ກະຊວງແຜນການເຜີຍ 6 ເດືອນ​ສົກປີນີ້ເສດຖະກິດຂອງລາວຂະຫຍາຍຕົວຢູ່ໃນລະດັບໜ້າພໍໃຈ

     ກະຊວງແຜນການ ແລະ ການລົງທຶນ ໃຫ້ຮູ້ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນ ສົກປີ 2013-2014 ດຳເນີນໄປດ້ວຍຜົນ ສຳເລັດຫລາຍດ້ານ, ລວມຍອດ ຜະລິດຕະພັນພາຍໃນ (GDP) ຂະຫຍາຍຕົວຢູ່ໃນ ລະດັບໜ້າພໍໃຈຄື 7,6%, ສ່ວນແຜນການຄາດໝາຍສູ້ຊົນໝົດປີບໍ່ໃຫ້ຫລຸດ 8,3%, ສາມາດສ້າງມູນຄ່າເພີ່ມ ໃນລາຄາປັດຈຸ ບັນໄດ້ປະມານ 91.587 ຕື້ກີບ ຫລື ປະມານ 11,46 ຕື້ໂດລາສະຫະລັດ, ສະ ເລ່ຍບັນລຸໄດ້ 13,5 ລ້ານກີບ ຫລື 1.692 ໂດ ລາສະຫະລັດ/ຄົນ/ ປີ. ຂະນະທີ່ອັດຕາເງິນເຟີ້ສະເລ່ຍຢູ່ ໃນລະດັບ 6,27%, ທຽບໃສໄລ ຍະດຽວກັນຂອງປີຜ່ານມາມີທ່າ ອ່ຽງ ເພີ່ມຂຶ້ນ, ຍ້ອນໝວດສີນຄ້າສະບຽງອາຫານ, ເຄື່ອງດື່ມ, ຮ້ານອາຫານ, ໂຮງແຮມ ແລະ ໝວດເຄື່ອງນຸ່ງມີການເໜັງຕິງ ຂຶ້ນ.

     ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະ ການລົງທຶນ ໄດ້ລາຍງານ ຕໍ່ກອງປະຊຸມລັດຖະບານ ສົກປີ 2013-2014 ໃນວັນທີ 22 ເມສາ ນີ້, ໂດຍໄດ້ຊີ້ໃຫ້ເຫັນມູນຄ່າ ການນຳເຂົ້າ-ສົ່ງອອກສິນຄ້າໃນ 6 ເດືອນຜ່ານມາປະຕິ ບັດໄດ້ປ ະມານ 3.065 ລ້ານກວ່າໂດລາ ສະຫະລັດ, ເພີ່ມຂຶ້ນ 50,17%, ໃນ ນີ້ມູນຄ່າການສົ່ງອອກບັນລຸປະ ມານ 1.101 ລ້ານກວ່າໂດລາສະ ຫະລັດ. ສິນຄ້າສົ່ງອອກຕົ້ນຕໍ ແມ່ນພະລັງງານໄຟຟ້າ, ຜະລິດ ຕະພັນແຮ່ທາດ, ເຄື່ອງຕັດຫຍິບ, ຜະ

ສອບເສັງນັກຮຽນເກັ່ງຊັ້ນມັດທະຍົມທົ່ວປະເທດ

      ກົມມັດທະຍົມສຶກສາ ກະ ຊວງສຶກສາທິການ ແລະ ກິລາ ໄດ້ຈັດສອບເສັງ ນັກຮຽນເກັ່ງຊັ້ນ ມັດທະຍົມຕົ້ນ-ປາຍ ຂັ້ນ ມ.4 ແລະ ມ.7 ປະຈຳສົກປີ 2013- 2014 ໃນວັນທີ 22 ເມສານີ້ ຢູ່ມະ ຫາວິທະຍາໄລແຫ່ງຊາດ ນະ ຄອນຫລວງວຽງ ຈັນ ໂດຍການ ເຂົ້າຮ່ວມຂອງທ່ານ ລີຕູ ບົວປາວ ລັດຖະມົນຕີຊ່ວຍວ່າການກະ ຊວງສຶກສາທິການ ແລະ ກິລາ.

     ທ່ານ ດຣ. ນາງ ສີສຸກ ວົງວິ ຈິດ ຮັກສາການຫົວໜ້າກົມມັດ ທະຍົມສຶກສາ ກ່າວວ່າ: ການ ສອບເສັງນັກຮຽນເກັ່ງທົ່ວປະ ເທດຄັ້ງນີ້ ແມ່ນເພື່ອສ້າງໂອກາດ ໃຫ້ນັກຮຽນໄດ້ສະແດງອອກ ທາງດ້ານຄວາມຮູ້, ຄວາມສາ ມາດ, ພອນສະຫວັນ ແລະ ຫົວ ຄິດປະດິດສ້າງຂອງຕົນ, ຍ້ອງຍໍ ຄູສອນ, ນັກຮຽນເກັ່ງ ແລະ ເປີດ ໂອກາດໃຫ້ຜູ້ທີ່ສອບເສັງໄດ້ທີ 1, 2 ແລະ 3 ຂອງແຕ່ລະ ວິຊາໄດ້ຮັບ ທຶນການສຶກສາ ເພື່ອຮຽນຕໍ່ໃນວິ ຊາທີ່ຕົນມີຄວາມສາມາດ ຫລື ຕົນເອງມັກ, ເປັນການວັດແທກ ແລະ ຕີລາຄາ

ລົງ​ນາມ​ສັນຍາ​ຂາຍ​ປະກັນ​ໄພ​ຜ່ານ​ການບິນ​ລາວ

     ພິທີ​ລົງ​ນາມ​ຂາຍ​ປະກັນ​ໄພ​ການ​ເດີນທາງ​ຜ່ານ​ການບິນ ຂອງ​ບໍລິສັດ ອາລີ​ອັນ​ປະກັນ​ໄພ​ລາວ ​ໄດ້​ມີ​ຂຶ້ນ​ໃນ​ວັນ​ທີ 22​ ​ເມສາ​ນີ້ ຢູ່​ສຳນັກງານ​ລັດ​ວິ​ສາ​ຫະກິດ​ການ ບິນ​ລາວ ​ໃນນະຄອນຫລວງ​ວຽງ​ຈັນ ລະຫວ່າງ​ທ່ານ ດຣ. ສົມ​ພອນ ດວງ​ດາລາ ອຳນວຍ​ການ​ລັດ​ວິ​ສາ​ຫະກິດ​ການບິນ​ລາວ ​ແລະ ທ່ານ ກີ​ອາ​ໂປ​ວີ ອຳ ນວຍ​ການ​ບໍລິສັດ​ອາລີ​ອັນ​ປະກັນ​ໄພ​ລາວ.

      ທ່ານ​ອຳນວຍ​ການ​ລັດ​ວິ​ສາ​ຫະກິດ​ການບິນ​ລາວ ກ່າວ​ວ່າ: ຜ່ານ​ໄລຍະ​ເວລາ 25 ປີ ທີ່​ລັດ​ວິ​ສາ​ຫະກິດ​ການບິນ​ລາວ​ໄດ້​ສຸມ​ໃສ່​ການ​ປັບປຸງ​ພັດທະນາ​ຄຸນ​ນະ ພາ​ບການ​ບໍລິການ​ຢ່າງຮອບ ດ້ານ ​ໂດຍ​ສະ​ເພາະ​ວຽກ​ງານ​ການ​ຂາຍ ​ເພື່ອ​ແນ​ໃສ່​ສ້າງ​ຄວາມ​ສະດວກ​ສະບາຍ​ແກ່​ລູກ​ຄ້າ​ເຂົ້າ​ເຖິງ​ໄດ້​ກວ້າງ​ຂາງ. ດັ່ງ ນັ້ນ ​ເລີ່​ມ​ແຕ່​ປີ 2006 ​ເປັນຕົ້ນມາ ໄດ້​ມີ​ການ​ນຳ​​ໃຊ້​ລະບົບ​ການ​ຂາຍ​ປີ້-ຈອງ​ບ່ອນ​ແບບ​ອອນ​ລາຍ​ຜ່ານ​ອິນ​ເຕີ​ເນັດ ​ແລະ ​ເວ​ບ​ໄຊ​ຂອງ​ລັດ​ວິ​ສາ​ຫະກິດ​

ສະພາ​ການ​ຄ້າ​ສະ​ເໜີ​ລັດ​ປັບປຸງບາງ​ນິຕິ​ກຳ​​ທີ່​ຂັດ​ຕໍ່​ການ​ສົ່ງ​ເສີມ​ທຸລະ​ກິດ

    ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ​ລາວ ​ໄດ້​ສະ​ເໜີ​ຕໍ່​ລັດຖະບານ​ໃຫ້​ນຳ​ເອົາ​ນິຕິ​ກຳ​ບາງ​ອັນ​ທີ່​ບໍ່​ສອດຄ່ອງ​ກັບ​ການ​ສົ່ງ​ເສີມ​ພາ​ກທຸລະ​ກິດ​ມາ​ປັບປຸງ​ແກ້​ໄຂ ​ເພື່ອ​ໃຫ້​ຫລຸດຜ່ອນ​ຂອດຂັ້ນສິ່ງ​ກີດຂວາງ​ການ​ດຳ​ເນີນ​ທຸລະ​ກິດ ​ແລະ ສົ່ງ​ເສີມ​ທຸລະ​ກິດ​ພາກ​ເອກະ​ຊົນ.

    ການສະ​ເໜີ​ດັ່ງກ່າວ​ໄດ້​ຖືກ​ຍົກ​ຂຶ້ນຢູ່ກອງ​ປະຊຸມ​ພົບ​ປະລະ ຫວ່າງ​ນາຍົກລັດຖະມົນຕີກັບ​ສະພາ​ການ​ຄ້າ ​ແລະ ອຸດສາຫະ ກຳ​ແຫ່ງ​ຊາດ ​ໃນ​ວັນ​ທີ 21 ​ເມສາ​ນີ້ ຢູ່​ນະຄອນຫລວງ​ວຽງ​ຈັນ ໂດຍ​ທ່ານ​ປະທານ​ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ ລາວ ກ່າວ​ວ່າ: ​ເພື່ອ​ເປັນ​ການ​ສ້າງ​ຄວາມ​ເຂັ້ມ​ແຂງ​ໃຫ້​ພາກ​ທຸລະ​ກິດ​ລາວ ທັງ​ເປັນ​ການ​ກຽມ ພ້ອມ​ເຊື່ອມ​ໂຍງ​ກັບ​ສາກົນ​ໄປ​ເທື່ອ​ລະ​ກ້າວ​ນັ້ນ ສະ​ເໜີ​ໃຫ້ພາກ​ລັດ ​ແລະ ກະຊວງ​ກ່ຽວຂ້ອງ​​ເອົາ​ໃຈ​ໃສ່​ໃນ​ການຈັດຕັ້ງປະຕິບັດ​ກົດໝາຍ​ວ່າ​ດ້ວຍ​ການ​ສ້າງ​ກົດ ໝາຍ ​ເລກທີ 19/ສພຊ, ລົງ​ວັນ​ທີ 12 ກໍລະກົດ 2012 ​ໃຫ້​ມີ​ປະສິດທິ​ຜົນ​ສູງ​ຂຶ້ນກວ່າ​ເກົ່າ ​ໂດຍ​ສະ​ເພາະ​​ແມ່ນ​ຂັ້ນຕອນ​ໃນ​ການຄົ້ນ ​ແລະ ປັບປຸງ​ບັນດາ​ນິຕິ​ກຳທີ່​ພົວ ພັນ​ເຖິງ​ການ​ດຳ​ເນີນ​ທຸລະ​ກິດ ຄື​ກະຊວງ​ແຮງ​ງານ ​ແລະ ສະ ຫວັດດີ​ການ​ສັງຄົມ ຄົ້ນຄວ້າ​ພິຈາລະນາ​ຮ່າງ​ກົດໝາຍ​ວ່າ​ດ້ວຍ​ແຮງ​ງານ​ສະບັບ​ປັບປຸງ​ທີ່​ສະ​ເໜີ​ຜ່ານ​ກອງ​ປະຊຸມ​ສະພາ​ແຫ່ງ​ຊາດ​ໄລຍະ​ຜ່ານ​ມາ ​ແລະ ພິຈາລະນາ​ບັນດາ​ຂໍ້​ສະ​ເໜີ​ຂອງ​ຫົວ ໜ່ວຍ​ທຸລະ​ກິດ​ຕໍ່​ຮ່າງ​ກົດໝາຍ ເພາະ​ເປັນ​ຜົນ​ກະທົບ​ຕໍ່​ການ​ຂະ ຫຍາຍ ​ແລະ ປັບປຸງ​ທຸລະ​ກິດ​ຂອງ​ນັກ​ລົງທຶນ​ທັງ​ພາຍ​ໃນ ​ແລະ ຕ່າງປະ​ເທດ. ຂະນະ​ດຽວ​ກັນກະ ຊວງ​ກ່ຽວຂ້ອງ ​ແລະ ຂະ​ແໜງ​ການ​ທຸລະ​ກິດ​ຕ້ອງ​ເຮັດ​ວຽກ​ຮ່ວມ​ກັນ​ຢ່າງ​​ໃກ້ຊິດ ​​ເພື່ອ​ຊອກ​ຫາ​ວິທີ​ທາງ​ແກ້​ໄຂ​ໃຫ້ ສປປ ລາວ ກາຍ​ເປັນ​ປະ​ເທດ​ຖືກ​ຈັດ​ອັນ​ດັບ​ທີ່​ມີ​ສະພາບ​ແວດ​ລ້ອມ​ທີ່​ດີ​​ໃນ​ການ​ລົງທຶນ​ເຊັ່ນ: ອາດ​ວາງ​ເປົ້າໝາຍ​ໃຫ້​ປະ​ເທດ​ເຮົາ​ສາ ມາດ​ຫລຸດ​ອັນ​ດັບ​ຈາກ 159 ມາ​ເປັນອັນ​ດັບ​ທີ 100 ​ໃນ​ປີ 2015 ແລະ ອັນ​ດັບ​ທີ 50 ​ໃນ​ປີ 2020 ເພື່ອ​ດຶງ​ດູດ​ເອົາ​ການ​ລົງທຶນ​ຈາກ​ຕ່າງປະ​ເທດ​ໃຫ້​ນັບ​ມື້ນັບ​ຫລາຍ​ຂຶ້ນ. ຈັດຕັ້ງກຸ່ມ​ວິ​ເຄາະ​ວິ​ໄຈ​ຂະ​ແໜງ​ການ​ເສດຖະກິດ​ທີ່​ເປັນ​ບູລິ​ມະ​ສິດ, ມີ​ທ່າ​ແຮງ ​ແລະ ສ້າງ​ນະ​ໂຍບາຍ​ສົ່ງ​ເສີມ​ສະ​ເພາະ​ຂະ​ແໜງ​ດັ່ງກ່າວ​

ບໍລິສັດ​ທີ່​ປຶກສາ​​ຍີ່ປຸ່ນ ໄດ້​ຮັບ​​ອອກ​ແບບ​ສະພາ​ແຫ່ງ​ຊາດ​ຫລັງ​ໃໝ່

      ​ ພິທີ​ລົງ​ນາມ​ໃນ​ສັນຍາ​ມອບ- ຮັບ​ສິດ​ໃຫ້ດຳ​ເນີນ​ການ​ສຳ​ຫລວດ,​ ​ອອກ​ແບບ ​ແລະ ປຸກ​ສ້າງ​ຫໍ​ສະພາ​ແຫ່ງຊາດ​ຫລັງ​ໄດ້​ມີ​ຂື້ນ​ໃນ​ວັນ​ທີ 22 ເມສາ​ນີ້, ຢູ່​ຫໍ​ສະພາ​ແຫ່ງ​ຊາດ ລະຫວ່າງ​ທ່ານ ກອງ​ສີ ແສງ​ເດືອນ​ ຮອງ​ຫົວໜ້າ​ຫ້ອງການ​ສະພາ​ແຫ່ງ​ຊາດ ​ແລະ ທ່ານ ອະ​ກິ​ຮິ​ໂກະ ຮີ​ໂຣຕະນິ ປະ ທານ​ບໍລິ​ສັດ ​ໂອ​ເຣນ​ໂຕ ທີ່​ປຶກສາ  ​ແລະ ​ໂດຍ​ການ​ເຈົ້າ​ຮ່ວມ​ເປັນ​ສັກຂີ​ພິຍານ​ຂອງ ທ່ານ ສົມ​ພັນ ແພງ​ຄຳ​ມີ ຮອງ​ປະທານ​ສະພາ​ແຫ່ງ​ຊາດ, ຫົວໜ້າ​ຄະນະ​ຊີ້​ນຳ​ລະດັບ​ຊາດ​ໂຄງການກໍ່ສ້າງດັ່ງ ກ່າວ.​ ສັນຍາ​ລະບຸ​ວ່າ: ນັບ​ແຕ່​ວັນ​ທີ 28 ເມສາ​ນີ້, ຜູ້​ຮັບ​ເໝົາ​ຈະ​ຕ້ອງ​ສຸມ​ໃສ່​ສຳ​ຫລວດ​ອອກ​ແບບ​ໂຄງການ​ດັ່ງກ່າວ​ໃຫ້​ສຳ​ເລັດ​ກ່ອນ​ກາງ​ເດືອນ ກັນຍາ​ 2014, ແລະ ນີ້​ຖື​ເປັນ​ໂຄງການ​ໃຫຍ່ທີ່ ສຳຄັນ​​ຂອງ​ສະພາ​ແຫ່ງຊາດ ໂດຍ​ທີ່​ຜ່ານ​ມາ​ຫ້ອງ​ວ່າການ​ສະພາ​ແຫ່ງ​ຊາດ​ກໍໄດ້​ມອບ​ໃຫ້ ບໍລິສັດ ອາກຄີ​ເນຍ ອາ​ໂຊ​ຊີ​ເອັດ ​ເປັນ​ຜູ້​ອອກ​ແບບ ​ແລະ ປະ​ເມີນ​ມູນ​ຄ່າ​ການ​ກໍ່ສ້າງ, ຊຶ່ງມາ​ຮອດ​

ລະວັງພະຍາດຖອກທ້ອງລະບາດ

         ວັນທີ 22 ເມສານີ້ພະແນກສາທາລະນະສຸກນະຄອນຫຼວງວຽງຈັນໄດ້ອອກ ມາເຕືອນ ໃຫ້ປະຊາຊົນຈົ່ງມີສະຕິ ແລະ ເພີ່ມຄວາມລະວັງພະຍາດຖອກທ້ອງ ໃຫ້ ຫຼາຍຂຶ້ນ, ເນື່ອງຈາກໄລຍະນີ້ອາກາດຮ້ອນອົບເອົ້າຫຼາຍອາດເຮັດໃຫ້ພະຍາດຖອກ ທ້ອງເກີດຂຶ້ນງ່າຍ, ໂດຍສະເພາະແມ່ນຍ້ອນອາຫານການກິນທີ່ບໍ່ສະອາດ, ປັດຈຸບັນ ໂຮງໝໍຕ່າງໆ ໃນນະຄອນຫຼວງວຽງ ຈັນໄດ້ມີຄົນເປັນພະຍາດຖອກທ້ອງເຂົ້າມາ ປິ່ນປົວແລ້ວມື້ໜຶ່ງບໍ່ຕ່ຳກວ່າ 15-20 ຄົນ, ໃນນີ້ມີທັງເດັກນ້ອຍ ແລະ ຜູ້ໃຫຍ່.

   ສາທາໃຫ້ຮູ້ອີກວ່າ:ປັດຈຸບັນ ນອກຈາກມີການລະບາດຂອງພະ ຍາດຖອກ ທ້ອງແລ້ວ, ຍັງມີໄຂ້ເລືອດອອກ, ພະຍາດທ້ອງ ຂີ້ຮາກເກີດຂຶ້ນມາອີກເປັນບາງ ໄລຍະ, ແຕ່ເພື່ອສະກັດກັ້ນບໍ່ໃຫ້ ພະຍາດດັ່ງ ກ່າວແຜ່ລະບາດ ອອກສູ່ວົງກ້ວາງ, ຈຶ່ງເຕືອນໃຫ້ ປະຊົນຈົ່ງມີສະຕິໃນການຮັກສາສຸຂະພາບຂອງຕົນ ແລະ  ຄອບຄົວດ້ວຍ ການປະຕິບັດຕາມຫຼັກ ການອະນາໄມ 3 ສະອາດ ຢ່າງເຂັ້ມງວດ, ໂດຍສະເພາະແມ່ນ ການກິນ, ດື່ມໃຫ້ສະອາດ, ບໍ່ຄວນ ກິນອາຫານສຸກໆດິບໆ, ຕ້ອງມີການເກັບມ້ຽນອາຫານ ການກິນໃຫ້ດີເພື່ອບໍ່ໃຫ້ແມງວັນມາຕອມ ແລະ ສິ່ງສຳຄັນແມ່ນ ຕ້ອງລ້າງມືທຸກຄັ້ງກ່ອນຫຼືຫຼັງ ກິນອາຫານ, ໝັ່ນທຳຄວາມ ສະ ອາດຮ່າງກາຍ, ເຄື່ອງນຸ່ງຫົມ ແລະ ທີ່ຢູ່ອາໄສເປັນປະຈຳ.

ສັດຕະວະແພດສຸມໃສ່ສັກຢາກັນພະຍາດສັດ

        ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ເພື່ອເຮັດໃຫ້ການສັກຢາກັນພະຍາດ ສັດລ້ຽງຂອງປະຊາຊົນບັນລຸຕາມແຜນ ການທີ່ກຳນົດໄວ້ໃນປີນີ້ໃຫ້ໄດ້ 2 ລ້ານ ກວ່າ ໂຕນັ້ນ, ຊຶ່ງຜ່ານຈາກການ ປະຕິບັດວຽກງານດັ່ງກ່າວໃນ ໄລຍະ 1 ເດືອນເຂົາເຈົ້າ ສາມາດສັກຢາກັນພະຍາດໃຫ້ສັດໄດ້ 211.419 ໂຕ, ໃນນີ້ງົວ 17.093 ໂຕ, ຄວາຍ 18.613 ໂຕ, ໝູ 15.020 ໂຕ, ແບ້ 1.410 ໂຕ້, ສັດປີກ 158.550 ໂຕ ແລະ ສາ ມາດປິ່ນປົວ ສັດບາດເຈັບໄດ້ 2.039 ໂຕ, ເຖິງຢ່າງໃດກໍດີຕໍ່ກັບ ການເອົາໃຈໃສ່ ຕິດຕາມກວດກາ ແລະ ຄວບຄຸມພະຍາດຂອງສັດເພື່ອສະກັ້ນກັນການລະບາດຂອງພະຍາດໄຂ້ຫວັດສັດປີກ H5N1 ຢູ້ບ້ານ ນາຕໍໃຫຍ່ ເມືອງ ແລະ ແຂວງໄຊຍະບູລີໄດ້ສຳເລັດ  ແລະ ເຮັດໃຫ້ຫຼາຍທ້ອງຖິ່ນບໍ່ມີການລະບາດຂອງພະຍາດສັດ.

ພິດສຸລາຂ້າຊີວິດ

           ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 22 ເມສານີ້ ໄດ້ມີປະຊາຊົນແຈ້ງ ວ່າ: ໄດ້ພົບເຫັນຊາຍ ຄົນໜຶ່ງຕົກໜອງນ້ຳເສຍຊີວິດຢູ່ເຂດບ້ານບໍ່ນາງົວ ເມືອງໄຊທານີ ນະຄອນຫຼວງວຽງຈັນ ຈຶ່ງໄດ້ຮີບ ຮ້ອນລົງສະຖານທີ່ເກີດ ເຫດ ແລະ ຮູ້ວ່າ: ຜູ້ເສຍຊີວິດ ຊື່ ທ້າວ ໝູ ພົນເສນາ ອາຍຸ 56 ປີ ປະຊາຊົນຢູ່ບ້ານດັ່ງກ່າວ. ຜ່ານການ ສືບສວນ-ສອບສວນ ຂອງເຈົ້າໜ້າທີ່ພົບວ່າ: ຜູ້ເສຍຊີວິດແມ່ນ ເປັນຄົນມັກດື່ມເຫຼົ້າເປັນປະຈຳ ຍາດພີ່ນ້ອງເຕືອນແຕ່ຜູ້ກ່ຽວກໍບໍ່ຟັງ, ຊຶ່ງກ່ອນຈະ ເສຍຊີວິດໃນວັນທີ 21 ເມສານີ້ ຜູ້ກ່ຽວໄດ້ໄປກິນເຫຼົ້າເມົາຈົນໄປບໍ່ເປັນກ່ອນທີ່ໝູ່ຈະພາມານອນຢູ່ຖຽງນາ, ພໍມື້ຕໍ່ມາກໍມີປະ ຊາຊົນ ໄປພົບເຫັນຜູ້ກ່ຽວນອນເສຍຊີວິດຢູ່ໜອງນ້ຳ.

          ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: ໃນວັນທີ 21 ເມສານີ້ ກໍໄດ້ມີເຫດການ ຊາວຕ່າງປະເທດແຂວນ ຄໍຕາຍ ຢູ່ບ້ານພັກແຫ່ງໜຶ່ງເຂດບ້ານມີໄຊ ເມືອງຈັນທະບູລີ ນະຄອນ ຫຼວງວຽງຈັນ ຊຶ່ງຜ່ານການ ເກັບກຳຂໍ້ມູນສາເຫດທີ່ພາ ໃຫ້ຜູ້ກ່ຽວແຂວນຄໍຍ້ອນມາຈາກບັນ ຫາຄອບຄົວ ແລະ ດື່ມສິ່ງມຶນ ເມົາຢູ່ສະຖານທີ່ເກີດເຫດໄດ້ພົບແກ້ວເຫຼົ້າ 1 ກວດ ຢູ່ໃນຫ້ອງພັກຂອງຜູ້ກ່ຽວ.

ເກີດເຫດໄຟໄໝ້ເຮືອນພັກຂອງພະນັກງານໂຮງແຮມແດນສະຫວັນ

            ເຈົ້າໜ້າທີ່ພະແນກສະກັດກັ້ນ ແລະ ມອດໄຟ ນະຄອນຫຼວງວຽງຈັນ ໃຫ້ຮູ້ວ່າ: ໃນຕອນທ່ຽງ ຂອງວັນທີ 22 ເມ ສານີ້ ໄດ້ເກີດເຫດໄຟໄໝ້ເຮືອນພັກ ຂອງພະນັກງານໂຮງແຮມແດນສະຫວັນ ຢູ່ບ້ານອາກາດ ເມືອງສີໂຄດຕະບອງ ນະ ຄອນ ຫຼວງວຽງຈັນ ໂຊກດີເຫດການດັ່ງກ່າວບໍ່ເຮັດໃຫ້ມີຜູ້ໃດໄດ້ຮັບບາດເຈັບ, ພຽງ ແຕ່ເຮັດໃຫ້ເຮືອນພັກ 3 ຊັ້ນ ເສຍ ຫາຍຈຳນວນ ໜຶ່ງ, ຊຶ່ງເຈົ້າໜ້າທີ່ໄດ້ລະດົມລົດ ນ້ຳ ແລະ ໃຊ້ເວລາປະມານ 50 ນາທີ ຈຶ່ງສາມາດ ຄວບຄຸມໄຟໄວ້ໄດ້, ຊຶ່ງສາເຫດ ທາງເຈົ້າໜ້າ ທີ່ພວມເລັ່ງສືບສວນ-ສອບສວນ.

          ເຈົ້າໜ້າທີ່ມອດໄຟ ໃຫ້ຮູ້ ວ່າ: ປັດຈຸບັນສະພາບອາກາດຮ້ອນອົບເອົ້າເຮັດໃຫ້ເກີດສະພາບອັກຄີໄພໄດ້ງ່າຍຫາກບໍ່ເອົາ ໃຈໃສ່ປ້ອງກັນຊຶ່ງນັບແຕ່ຕົ້ນປີມານີ້ ຢູ່ນະຄອນຫຼວງວຽງຈັນ ມີອັກຄີໄພເກີດຂຶ້ນຫຼາຍກວ່າ 20 ຄັ້ງເຮັດໃຫ້ມີເຮືອນປະຊາຊົນ ເສຍຫາຍຫຼາຍກວ່າ 10 ຫຼັງ, ໂດຍສາເຫດສ່ວນໃຫຍ່ທີ່ພາໃຫ້ ເກີດອັກຄີໄພແມ່ນຍ້ອນໄຟຟ້າລັດວົງຈອນ, ການໃຕ້ທູບທຽນ ບູນຊາ ແລະ ການຂາດສະຕິໃນການນຳໃຊ້ຟືນໄຟ.