ຍ້ອນມີການເອົາໃຈໃສ່ປ້ອງກັນແລະສະກັດກັ້ນພະຍາດໄຂ້ເລືອດອອກຈຶ່ງເຮັດໃຫ້ປີ
2014 ຜ່ານມາບໍ່ມີການລະບາດຂອງພະຍາດດັ່ງກ່າວ ແລະເພື່ອກຽມ ພ້ອມສະກັດກັ້ນແລະຄວບຄຸມພະຍາດໄຂ້ເລືອດອອກບໍ່ໃຫ້ເກີດມີການ
ລະບາດ, ທັງເປັນການປ້ອງກັນແຕ່ຫົວທີ,ດັ່ງນັ້ນລັດຖະມົນຕີວ່າການກະຊວງສາທາລະ ນະສຸກຈຶ່ງໄດ້ອອກຄຳສັ່ງແນະນຳລະບັບເລກທີ
035/ສທ ລົງວັນທີ 3 ມັງກອນ 2015 ເຖິງ: ຫົວໜ້າກົມຄວບຄຸມພະຍາດຕິດຕໍ່, ຫົວໜ້າກົມປິ່ນປົວ,
ຫົວໜ້າສູນຄວບຄຸມແມ່ກາຝາກແລະແມງໄມ້, ຫົວ ໜ້າສູນວິເຄາະແລະລະບາດວິທະຍາ,
ຫົວໜ້າສູນຂ່າວສານການແພດສຸຂະສຶກສາ, ຫົວໜ້າພະແນກສາທາລະນະສຸກແຂວງແລະນະຄອນ
ຫຼວງ;ໃຫ້ເອົາໃຈໃສ່ປ້ອງກັນພະຍາດໄຂ້ເລືອດອອກໃນປີ 2015 ດັ່ງນີ້:(1)ໃຫ້ກົມຄວບຄຸມພະຍາດຕິດຕໍ່ປະສານງານກັບກົມປິ່ນປົວ,
ໄຂ້ຍຸງແມ່ກາຝາກ ແລະ ແມງໄມ້, ສູນວິເຄາະ ແລະ ລະ ບາດວິທະຍາ, ສູນຂ່າວສານການແພດສຸຂະສຶກສາ,
ເອົາໃຈໃສ່ຕິດຕາມບັນດາໜ້າວຽກສຳຄັນຕ່າງໆຄື: ເອກະພາບກັບພະແນກສາທາລະນະສຸກແຂວງ
ເພື່ອກຳນົດຈຳນວນບ້ານເປົ້າໝາຍ
ຂອງແຕ່ລະເມືອງທີ່ຈະຕ້ອງໄດ້ຕິດຕາມຄວາມໜາແໜ້ນຂອງໜອນນ້ຳຍຸງລາຍເປັນປະຈຳແຕ່ລະອາທິດ
ແລະ ແຕ່ ລະເດືອນ ນັບແຕ່ເດືອນມັງກອນ 2015 ເປັນຕົ້ນໄປ; ກວດກາຄືນເມືອງ ແລະ
ແຂວງໃດຄວນຈະຕ້ອງໄດ້ຮັບການອົບຮົມຕື່ມໃນວຽກທຳລາຍຍຸງ ລາຍ, ວຽກເກັບກຳຂໍ້ມູນ,
ວຽກປິ່ນປົວ ແລະ ຄຸ້ມຄອງກໍລະນີ, ປັບ ປຸງວຽກງານສຳຫລວດໜອນນ້ຳຢູ່ຂັ້ນແຂວງ,
ບ້ານ, ເມືອງໃຫ້ມີຄວາມເຂັ້ມແຂງ, ປັບປຸງ ແລະ ອົບຮົມວຽກງານພົ່ນຢາຂ້າຍຸງໃຫ້ພະນັກງານຂັ້ນແຂວງ,
ເມືອງໃຫ້ມີຄວາມຊຳນິຊຳນານໃນການນຳໃຊ້ເຄື່ອງຈັກ ດັ່ງ ກ່າວ, ປັບປຸງ ແລະ ອົບຮົມຄືນວຽກງານເກັບກຳກໍລະນີຜູ້ຕິດເຊື້ອໄຂ້ຍຸງລາຍຢູ່ແຕ່ລະໂຮງໝ
ໍໃຫ້ຊັດເຈນ, ປັບ ປຸງຄືນໃໝ່ໜ່ວຍງານຕອບໂຕ້ໄວຂອງແຂວງ ແລະ ເມືອງໃຫ້ມີປະສິດທິພາບໃນ.
(2) ໃຫ້ພະແນກ ສາທາ ລະນະສຸກແຂວງ ແລະ ນະຄອນຫລວງວຽງຈັນໃນຂອບເຂດທົ່ວປະເທດເພີ່ມຄວາມຮັບ
ຜິດຊອບ ແລະ ເອົາໃຈໃສ່ຈັດຕັ້ງປະຕິບັດວຽກງານກັນ ແລະ ຄວບຄຸມພະຍາດໄຂ້ຍຸງລາຍ
ໂດຍລະດົມການມີສ່ວນ \ຮ່ວມຂອງທຸກພາກສ່ວນ, ທຸກອົງການຈັດຕັ້ງ ລວມທັງພາກລັດ
ແລະ ເອ ກະຊົນ ແລະ ປະ ຊາຊົນໃນທຸກຊຸມຊົນຢູ່ແຕ່ລະແຂວງ, ເມືອງ ແລະ ບ້ານດ້ວຍການກຳຈັດແຫລ່ງເພາະພັນຍຸງລາຍຢ່າງເປັນປະຈຳ
ແລະ ຕໍ່ເນື່ອງ, ເພື່ອຫລີກເວັ້ນການເກີດພະຍາດໄຂ້ຍຸງລາຍ .(3) ເອົາໃຈໃສ່ເປັນພິເສດຕໍ່ວຽກງານໂຄສະນາປະຊາສຳພັນ
ແລະ ປຸກລະດົມໃຫ້ທຸກຂະແໜງການທັງພາກລັດ ແລະ ເອກະຊົນ ແລະ ພໍ່ແມ່ປະຊາ ຊົນບັນດາເຜົ່າຢູ່ໃນແຕ່ລະບ້ານປະກອບສ່ວນກຳ
ຈັດແຫລ່ງເພາະພັນຍຸງລາຍ ໃຫ້ກາຍເປັນວຽກງານຂອງໝົດທຸກຄົນໃນສັງຄົມ, ໂດຍສະເພາະຢູ່ບັນດາໂຮງຮຽນອະນຸບານ,
ໂຮງ ຮຽນປະຖົມ, ມັດທະ ຍົມພາຍໃນແຂວງໃຫ້ມີການເປີດຂະບວນອະນາໄມກຳຈັດຍຸງລາຍທຸກອາທິດ
ເພື່ອຫລີກເວັ້ນບໍ່ໃຫ້ມີການ ລະບາດໃນໂຮງຮຽນ. (4) ໃຫ້ຈັດຕັ້ງລົງກວດກາ ແລະ ຊີ້ນຳຫ້ອງ ການສາທາລະ
ນະສຸກເມືອງ, ໜ່ວຍອະນາໄມຢູ່ຂັ້ນເມືອງ, ສຸກ ສາລາ, ຈັດຕັ້ງຂະບວນການອະນາໄມທຳລາຍແຫລ່ງເພາະພັນຍຸງລາຍໃຫ້ແຂງແຮງກວ່າເກົ່າ,
ໂດຍສົມທົບກັບອຳນາດການປົກຄອງເມືອງ, ຂະແໜງການອື່ນໆ ແລະ ອາສາສະ ໝັກສາທາລະນະສຸກບ້ານເປັນປົກກະຕິ.(5)
ໃຫ້ກວດກາເບິ່ງຄືນຢູ່ຂະແໜງປິ່ນປົວ ແລະ ອຸປະກອນຮັບໃຊ້ໃນການປິ່ນປົວທີ່ຈຳເປັນໄວ້ໃຫ້ພ້ອມ,
ເພື່ອຮັບປະກັນຄວາມສາມາດໃນການປິ່ນປົວ ແລະ ສະກັດກັ້ນການແຜ່ຂະຫຍາຍຂອງພະຍາດໄຂ້ຍຸງລາຍໄດ້ຢ່າງທັນການ
ແລະ ຖືກຕ້ອງຕາມຫລັກວິຊາການ. (6) ໃຫ້ຮີບຮ້ອນຜັນຂະຫຍາຍ ແລະ ເປີດກອງປະຊຸມປຶກສາຫາລື,
ໄຈ້ແຍກຂໍ້ຄົງຄ້າງເພື່ອເຮັດໃຫ້ການກຽມພ້ອມປ້ອງກັນການລະບາດໄຂ້ຍຸງລາຍຢູ່ຂັ້ນແຂວງ,
ເມືອງ ແລະ ສຸກສາລາໃຫ້ມີປະສິດທິຜົນ.(7) ເມື່ອໄດ້ຮັບຄຳສັ່ງສະບັບນີ້ແລ້ວ
ໃຫ້ກົມຄວບຄຸມພະຍາດຕິດຕໍ່, ກົມປິ່ນ ປົວ, ບັນດາສູນ, ແຂວງ, ເມືອງ ແລະ ພາກສ່ວນທີ່ກ່ຽວຂ້ອງຕ່າງໆ
ໃນທົ່ວປະເທດ ຈົ່ງພ້ອມກັນຈັດຕັ້ງປະຕິບັດ ແລະ ລາຍງານໃຫ້ການນຳກະຊວງສາທາລະນະສຸກ,
ໃນກໍລະນີຈຳເປັນໃຫ້ພົວພັນເປັນແຕ່ລະໄລຍະ,ດັ່ງນັ້ນຈຶ່ງອອກຄຳສັ່ງແນະນຳລະບັບນີ້ເພື່ອພ້ອມກັນຈັດຕັ້ງປະຕິບັດວຽກງານປ້ອງກັນແລະຄວບຄຸມພະຍາດໄຂ້ເລືອດອອກໃຫ້ມີປະສິດທິຜົນ.
No comments:
Post a Comment