ສູນສະຖິຕິແຫ່ງຊາດ, ກະຊວງແຜນການ
ແລະ ການລົງທຶນ, ໄດ້ຈັດກອງ ປະຊຸມແລກປ່ຽນບົດຮຽນກ່ຽວກັບການຫັນເປັນທັນສະໄໝການຜະລິດສະຖິຕິທາງການໃນຍຸກການເຊື່ອມໂຍງພາກພື້ນ
ແລະ ສາກົນ, ໃນວັນທີ 31 ມີນາ 2015 ນີ້ ທີ່ຫໍປະຊຸມແຫ່ງຊາດ
ນະຄອນຫລວງວຽງຈັນ ໂດຍມີທ່ານ ດຣ. ບຸນປອນ ບຸດຕະນະວົງ
ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດມະຫາພາກ
ແລະ ບໍລິການ, ມີບັນດາລັດຖະມົນຕີ ແລະ
ຄູ່ຮ່ວມພັດທະນາປະຈຳລາວເຂົ້າຮ່ວມເປັນ ຈໍານວນຫລາຍ, ເພື່ອຮັບຟັງການສະເໜີກ່ຽວກັບໝາກຜົນທີ່ໄດ້ຮັບ
ແລະ
ຂໍ້ຄົງຄ້າງໃນໄລຍະການປະຕິບັດຍຸດທະສາດການພັດທະນາລະບົບສະຖິຕິແຫ່ງຊາດແຕ່2010-2020, ແລກປ່ຽນປະສົບການ ກ່ຽວກັບການສ້າງຄວາມເຂັ້ມແຂງໃຫ້ແກ່ລະບົບສະຖິຕິ,
ການສ້າງຄວາມອາດສາມາດດ້ານສະຖິຕິສຳລັບໄວໜຸ່ມ, ຄວາມຮຽກ ຮ້ອງຕ້ອງການຂອງພາກພື້ນ ແລະ
ສາກົນ, ການຫັນສະຖິຕິທີ່ເປັນທາງການໃຫ້ທັນສະໄໝ. ນອກນັ້ນຍັງໄດ້ແລກປ່ຽນບົດຮຽນນຳຜູ້ຊ່ຽວຊານຈາກຕ່າງປະເທດທີ່ມີປະສົບການດ້ານສະຖິຕິ, ເພື່ອແນໃສ່ການປັບປຸງຄຸນນະ ພາບການຜະລິດ, ການເຂົ້າເຖິງຂໍ້ມູນ ແລະ
ເຜີຍແຜ່ຂໍ້ມູນສະຖິຕິທາງການໃຫ້ມີປະສິດທິພາບ, ເປັນບ່ອນອີງໃນການປະເມີນ ວຽກງານ ແລະ ການແກ້ໄຂບັນຫາຄວາມທຸກຍາກ.
ທ່ານ
ດຣ ບຸນປອນ ບຸດຕະນະວົງ ກ່າວ່າ: ກອງປະຊຸມຄັ້ງນີ້ແນໃສ່ເຮັດໃຫ້ຜູ້ບໍລິຫານລະດັບສູງຈາກບັນດາກະ
ຊວງ, ອົງການມີຄວາມເຂົ້າໃຈແຈ້ງກ່ຽວກັບວຽກງານສະຖິຕິເພື່ອຈະຊີ້ນຳ-ນຳພາການພັດທະນາວຽກງານຂອງລະບົບສະຖິຕິແຫ່ງຊາດເວົ້າລວມ,
ເວົ້າສະເພາະແມ່ນວຽກງານສະຖິຕິໃນຂະແໜງການໃຫ້ນັບມື້ທຽບທັນກັບມາດຕະຖານສາກົນເທື່ອລະກ້າວໃນການຜະລິດ
ແລະ ເຜີຍແຜ່ຂໍ້ມູນສະຖິຕິ, ຮູ້ໄດ້ເຖິງວິທີທີ່ຈະປັບປຸງຄຸນນະພາບການຜະລິດຂໍ້ມູນ, ການເຜີຍແຜ່ ແລະ ການປະສານສົມທົບ ເພື່ອໃຫ້ໄດ້ຕາມມາດຕະຖານ ແລະ ຄຸນນະພາບ
ຕາມຍຸດທະສາດພັດທະນາລະບົບສະຖິຕິແຫ່ງຊາດ, ເຊິ່ງລັດຖະບານໄດ້ໃຫ້ຄວາມສຳຄັນ ແລະ
ເອົາໃຈໃສ່ໃຫ້ການສະໜັບສະໜູນໃນການຈັດຕັ້ງຜັນຂະຫຍາຍກົດໝາຍວ່າດ້ວຍສະຖິຕິ ແລະ
ຍຸດທະສາດການພັດທະນາລະບົບສະຖິຕິແຫ່ງຊາດ 2010-2020 ດ້ວຍການຍົກພາລະບົດບາດການຈັດຕັ້ງສະຖິຕິແຕ່ລະຂັ້ນ,
ເພີ່ມບຸກຄະລາກອນ, ງົບປະມານ ແລະ ພື້ນຖານໂຄງລ່າງຕ່າງໆທັງເປີດກວ້າງການຮ່ວມມືກັບຕ່າງປະເທດ,
ເພື່ອຮອງຮັບຕໍ່ກັບຄວາມຮຽກຮ້ອງຕ້ອງການຂໍ້ມູນສະຖິຕິທາງການຂອງການວາງນະໂຍບາຍ, ນັກວາງແຜນ,
ນັກລົງທືນທັງພາຍໃນ ແລະ ຕ່າງປະເທດ, ອົງການຈັດຕັ້ງສາກົນ
ໂດຍສະເພາະບັນດາຂະແໜງການຕ່າງໆໃນການຊົມໃຊ້ຂໍ້ມູນສະຖິຕິ.
No comments:
Post a Comment