ຂ່າວ-ພາບ ໜັງສືພິມ ປກສ |
ເມື່ອອາທິດຜ່ານມາ, ສານປະຊາຊົນແຂວງຄຳມ່ວນ ໄດ້ຕັດສິນລົງໂທດ ທ້າວ ພວງໄຊ ວິໄລຫົງ
ອາຍຸ 28 ປີ ຢູ່ບ້ານນາບົງ ເມືອງທ່າແຂກ
ແຂວງຄຳມ່ວນ ຈຳຄຸກ 5 ປີ ພ້ອມປັບໃໝ
10 ລ້ານກີບ ໃນຂໍ້ຫາຄ້າຂາຍຢາເສບຕິດ ເຊິ່ງຖືກເຈົ້າໜ້າທີ່ ຈັບຕົວໄດ້ເມື່ອວັນທີ 11 ກໍລະກົດ 2014 ຜ່ານມາ, ພ້ອມຂອງກາງຢາບ້າຈຳນວນ
8 ເມັດທີ່ຊຸກເຊື່ອງໄວ້ໃນເຮືອນ.
ເຈົ້າໜ້າທີ່ໃຫ້ຮູ້ວ່າ: ທ້າວ ພວງໄຊ
ວິໄລຫົງ ເລີ່ມເສບ ແລະ
ຄ້າຂາຍຢາບ້າມາ ແຕ່ເດືອນກັນຍາ 2013, ໂດຍຜູ້ກ່ຽວໄດ້ຊື້ຢາບ້ານຳໄວໜຸ່ມເຂດບ້ານຈອມທອງ ເມືອງທ່າແຂກ ແຂວງຄຳມ່ວນ
ຄັ້ງລະ 25-30 ເມັດ, ເພື່ອມາ ຂາຍ ແລະ
ເສບ ຜ່ານມາຜູ້ກ່ຽວເຄີຍຖືກເຈົ້າໜ້າທີ່ ປກສ ແຂວງຄຳມ່ວນ
ຈັບຕົວມາແລ້ວ 1 ຄັ້ງ ໃນຂໍ້ ຫາມົ້ວສຸມຢາເສບຕິດ
ແລະ ຈຳຄຸກ
ເປັນເວລາ 3 ເດືອນ ແລະ ຜູ້ປົກຄອງ ໄດ້ປະກັນຕົວອອກມາ ໃນເດືອນກໍລະກົດ 2003, ແຕ່ຜູ້ກ່ຽວກໍກັບມາເສບ ແລະ ຄ້າຢາເສບຕິດອີກຄັ້ງ ຈຶ່ງກໍຖືກເຈົ້າໜ້າ ທີ່ຈັບຕົວມາດຳເນີນຄະດີຕາມລະບຽບກົດໝາຍ.
ຂ່າວໃຫ້ຮູ້ຕື່ມວ່າ ເມື່ອທ້າຍອາທິດຜ່ານມາສານປະຊາຊົນນະຄອນຫລວງວຽງຈັນໄດ້ຕັດສິນລົງໂທດທ້າວ ວິໄຊ
ຫລື ຕຸ້ຍ ອາຍຸ 36 ປີ, ຢູ່ບ້ານບໍ່ນາງົວ, ເມືອງຈັນທະບູລີ, ນະຄອນຫລວງວຽງຈັນ, ໃຫ້ຈຳຄຸກ 5 ປີ ພ້ອມປັບໃໝ
10 ລ້ານກີບ. ໃນຂໍ້ຫາເສບ ແລະ ຄ້າຂ້າຍຢາເສບຕິດ,
ເຊິ່ງຖືກກັກຕົວໄດ້ເມື່ອວັນທີ 26 ມີນາ 2014 ຜ່ານມາ, ພ້ອມຂອງກາງຢາບ້ານ ຈຳນວນ 35 ເມັດ ທີ່ຊຸກເຊື່ອງໄວ້ໃນເຮືອນເພື່ອນຳມາດຳເນີນຄະດີຕາມກົດໝາຍ.
No comments:
Post a Comment