ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ
8-10 ເມສານີ້, ບໍລິເວນຄວາມກົດດັນສູງຂອງອາກາດເຢັນ
ຈະມີກຳລັງປານກາງແຜ່ລົງມາປົກຄຸມຢູ່ທົ່ວທຸກ ພາກຂອງລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້, ຊຶ່ງຈະເຮັດໃຫ້
ອຸນຫະພູມອາກາດຍັງສືບຕໍ່ຮ້ອນຢູ່ຕື່ມອີກໃນຕອນກາງເວັນ
ພ້ອມມີໝອກແຫ້ງປົກຫຸ້ມຢູ່ ທົ່ວໄປ ແລະ
ມີຝົນຕົກຟ້າຄະນອງກະຈາຍພ້ອມມີລົມພັດແຮງເປັນບາງໂອກາດຢູ່ບາງ
ທ້ອງຖິ່ນໃນແຕ່ລະພາກ, ຈາກນັ້ນໃນທ້າຍອາທິດນີ້ຫາຕົ້ນອາທິດໜ້າບໍລິເວນຄວາມກົດ
ດັນຂອງອາກາດຈະມີກຳລັງອ່ອນລົງ, ຊຶ່ງຈະເຮັດໃຫ້ອຸນຫະພູມອາກາດຮ້ອນຂຶ້ນຕື່ມ 1-2 ອົງສາ
ຢູ່ແຕ່ລະພາກ, ພ້ອມມີຝົນຕົກຟ້າຄະນອງ, ໝາກເຫັບຕົກ, ລົມພັດແຮງ
(ພະຍຸທ້ອງຖິ່ນ)
ຢູ່ແຕ່ລະພາກ.
ສະພາບອາກາດໃນໄລຍະນີ້, ໂດຍທົ່ວໄປ ຍັງຈະຮ້ອນຫາຮ້ອນເອົ້າໃນຕອນກາງເວັນ
ພ້ອມມີໝອກແຫ້ງປົກຫຸ້ມເປັນສ່ວນຫລາຍ,
ແຕ່ອຸນຫະພູມຍັງຈະເຢັນໃນຕອນກາງຄືນຫາຕອນເຊົ້າຢູ່ບາງທ້ອງຖິ່ນຂອງແຂວງພາກເໜືອດ້ານຕາເວັນອອກ
ແລະ ເຂດພູສູງ, ພູດອຍ, ພູພຽງບໍລະເວນປາກຊ່ອງ, ເມືອງທ່າແຕງ
ແລະ ເມືອງດາກຈຶງ. ໃນໄລຍະວັນທີ 10-12
ເມສານີ້,
ຈະມີຝົນຕົກຟ້າຄະນອງພ້ອມມີລົມພັດແຮງຢູ່ບາງທ້ອງຖິ່ນຂອງແຂວງພາກເໜືອຫາພາກກາງ
ແລະ ພາກໃຕ້, ໂດຍສະເພາະຢູ່ນະຄອນຫລວງວຽງຈັນ, ຈາກນັ້ນສະພາບຝົນຈະເບົາບາງລົງຕາມລຳດັບ.
ແຈ້ງເຕືອນ: ເນື່ອງຈາກວ່າບໍລິເວນຄວາມກົດດັນສູງຂອງອາກາດເຢັນຈະມີກຳລັງປານກາງແຜ່ລົງມາປົກຄຸມຢູ່ທົ່ວທຸກພາກຂອງລາວ, ສົມທົບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ເຮັດໃຫ້ມີຝົນຕົກຟ້າຄະນອງພ້ອມມີລົມພັດແຮງ(ພະຍຸທ້ອງຖິ່ນ), ເກີດຂຶ້ນຢູ່ບາງທ້ອງຖິ່ນໃນແຕ່ລະພາກ. ດັ່ງນັ້ນ
ຈຶ່ງໄດ້ອອກແຈ້ງ ເຕືອນເຖິງປະຊາຊົນຜູ້ທີ່ຢູ່ໃນຂອບເຂດ, ພື້ນທີ່ດັ່ງກ່າວ
ຈົ່ງມີສະຕິລະມັດລະວັງຕໍ່ສະພາບຝົນຕົກຟ້າຄະນອງ, ລົມພັດແຮງ
ຊຶ່ງຈະເຮັດໃຫ້ເກີດມີອັກຄີໄພໄດ້ງ່າຍ ແລະ
ໃຫ້ຕິດຕາມຂ່າວພະຍາກອນອາກາດເປັນປະຈຳໃນແຕ່ລະວັນດ້ວຍ.
No comments:
Post a Comment