ເຈົ້າໜ້າທີ່ພະແນກຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນລະຫວ່າງວັນທີ 18-24 ພຶດສະພານີ້, ຢູ່ນະຄອນ ຫລວງວຽງຈັນ ໄດ້ມີອຸປະຕິເຫດຕາມທ້ອງຖະໜົນເກີດຂຶ້ນ 31 ກໍລະນີ, ສົ່ງຜົນໃຫ້ມີຜູ້ເສຍຊີວິດ 3 ຄົນຄື: ເວລາປະມານ 19:30 ໂມງຂອງວັນທີ 23 ພຶດສະພານີ້, ຢູ່ຖະໜົນ 13
ເໜືອ ເຂດບ້ານຜາງແຫ້ງ ເມືອງນາຊາຍທອງ ນະຄອນຫລວງວຽງຈັນ ໄດ້ເກີດອຸປະຕິເຫດລົດໃຫຍ່ຕຳລົດຈັກ ເຮັດໃຫ້ຄົນຂັບລົດຈັກຄື
ທ້າວ ຕິ່ງ ອາຍຸ 45 ປີກຳມະກອນ
ຢູ່ບ້ານສົມສະໜຸກ ເມືອງຫາດຊາຍຟອງ ເສຍຊີວິດຄາທີ່, ເວລາປະມານ 1:30 ໂມງຂອງວັນຕໍ່ມາ ຢູ່ຖະໜົນໄກສອນ ເຂດ 4 ແຍກໄຟແດງກຳມະບານ ເກີດເຫດລົດໃຫຍ່ຕຳລົດຈັກ ເຮັດໃຫ້ຄົນຂັບລົດຈັກຄື ທ້າວ
ສຸພົນນີ
ອາຍຸ 15 ປີ ນັກຮຽນ ຢູ່ບ້ານບຶງຂະຫຍອງ ເມືອງສີສັດຕະນາກ ເສຍຊີວິດຄາທີ່ ແລະ
ອີກກໍລະນີໜຶ່ງເກີດຂຶ້ນຢູ່ເຂດບ້ານດ່ານຄຳ ສົ່ງຜົນໃຫ້ມີຜູ້ເສຍຊີວິດຄາທີ່ໜຶ່ງຄົນແຕ່ບໍ່ຮູ້ຊື່, ດັ່ງນັ້ນເຈົ້າໜ້າທີ່ຈຶ່ງໄດ້ປະກາດຫາຍາດພີ່ນ້ອງເພື່ອໃຫ້ໄປນຳເອົາຊົບຂອງຜູ້ກ່ຽວ ຢູ່ມູນລະນິທິຈີນ ທີ່ບ້ານຮ່ອງຄ້າ ເມືອງຈັນທະບູລີ
ນະຄອນຫລວງວຽງຈັນ.
No comments:
Post a Comment