ໃນຕອນເຊົ້າວັນທີ 4 ພຶດສາພານີ້, ຢູ່ສຳນັກງານສະຫະພາບເອີຣົບ, ທີ່ນະຄອນ ຫລວງວຽງຈັນ ໄດ້ຈັດຖະແຫລງຂ່າວກ່ຽວກັບງານເທດສະການອາຫານເອີຣົບຄັ້ງທີ 4, ມີທ່ານ ມີແຊນ ໂກແຟງ ອຸປະທູດ
ຜູ້ຕາງໜ້າສະຫະພາບເອີຣົບປະຈຳລາວ, ພ້ອມດ້ວຍຜູ້ຕາງໜ້າສະພາການຄ້າ ແລະ ອຸດສາຫະກຳເອີຣົບ ແລະ
ພາກສ່ວນກ່ຽວຂ້ອງຕ່າງໆເຂົ້າຮ່ວມເປັນຈຳນວນຫລາຍ.
ທ່ານອຸປະທູດ ກ່າວວ່າ: ເທດສະການອາຫານຄັ້ງນີ້
ຈະມີຮ້ານອາຫານຫລາຍກວ່າ 20 ຮ້ານເຂົ້າຮ່ວມເພື່ອເປັນການສົ່ງເສີມການຮ່ວມມືດ້ານວັດທະນະທຳ ແລະ ການທ່ອງທ່ຽວກັບຕ່າງປະເທດຫລາຍ, ຊຶ່ງຈະໄດ້ຈັດຂຶ້ນທີ່ຫໍວັດທະນະ ທຳແຫ່ງຊາດ, ນະຄອນຫລວງວຽງຈັນ, ໃນວັນທີ 9 ພຶດສະພານີ້, ໂດຍການຮ່ວມມືລະ ຫວ່າງສະຫະພາບເອີຣົບ, ສະພາການຄ້າ ແລະ ອຸດສາຫະກຳເອີຣົບ ແລະ
ບໍລິສັດ ອານາມຟາຍຟູດ, ເພື່ອຜູ້ເຂົ້າຊົມຈະໄດ້ຊິມ ແລະ ເລືອກຊື້ອາຫານທີ່ແຊບສ້ອຍ
ແລະ ມີຊື່ສຽງຈາກທະວີບເອີຣົບ,
ເຊິ່ງເປັນອາຫານທີ່ມີປະຫວັດສາດອັນຍາວນານສືບທອດກັນມາຫລາຍເຊັ່ນຄົນ. ນອກນັ້ນ
ຍັງຈະມີການສະແດງດົນຕີຈາກນັກສິລະປິນຂອງລາວເຂົ້າຮ່ວມໃຫ້ຄວາມມ່ວນຊື່ນນຳດ້ວຍ.
No comments:
Post a Comment