ໂຮງຮຽນວິຊາຊີບມິດຕະພາບວຽງຈັນ-ຮ່າໂນ້ຍ
ສ້າງຂຶ້ນໂດຍການຮ່ວມມືລະຫວ່າງສອງປະເທດລາວ -ຫວຽດນາມ ເວົ້າລວມເວົ້າສະເພາະກໍແມ່ນນະຄອນ ຫຼວງວຽງຈັນ
ແລະ ຮ່າໂນ້ຍ ເພື່ອຮັດແໜ້ນສາຍພົວພັນການຮ່ວມມືຂອງສອງປະເທດໃຫ້ແໜ້ນແຟ້ນຂຶ້ນເລື້ອຍໆ,
ໃນນີ້ໄດ້ຮ່ວມມືກັບມະຫາວິທະຍາໄລຂອງ ສສ ຫວຽດນາມ ເຊັ່ນ: ໂຮງຮຽນເຕັກນິກຄອມພິວເຕີຊັ້ນກາງຮ່າໂນ້ຍ,
ວິທະຍາໄລສ້າງຄູເທື່ອທຽນເຫວ້, ມະຫາວິທະຍາໄລອຸດສາ ຫະກຳໂຮ່ຈິມິນ, ມະຫາວິທະຍາໄລອຸດສາຫະກຳຮ່າໂນ້ຍ,
ມະຫາວິທະຍາໄລເຕັກໂນໂລຊີຂໍ້ມູນຂ່າວສານ ແລະ ການສື່ສານທ່າຍງວຽນ ແລະ ມະຫາວິທະຍາໄລສ້າງຄູເຕັກນິກວິງ
ການຮ່ວມມືດັ່ງກ່າວໄດ້ຮັບການຊ່ວຍເຫຼືອດ້ານການພັດທະນາຄູອາຈານ ແລະ ອຸປະກອນທົດລອງເອເລັກໂຕຣນິກອີກຫຼາຍຢ່າງ.
ທ່ານ ອຳນວຍການວິທະຍາໄລດັ່ງກ່າວ ໃຫ້ຮູ້ວ່າ: ໂຮງຮຽນແຫ່ງນີ້ໄດ້ສ້າງຕັ້ງຂຶ້ນປີ
2004 ແລະ ຍົກລະ ດັບມາເປັນວິທະຍາໄລເຕັກນິກ-ວິຊາຊິບມິດຕະພາບວຽງຈັນ-ຮ່າໂນ້ຍ
ໃນປີ 2014 ຕາມຂໍ້ຕົກລົງຂອງທ່ານ ລັດຖະ ມົນຕີວ່າການກະຊວງສຶກສາທິການ ແລະ ກິລາ.
ປັດຈຸບັນມີຄູອາຈານທັງໝົດ 83 ຄົນ, ຍິງ 44 ຄົນ ໃນນັ້ນມີລະ ດັບປະລິນຍາເອກ 1 ຄົນ,
ປະລິນຍາໂທ 15 ຄົນ, ປະລິນຍາຕີ 56 ຄົນ, ກຳລັງໄປຮຽນປະລິນຍາໂທອີກ 12 ຄົນ ແລະ ຊັ້ນສູງກໍໄດ້ມີແຜນຍົກ
ລະດັບການສຶກສາຕໍ່. ການພັດທະນາຫຼັກສູດໃນເບື້ອງຕົ້ນໄດ້ເປີດສອນຫຼັກສູດຊັ້ນກາງ
3 ສາຂາເຊັ່ນ: ເຕັກນິກຄອມ, ອິນຟໍເມຕິກຄຸ້ມຄອງຫ້ອງການ ແລະ ອິນຟໍເມຕິກບັນຊີ
ຈາກນັ້ນກໍໄດ້ພັດທະນາ ຫຼັກສູດໃນລະດັບຊັ້ນສູງ, ຊັ້ນສູງຕໍ່ເນື່ງ, ໃນນີ້ ສົກປີ
2011-2012 ໄດ້ຮັບອານຸຍາດຈາກກະຊວງສຶກສາທິການ ແລະ ກິລາໃຫ້ເປີດສອນຫຼັກສູດປະລິນຍາຕີຕໍ່ເນື່ອງສາຂາວິຊາເຕັກໂນໂລຊີຂໍ້ມູນຂ່າວສານ
ແລະ ໄອທີຄຸ້ມຄອງການເງິນ ການທະນາຄານ.ໃນສົກປີ 2014-2015 ມີນັກສຶກສາ ທັງໝົດ
1796 ຄົນ ຍິງ 731ຄົນ, ການຮຽນປະກອບມີຫຼາຍ ສາຂາວິຊາຮຽນນັບທັງຊັ້ນກາງ, ຊັ້ນສູງ, ຊັ້ນສູງຕໍ່ເນື່ອງ
ແລະ ປະລິນຍາຕີຕໍ່ເນື່ອງ, ນັບແຕ່ມື້ເປີດສອນຮອດປັດຈຸ ບັນ. ມີນັກສຶກສາຮຽນຈົບ
ແລະ ໄດ້ຮັບປະກາສະນີຍະບັດທັງໝົດ 2980 ຄົນ ຍິງ 1416 ຄົນ ໃນນີ້ ຊັ້ນກາງ ລະ ບົບ
9+3 ມີ 31 ຄົນ, ຍິງ 14 ຄົນ, ຊັ້ນກາງລະບົບ 11+2,12+2 ມີ 1009 ຄົນ , ຍິງ502 ຄົນ , ຊັ້ນສູງ
11+3, 12+3 ມີ 1328 ຄົນ, ຍິງ 585 ຄົນ, ຊັ້ນສູງຕໍ່ເນື່ອງ ມີ 287 ຄົນ, ຍິງ 154 ຄົນ
ແລະ ປະລິນຍາຕີຕໍ່ເນື່ອງ ມີ 325 ຄົນ, ຍິງ 161 ຄົນ. ນອກຈາກນີ້ ຍັງໄດ້ສົ່ງຄູ-ອາຈານ
ແລະ ນັກສຶກສາເຂົ້າແຂ່ງຂັນທັງພາຍໃນ ແລະ ຕ່າງປະເທດ ເຊັ່ນ: ປີ 2010 ຮ່ວມແຂ່ງຂັນສີມືແຮງງານ
ອາຊຽນ ຄັ້ງທີ 8 ທີ່ບາງກອກປະເທດໄທ, ໄດ້ຮັບລາງວັນຊົມເຊີຍ, ປີ 2012 ຮ່ວມແຂ່ງຂັນສີມືແຮງງານທົ່ວປະເທດ
ຄັ້ງທີ 1 ໄດ້ຮັບອັນດັບ 1,2,3 ວິຊາອອກແບບເວບໄຊ, ປີ 2014 ຮ່ວມແຂ່ງຂັນສີມືນັກສຶກສາອາຊຽນທີ່ປະເທດໄທ
ໄດ້ລາງວັນຊົມເຊີຍ ແລະ ປີ 2015 ໄດ້ອັນດັບ 2 ວິຊາອອກແບບເວບໄຊ. ທ່ານ ອຳນວຍການຍັງໃຫ້ຮູ້ອີກວ່າ: ຕະຫຼອດໄລຍະ
10 ປີຜ່ານມາໂດຍໄດ້ຮັບການອຸ້ມຊູຊ່ວຍເຫຼືອ ຈາກກະຊວງສຶກສາທິການ ແລະ ກິລາ, ໂດຍສະເພາະກົມອາຊີວະສຶກສາ,
ພະແນກ ສຶກສາທິການ ແລະ ກິລາ ພ້ອມດ້ວຍການນຳທຸກຂັ້ນຂອງນະຄອນຫຼວງວຽງຈັນ ໄດ້ຊີ້ນຳ
ແລະ ຊຸກຍູ້ ອຳນວຍຄວາມສະດວກໃຫ້ວິທະຍາໄລໄດ້ເຄື່ອນໄຫວປະຕິບັດພາລະບົດບາດໜ້າທີ່ຂອງຕົນ,
ໄດ້ປະກອບສ່ວນຢ່າງຫ້າວຫັນ ດ້ວຍຄວາມຮັບຜິດຊອບສູງໃນການປະຕິບັດແຜນພັດທະນາ,
ມີສ່ວນຮ່ວມຢ່າງກ້ວາງຂວາງກັບບັນດາສະຖາບັນການສຶກສາຂອງ ສສຫວຽດນາມ ແລະ ຊ່ວຍເຮັດໃຫ້ໂຮງຮຽນໄດ້ຮັບການພັດທະນາດີຂຶ້ນຢ່າງບໍ່ຢຸດຢັ້ງ
ແຕ່ຄຽງຄູ່ກັນນັ້ນກໍມີຄວາມຫຍຸ້ງຍາກ ແລະ ຂາດການຊຸກຍູ້ສົ່ງເສີມໃນການລົງທຶນຂອງລັດໃສ່ດ້ານໂຄງລ່າງພື້ນຖານ
ກໍຄືສ້າງຊັບພະຍາກອນມະນຸດ, ການຊີ້ນຳຂອງຂັ້ນເທິງຍັງບໍ່ທັນໃກ້ຊິດ ແລະ ບໍ່ທັນໃຫ້ຄວາມສຳຄັນເທົ່າທີ່ຄວນ
ແລະ ສະຖານທີ່ຄັບແຄບຫຍຸ້ງຍາກໃນການພັດທະນາ.
ຄຳເຫັນດັ່ງກ່າວໄດ້ມີຂຶ້ນໃນໂອກາດ ສະເຫຼີມສະຫຼອງວັນສ້າງຕັ້ງໂຮງຮຽນແຫ່ງນີ້
ຄົບຮອບ 10 ປີ ແລະ ຄົບຮອບ 1 ປີຂອງການຍົກລະດັບເປັນວິທະຍາໄລເຕັກນິກວິຊາຊິບຂຶ້ນໃນວັນທີ
11 ມີນາ ນີ້ ຢູ່ວິທະຍາໄລດັ່ງ ກ່າວ, ໂດຍການເຂົ້າຮ່ວມຂອງທ່ານ
ດຣ ອຸໄທ ບັນນະວົງ ອຳນວຍການວິທະຍາໄລເຕັກນິກວິຊາຊິບມິດຕະພາບວຽງຈັນຽຮ່າໂນ້ຍ,
ທ່ານ ຟ້າມ ວັນແຄ໋ງ ຫົວໜ້າທູດສຶກສາ ສະຖານທູດຫວຽດນາມ ປະຈຳສ ປປ ລາວ, ທ່ານ ບຸນເພັງ
ສົມຈັນມະວົງ ຮອງຫົວໜ້າກົມອາຊີວະສຶກສາ ແລະ ມີຄູອາຈານ ແລະ ນັກຮຽນເຂົ້າຮ່ວມເປັນຈໍານວນ
ຫຼາຍ.
No comments:
Post a Comment