ອີງຕາມການລາຍງານຂອງກົມລ້ຽງສັດແລະການປະມົງສະບັບເລກທີ
0101/ກລປ,ລົງວັນທີ 15 ມັງກອນ 2015 ແລະ ອີງຕາມຂໍ້ມູນອຸຕຸນິຍົມອຸທົກກະສາດໃຫ້ຮູ້ວ່າ:ສະພາບອາກາດຍັງຈະສືບຕໍ່ຜັນແປຢູ່ຫຼາຍທ້ອງຖິ່ນແລະຈະ
ສືບຕໍ່ໜາວເຢັນແກ່ຍາວໄປອີກ, ທັງຈະມີຝົນຕົກບາງເຂດ, ເປັນບາງໄລຍະ, ຊຶ່ງອາດສົ່ງຜົນກະທົບຕໍ່ສັດລ້ຽງຂອງປະຊາ
ຊົນ,ໂດຍສະເພາະຢູ່ເຂດຊົນນະບົດ, ຫ່າງໄກສອກຫຼີກທີ່ລ້ຽງສັດແບບປ່ອຍຕາມທຳມະຊາດ
ແລະ ເພື່ອຫຼຸດຜ່ອນຜົນກະ ທົບດັ່ງກ່າວລັດຖະ ມົນຕີວ່າການກະຊວງກະສິກຳແລະປ່າໄມ້
ຈຶ່ງໄດ້ອອກແຈ້ງການສະບັບເລກທີ 0072 /ກປ, ລົງວັນທີ 19 ມັງກອນ 2015 : ເຖິງຫົວໜ້າຫ້ອງການ,
ກົມ ແລະ ສະຖາບັນອອ້ມຂ້າງກະຊວງ, ຫົວໜ້າພະແນກກະສິກຳແລະປ່າໄມ້ແຂວງແລະນະ ຄອນຫຼວງ,ໃຫ້ເພີ່ມທະວີເອົາໃຈໃສ່ຮັກສາສຸຂະພາບສັດລ້ຽງໃນລະດູໜາວດັ່ງນີ້:
(1) ໃຫ້ພະແນກກະ ສິກຳແລະປ່າໄມ້ແຂວງແລະນະຄອນ ຫຼວງຊີ້ນຳຫ້ອງການກະສິກຳແລະປ່າໄມ້ເມືອງ,
ສັດຕະວະແພດບ້ານ, ເພື່ອສົມທົບອົງການປົກຄອງທ້ອງຖິ່ນຈັດຕັ້ງແຈ້ງເຕືອນໃຫ້ຜູ້ປະກອບການລ້ຽງສັດເອົາໃຈໃສ່ເບິ່ງແຍງສຸຂະພາບສັດລ້ຽງຂອງຕົນໃຫ້ດີ,
ເປັນຕົ້ນແມ່ນໃຫ້ສ້ອມແປງ
ແລະປຸກ້ສ້າງຄອກໃຫ້ສັດລ້ຽງປະເພດງົວ, ຄວາຍ, ໝູ
ແລະສັດປີກເພື່ອປ້ອງກັນຄວາມໜາວໃຫ້ຮັບປະກັນ, (2) ໃຫ້ເອົາໃຈໃສ່ເບິ່ງແຍງສັດລ້ຽງເປັນພິເສດສຳລັບສັດທີ່ຖືພາມານ,
ກຽມຈະເກີດລູກແລະສັດທີ່ເກີດໃໝ່ອາຍຸຍັງນ້ອຍໃຫ້ມີນົມກິນຢ່າງສະໝ່ຳສະເໝີ,
ມີຫຍ້າກິນທີ່ພຽງພໍ, (3) ໃຫ້ກົມລ້ຽງສັດແລະການປະມົງເປັນໃຈກາງປະສານສົມທົບກັບກກົມສົ່ງເສີມກະສິກຳແລະສະຫະກອນແລະພະແນກກະສິກຳແລະປ່າໄມ້ແຂວງ,
ນະຄອນ ຫຼວງກະກຽມຢາ, ເຄື່ອງມື, ອຸປະກອນຕ່າງໆທີ່ກ່ຽວຂ້ອງເພື່ອຮັບໃຊ້ການປິນປົວແລະກັນພະຍາດສັດໃນລະດູໃຫ້ພຽງພໍແລະທັນສະພາບການ
(4) ໃຫ້ກົມລ້ຽງສັດ ແລະ ການປະມົງເປັນເຈົ້າການປະສານສົມທັບກັບພະແນກກະສິກຳແລະປ່າໄມ້,
ພ້ອມກັນເອົາໃຈໃສ່ຕິດຕາມເຝົ້າລະວັງຢ່າງໃກ້ສິດ, ພະຍາດສັດທີ່ອາດເກີດຂື້ນໃນລະດູໜາວເຊັ່ນ:
ພະຍາດໄຂ້ ຫວັດສັດປີກ, ພະຍາດຫູກ່ຳໝູ, ພະຍາດເຕົ້າໂຮມເລືອດ ແລະ ພະຍາດປາກເປື່ອຍລົງເລັບ,ໃນຂອບເຂດທົ່ວປະເທດ,ໂດຍສະເພາະເຂດທີ່ເຄີຍເກີດການລະບາດ,
(5) ໃນກໍລະນີຫາກເກີດພະຍາດສັດຂື້ນໃນທ້ອງຖິ່ນໃດໜຶ່ງໃຫ້ວິຊາການຢູ່ທ້ອງຖິ່ນນັ້ນແກ້ໄຂຢ່າງທັນການຕາມຂັ້ນຕອນທີ່ລະບຸໄວ້ໃນລະບຽບການແລະກົດໝາຍ,ໂດຍສົມທົບກັບກົມລ້ຽງສັດ
ແລະ ການປະມົງ,ພາກສ່ວນກ່ຽວ ຂ້ອງ,ພ້ອມກັນນັ້ນກໍໃຫ້ລາຍງານອົງການປົກຄອງທ້ອງຖິ່ນເປັນປົກກະຕິ,
(6) ພະແນກກະສິກຳແລະປ່າໄມ້ຕ້ອງເປັນເຈົ້າການປະສານສົມທົບກັບກົມລ້ຽງສັດແລະການປະມົງ
ແລະ ກົມສົ່ງເສີມກະສິກຳແລະສະຫະກອນສ້າງເງື່ອນໄຂອຳນວຍຄວາມສະດວກດ້ານວິຊາການຊຸກຍູ້ການສັກຢາກັນພະຍາດສັດລ້ຽງໃຫ້ທົ່ວເຖິງ,ຖືກ
ຕ້ອງຕາມກຳນົດເວລາ, ໂດຍສະເພາະໃຫ້ເອົາໃຈໃສ່ສັກຢາກັນພະຍາດເຕົ້າໂຮມເລືອດ,
ທ້ອງເບັງ ແລະ ພະຍາດປາກເປື່ອຍລົງເລັບງົວ-ຄວາຍ, ແບ້, ອະຫິວາໝູ, ຫູກ່ຳໜູ,
ຫຼອດລົມອັກເສບ, ນິວຄາເຊີນ, ອະຫິວາສັດປີກແລະພະຍາດອື່ນໆຕາມວິຊາການກຳນົດໄວ້.
(7) ໃນການຈັດຕັ້ງປະຕິບັດຕົວຈິງ, ບັນດາກົມແລະພະແນກກະສິກຳແລະປ່າໄມ້ແຂວງ,
ນະຄອນຫຼວງຫາກພົບຂໍ້ຫຍຸ້ງຍາກທີ່ບໍ່ສາມາດແກ້ໄຂໄດ້ໂດຍທ້ອງຖິ່ນ, ໃຫ້ລາຍງານໂດຍກົງຕໍ່ກະຊວງກະສິກຳແລະປ່າໄມ້ເພື່ອຫາວິທີແກ້ໄຂ,
ດັ່ງນັ້ນຈຶ່ງອອກແຈ້ງການເພື່ອພ້ອມກັນຮີບຮ້ອນຈັດຕັ້ງປະຕິບັດຕາມໜ້າທີ່ແລະຄວາມຮັບຜິດ
ຊອບຂອງແຕ່ລະພາກສ່ວນຢ່າງເຂັ້ມງວດ ແລະ ມີປະສິດທິຜົນ.
No comments:
Post a Comment