ໃນປີ 2014 ບໍລິສັດ
MMG Ltd ທີ່ເປັນເຈົ້າຂອງບໍ່ຄຳ-ທອງເຊໂປນ ຢູ່ແຂວງສະຫວັນນະເຂດ ໄດ້ສ້າງກຳໄລທັງໝົດ
99,2 ລ້ານໂດລາສະຫະລັດ ແລະ ໄດ້ປະກອບສ່ວນໃສ່ລາຍຮັບຈຳນວນ 620,2 ລ້ານໂດລາສະຫະລັດ, ເຊິ່ງ
ຕໍ່າ ກວ່າປີ
2013 ໃນອັດຕາ
17% ເນື່ອງຈາກລາຄາທອງຫຼຸດລົງ 6% ນອກນັ້ນ, ພາຍຫຼັງທີ່ການພະລິດຄຳ ໄດ້ຢຸດຕິລົງໃນເດືອນທັນວາ 2013, LXML ຍັງໄດ້ສຸມໃສ່ດຳເນີນການຜະລິດທອງຄົບໜຶ່ງປີທຳອິດຢ່າງມີປະສິດທິຜົນຄື: ສາມາດຜະລິດແຜ່ນທອງໄດ້
88.541 ໂຕນ ໃນປີ 2014, ເຊິ່ງຕໍ່າກວ່າປີ
2013 ໃນອັດຕາ
2%. ແຜນການຜະລິດຂອງ ປີ 2015 ແມ່ນຢູ່ລະຫວ່າງ
80.000-87.000 ໂຕນ. ໃນຕໍ່ໜ້ານີ້ ບໍ່ຄຳ-ທອງເຊໂປນແມ່ນກຳລັງຫັນປ່ຽນເຂົ້າສູ່ໄລຍະການຜະລິດແຮ່ທີ່ມີຄຸນນະພາບຕໍ່າລົງ ແລະ ມີການບັນຈຸທາດກາກບອນທີ່ສູງຂຶ້ນ. ປັດໄຈດັ່ງກ່າວຈະກະທົບຕໍ່ການຜະລິດ ແລະ
ຜົນກຳໄລຂອງບໍ່ຄຳ-ທອງເຊໂປນ ໃນອະນາຄົດ.
ນັບຕັ້ງແຕ່ບໍ່ຄຳ-ທອງເຊໂປນໄດ້ດຳເນີນການຜະລິດໃນປີ 2003 ເປັນຕົ້ນມາ
ບໍລິສັດລ້ານຊ້າງ ມີເນໂຮນສ໌ ລິມິເຕັດ
(LXML) ບໍ່ຄຳ-ທອງເຊໂປນ ໄດ້ປະກອບສ່ວນສ້າງລາຍຮັບໂດຍກົງໃຫ້ແກ່ລັດຖະບານ
ສປປ ລາວ ຫຼາຍກ່ວາ 1,3 ຕື້ໂດລາສະຫະລັດ
ໃນຮູບແບການຈ່າຍຄ່າພາສີອາກອນ
ແລະ ຄ່າພາກຫຼວງ. ນອກນີ້ ບໍ່ຄຳ-ທອງເຊໂປນ
ຍັງສຶບຕໍ່ສຸມໃສ່ການພັດທະນາຊຸມຊົນທ້ອງຖິ່ນ ແລະ
ການພັດທະນາບຸກຄະລາກອນ ໂດຍຜ່ານການຈັດເຝິກອົບຮົມ
ແລະ ການແນະນຳໃນໜ້າວຽກຕົວຈິງ ໃຫ້ແກ່ພະນັກງານລາວ.
ບໍລິສັດ MMG ດຳເນີນການຂຸດຄົ້ນ-ຜະລິດທອງ, ສັງກະສີ ແລະ
ແຮ່ທາດພື້ນຖານອື່ນໆ ຢູ່ອົດສະຕຣາລີ, ສາທາລະນະລັດ ຄອງໂກ, ສປປ
ລາວ ແລະ ເປຣູ. MMG ໄດິ້ຊື້ໂຄງການຜະ ລິດທອງ “ລາດສ໌ ບາມບັດສ໌” ( las bambas) ຢູ່ປະເທດເປຣູ ໃນປີ
2014. ໂຄງການນີ້ ເປັນຖານທີ່ສຳຄັນແກ່ການຂະຫຍາຍຕົວໃນອະນາຄົດຢູ່ເປຣູ ແລະ
ອາຝຣິກກາ.
No comments:
Post a Comment