລະ ມີເຂົ້າກິນແຮໄວ້ຕາມການເພີ່ມຂຶ້ນຂອງປະຊາກອນ ( 8 - 10 ລ້ານຄົນ ໃນປີ
2020 - 2025). ຈຶ່ງມີຄວາມຈຳເປັນຕ້ອງໄດ້ດຳເນີນມາດຕະການຈັດຕັ້ງປະຕິບັດບາງບັນຫາທີ່ສຳຄັນເປັນຕົ້ນແມ່ນ:
ທາງດ້ານການປັບປຸງດິນ, ການໃສ່ຝຸ່ນປຸຍ; ການສະໜອງ ນ້ຳ(ຊົນລະປະທານ); ແນວພັນ; ການໄລ່ລຽງເສດຖະກິດ,
ຕົ້ນທຶນ ການຜະລິດເຂົ້າ, ການຫັນເປັນກົນຈັກ, ການຜະລິດກະສິກຳສະ ອາດ, ຄວາມປອດໄພດ້ານສະ ບຽງອາຫານ ແລະ ລວມໄປເຖິງວຽກງານສຳຄັນອື່ນໆ.
ເພື່ອບັນລຸການຈັດຕັ້ງ ປະຕິບັດບັນດາວຽກງານທີ່ກ່າວມາຂ້າງເທິງນັ້ນທ່ານລັດຖະມົນ
ຕີຍັງໄດ້ສະເໜີຜ່ານກອງປະ ຊຸມກ່ຽວກັບນະໂຍບາຍລວມ ປະກອບມີ 12 ນະໂຍບາຍຄື ນະໂຍບາຍດ້ານການພັດທະນາ
ແລະ ການຄຸ້ມຄອງທີ່ດິນໂດຍເນັ້ນການສະຫງວນດິນນາໂດຍສະເພາະໃນຂົງເຂດຊົນລະປະ
ທານ, ການຂຶ້ນທະບຽນດິນນາໂດຍນະໂຍບາຍອອກໃບສຳມະໂນທີ່ດິນນາແບບບໍ່ເສຍຄ່າ;
ສົ່ງເສີມດ້ານການຜະລິດ ແລະ ປຸງແຕ່ງໂດຍເນັ້ນໃສ່ການປອດໜີ້ ແລະ ຕົ້ນທືນຕໍ່ຜູ້ສ້າງໂຮງສີເຂົ້າ,
ໂຮງງານປຸງແຕ່ງ ແລະ ຢັ້ງຢືນສິດອຳນາດ; ການເງິນການທະນາຄານແນໃສ່ຜູ້ຜະລິດ, ຜູ້ປະກອບການລວມເຖິງຜູ້ສະ
ໜອງປັດໄຈຕ່າງໆເພື່ອດຳເນີນການຜະລິດໃຫ້ມີປະສິດທິພາບ ແລະ ປະສິດທິຜົນສູງ; ກະສິກຳສະອາດແນໃສ່ຊຸກຍູ້ສົ່ງເສີມຜູ້ຜະລິດໃຫ້ດຳເນີນການຜະລິດຕາມມາດຕະຖານກະສິກຳສະ
ອາດ ແລະ ຕິດພັນກັບການຮັກ ສາສິ່ງແວດລ້ອມ; ດ້ານພະລັງ ງານເພື່ອໃຫ້ຜູ້ຜະລິດ
ແລະ ຜູ້ປະກອບການນຳໃຊ້ພະລັງງານຢ່າງປະຢັດມີຕົ້ນທຶນການຜະລິດ ຕໍ່າ; ການຕະຫຼາດ,
ລາຄາ ແລະ ການລົງທຶນເພື່ອພັດທະນາຕະ ຫຼາດເຂົ້າໃຫ້ກ້ວາງ ແລະ ມີຄວາມໝັ້ນຄົງຮັບປະກັນການສະ
ໜອງ ແລະ ຄວາມຕ້ອງການສາ ມາດຮັກສາລາຄາທີ່ເໝາະສົມ; ດ້ານແຮງງານເພື່ອຮັບປະກັນຈຳນວນແຮງງານກະສິກຳໃຫ້ພຽງພໍ;
ຊັບສິນທາງປັນຍາມາດ ຖານ ແລະ ວັດແທກເພື່ອເຮັດໃຫ້ເຂົ້າຂອງລາວມີການເຕີບໂຕສາ
ມາດເເຂ່ງຂັນກັບພາກພື້ນ ແລະ ສາກົນໄດ້; ຄົ້ນຄວ້າ ແລະ ສົ່ງເສີມແນວພັນເຂົາເພື່ອຮັບປະກັນການສະໜອງແນວພັນເຂົ້າທີ່ມີຄຸນນະພາບເໝາະສົມ
ແລະ ພຽງພໍກັບຊາວນາຜູ້ຜະລິດໄດ້ນຳໃຊ້ຢ່າງທົ່ວເຖິງ;
ການຂົນສົ່ງເພື່ອອຳນວຍຄວາມສະດວກໃຫ້ແກ່ການຈໍລະຈອນສິນຄ້າເຂົ້າໃຫ້ມີຄວາມຮັບປະກັນທາງດ້ານຄວາມປອດໄພ;
ພັດທະນາຊົນ ນະບົດເພື່ອວາງແຜນຈັດສັນບ້ານເຮືອນຕາມທິດເຕົ້າໂຮມບ້ານນ້ອຍເປັນບ້ານໃຫຍ່,
ເປັນຕົວເມືອງນ້ອຍໃນຊົນນະບົດຕິດພັນກັບການພັດທະນາກະສິກຳເປັນສິນຄ້າ ແລະ
ຄ້ຳປະກັນສະ ບຽງອາຫານແບບຍືນຍົງ ແລະ ນະໂຍບາຍສົ່ງເສີມການລົງທຶນຂອງຕ່າງປະເທດ,
ລັດສົ່ງເສີມໃຫ້ມີການລົງທຶນຕ່າງປະເທດເຂົ້າໃນການຜະລິດກະສິກຳ ແລະ ມີນະໂຍບາຍຕໍ່ກັບນັກລົງທືນຕ່າງປະເທດທີ່ມາລົງທຶນໃສ່ການຜະລິດກະສິກຳໃນທຸກຂັ້ນ
ຕອນຂອງຂະບວນຕໍ່ສູ້ມູນຄ່າເພີ່ມອື່ນໆ.
No comments:
Post a Comment