ດີໃຈນຳນະຄອນຫລວງຈະເລັ່ງປະຕິຮູບບັນຫາຄວາມສະອາດຕົວເມືອງ

      ພາຍຫລັງເຫັນວ່າ: ຄວາມສະອາດ ແລະ ຄວາມບໍ່ເປັນລະບຽບຮຽບຮ້ອຍຂອງຕົວເມືອງຫລວງວຽງຈັນມີອັນເຊື່ອມ ຖອຍ ແລະ ສ້າງພາບພົດອັນບໍ່ດີໃຫ້ແກ່ຕົວເມືອງ ສິ່ງນັ້ນສ່ວນໜຶ່ງກໍ ເນື່ອງມາຈາກການພັດທະນາພື້ນຖານໂຄງລ່າງ, ປະຊາ ກອນຂະ ຫຍາຍໂຕເພີ່ມຂຶ້ນສົ່ງຜົນກະທົບຕໍ່ສະພາບແວດລ້ອມຕົວເມືອງ ເຊັ່ນ: ກໍ່ໃຫ້ເກີດຄວາມບໍ່ສະອາດ, ຄວາມບໍ່ເປັນ ລະບຽບຮຽບ ຮ້ອຍ, ການຈະລາຈອນແອອັດ ແລະ ອື່ນໆ. ໃນຜ່ານມາ ເຖິງວ່າການຜັນຂະຫຍາຍຄຳຂວັນ 6 ສ ຂອງນະ ຄອນຫລວງວາງອອກ ຈະໄດ້ ຮັບການຈັດຕັ້ງປະຕິບັດ, ແຕ່ກໍຍັງເຫັນວ່າບໍ່ທັນລວມສູນ ແລະ ບໍ່ທັນມີນິຕິກຳຮັບຮອງທີ່ເປັນ ລະບົບ ຈຶ່ງເຮັດໃຫ້ມີປະສິດ ທິຜົນໜ້ອຍ.

     ດັ່ງນັ້ນ, ໃນກອງປະຊຸມອົງການປົກຄອງນະຄອນຫລວງວຽງຈັນ ເມື່ອວັນທີ 19 ກຸມພາຜ່ານມາ ໂດຍພາຍໃຕ້ການເປັນ ປະ ທານຂອງທ່ານເຈົ້າຄອງນະຄອນ ຈຶ່ງໄດ້ຮັບຮອງເອົາ 8 ແຜນງານວຽງຈັນສະອາດ, 8 ຕົວຊີ້ວັດ ແລະ ບັນດາມາດຕະ ການຕ່າງໆ ເພື່ອຈັດຕັ້ງປະຕິບັດ ແລະ ຄຳສັ່ງແນະນຳຂອງທ່ານ ເຈົ້າຄອງ ວ່າດ້ວຍການເພີ່ມທະວີຮັກສາຄວາມສະອາດ,

ຈັດສັນ ຄວາມເປັນລະ ບຽບຮຽບຮ້ອຍ ແລະ ການປະດັບປະດາຕົວເມືອງ ຄືໃຫ້ເພີ່ມທະວີຮັກສາຄວາມສະອາດຕາມຖະໜົນ ຫລວງແຫ່ງຊາດ ແລະ ເສັ້ນທາງຕ່າງໆໃນໃຈກາງຕົວເມືອງ ແລະ ເພີ່ມທະວີຮັກສາຄວາມເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງ, ເອົາໃຈ ໃສ່ຄຸ້ມຄອງ ແລະ ບໍລິຫານການບໍລິການຮ້ານບັນເທີງຕ່າງໆໃຫ້ດີພ້ອມແນະນຳໃຫ້ສຳນັກງານ, ເສັ້ນ ທາງສະໜາມຫລວງ, ສວນ ສາທາລະນະ ແລະ ເຮືອນຊານໃຫ້ດີ, ແນະນຳໃຫ້ອົງການພັດທະນາ ແລະ ບໍລິຫານຕົວເມືອງ ວຽງຈັນ (ອພບ) ຮີບຮ້ອນປັບປຸງຮ່າງ ມະຕິເພື່ອຈັດຕັ້ງປະຕິບັດວຽກງານດັ່ງກ່າວໃຫ້ມີປະສິດທິຜົນ.

     ຈາກນີ້ກໍຈະຊ່ວຍໃຫ້ນະຄອນຫລວງພວກເຮົາສະອາດງາມຕາ, ປາສະຈາກສິ່ງເປິະເປື້ອນຕ່າງໆທີ່ສົ່ງຜົນຕໍ່ມົນລະພິດເຊັ່ນ: ການ ລວງຕະຄອງລະບາຍນ້ຳເປື້ອນໃຫ້ດີ, ການກຳຈັດຂີ້ເຫຍື້ອກໍຈະຂະຫຍັນຂຶ້ນກວ່າເກົ່າ. ພ້ອມນັ້ນ ກໍແມ່ນບັນຫາກິ່ນເໝັນ ຂອງ ຟາມ ລ້ຽງສັດຄືຫາງສຽງທີ່ກະທົບມາຂອງປະຊາຊົນບ້ານນາໄຫ-ນາໂນ ດັ່ງທີ່ເປັນຂ່າວມານັ້ນ ກໍຈະຖືກແກ້ໄຂເພື່ອເຮັດ ໃຫ້ການປະຕິບັດ ນະໂຍບາຍປະຕິຮູບຄວາມສະອາດ ແລະ ຄວາມເປັນລະບຽບຮຽບຮ້ອຍຂອງນະຄອນຫລວງປະສົມຜົນ ເປັນຈິງ.