ປັບຄ່າແຮງງານຂັ້ນຕ່ຳຂຶ້ນໄດ້ ຈະສາມາດຫລຸດຜ່ອນແຮງງານອອກນອກປະເທດ
ການພັດທະນາເສດຖະກິດ-ສັງຄົມຢູ່ປະເທດເຮົາ ນັບວ່າມີການຂະຫຍາຍຕົວດີຂຶ້ນເປັນລຳດັບ, ໂດຍສະເພາະການລົງທຶນຂອງພາຍໃນ ແລະ ຕ່າງປະເທດ ເຫັນວ່າເພີ່ມຂຶ້ນສ້າງໜໍ່ແໜງໃຫ້ໂຮງຈັກ, ໂຮງງານ, ຫົວໜ່ວຍການຜະລິດຕ່າງໆ, ມີການເຕີບໃຫຍ່ເຂັ້ມແຂງຍິ່ງຂຶ້ນ. ດັ່ງນັ້ນການປັບຄ່າແຮງງານຂັ້ນຕ່ຳ ຈາກ 6 ແສນກີບມາເປັນ 9 ແສນກີບ/ເດືອນ/ຄົນ, ຊຶ່ງເລີ່ມມາແຕ່ຕົ້ນເດືອນມີນາ 2015 ນີ້ເປັນຕົ້ນມາ ແລະ ເຫັນວ່າສິ່ງນັ້ນມັນມີຄວາມສຳຄັນຍິ່ງຕໍ່ຊີວິດການເປັນຢູ່ຂອງຜູ້ອອກແຮງງານ ແລະ ທັງເປັນການຫລຸດຜ່ອນການໄປອອກແຮງງານຢູ່ຕ່າງປະເທດອີກດ້ວຍ. ແຕ່ໜ້າເສຍດາຍຈົນມາຮອດດຽວນີ້ກໍຍັງມີຫລາຍຫົວໜ່ວຍເສດຖະກິດເມີນເສີຍຕໍ່
ການປະຕິບັດຄຳສັ່ງດັ່ງກ່າວເຮັດໃຫ້ຜູ້ອອກແຮງງານຢູ່ລຽບຕາມແມ່ນ້ຳຂອງ, ຜູ້ທີ່ມີເງື່ອນໄຂ ກໍໄດ້ທະຍອຍກັນອອກໄປຊອກຫາວຽກເຮັດງານທຳຢູ່ປະເທດໄກ້ຄຽງ ເພື່ອຊອກເງິນຄຳກັບມາເຈືອຈູນລ້ຽງຊີວິດຄອບຄົວໃຫ້ມີຢູ່ມີກິນ ດັ່ງນັ້ນ ເພື່ອຫລີກເວັ້ນສະພາບດັ່ງກ່າວ ພາກ ສ່ວນກ່ຽວຂ້ອງຄວນລົງກວດກາຄືນຢູ່ຕາມບັນດາຫົວໜ່ວຍທຸລະກິດຕ່າງໆໃຫ້ເຂັ້ມງວດຕໍ່ການຈັດຕັ້ງປະຕິບັດມະຕິຄຳສັ່ງຂອງລັດຖະບານໃນການປັບຄ່າແຮງງານຂັ້ນຕ່ຳ, ເພື່ອເຮັດແນວໃດ ໃຫ້ກຳມະກອນມີຄວາມສາມາດຢູ່ໄດ້ເພື່ອຫລຸດຜ່ອນການຫລັ່ງໄຫລຂອງແຮງງານອອກນອກປະເທດຄືດັ່ງທີ່ເປັນຢູ່ໃນທຸກວັນນີ້.
No comments:
Post a Comment