ການສະເຫຼີມສະຫຼອງວັນກຳມະກອນສາກົນຄົບຮອບ 129 ປີ
ໄດ້ໝູນ ວຽນມາບັນຈົບຄົບຮອບອີກວາລະໜຶ່ງ ໃນເດືອນພຶດສະພາ 2015 ແລະ ໃນປີດັ່ງກ່າວກໍນັບວ່າເປັນນິມິດໝາຍອັນສຳຄັນໃຫ້ແກ່ກຳມະກອນ ແລະ
ຊາວຜູ້ອອກແຮງງານລາວທີ່ຈະໄດ້ຮັບເງິນເດືອນ ເພີ່ມທີ່ບັນດາຫົວໜ່ວຍທຸລະກິດຕົນສັງກັດຢູ່ຈາກ 6 ແສນກີບຂຶ້ນມາເປັນ 9 ແສນກີບ, ເຊິ່ງລັດຖະບານໄດ້ແຈ້ງໃຫ້ພາກສ່ວນກ່ຽວຂ້ອງເລີ່ມຈັດຕັ້ງປະຕິບັດນັບແຕ່ວັນທີ 1 ມີນາ
2015 ແຕ່ມາຮອດປັດຈຸບັນບັນດາຫົວໜ່ວຍທຸລະກິດສ່ວນໃຫຍ່ບໍ່ທັນຖືສຳຄັນໃນການເອົາໃຈໃສ່ປະຕິບັດຄໍາສັ່ງດັ່ງກ່າວຢ່າງມີຜົນສັກສິດ.
ຕໍ່ບັນຫາດັ່ງກ່າວບັນດາກຳມະກອນຊາວຜູ້ອອກແຮງງານຕ່າງກໍມີຄວາມສົນໃຈຕໍ່ມະຕິຕົກລົງ ແລະ ຄໍາສັ່ງຂອງລັດຖະບານທີ່ໄດ້ປະກາດອອກມາເປັນເວລາສອງເດືອນກ່ວາແຕ່ກໍຍັງບໍ່ໄດ້ຮັບຄວາມສົນໃຈ ແລະ
ຖືສຳຄັນຂອງຫົວໜ່ວຍ ທຸລະກິດໂດຍສະເພາະແມ່ນທຸລະກິດຂະໜາດນ້ອຍ
ແລະ ກາງ ຜູ້ທີ່ເຄີຍໄດ້ຮັບເງິນເດືອນ 6 ແສນກີບ ຫາ 8 ແສນກີບ, ມາຮອດປັດຈຸບັນກໍຍັງຄົງຕົວຢູ່ຄືເກົ່າຍັງບໍ່ທັນມີການປ່ຽນແປງ. ໃນກໍລະນີຫາກນາຍຈ້າງບໍ່ຂຶ້ນເງິນເດືອນໃຫ້ເຂົາເຈົ້າແທ້ກຳມະ
ກອນແຮງງານຂັ້ນຕໍ່າສົມຄວນທີຈະໄດ້ຮັບເງິນລ່ວງເວລາ ຫຼື
ເງິນສະຫວັດດີການສັງຄົມຕື່ມເພື່ອຮັບປະກັນໃນການຍົກລະ ດັບຊີວິດການເປັນຢູ່ໃຫ້ດີຂຶ້ນ ແລະ
ສາມາດຮັບປະກັນການປິ່ນປົວສຸຂະພາບໃນເວລາເກີດເຈັບເປັນແຕ່ເປັນໜ້າເສຍດາຍບັນຫາເຫຼົ່ານີ້ນັບວ່າບໍ່ທັນໄດ້ຮັບການເອົາໃຈໃສ່ຈາກນາຍຈ້າງແຕ່ຢ່າງໃດ, ບໍ່ສະເພາະແຕ່ເທົ່ານັ້ນບັນດາຫົວໜ່ວຍທຸລະກິດທີ່ຂຶ້ນກັບລັດກໍຍັງບໍ່ທັນເອົາໃຈໃສ່ ແລະ
ຖືສຳຄັນຕໍ່ຂໍ້ຕົກລົງຂອງລັດຖະບານວາງອອກ ດັ່ງນັ້ນຈຶ່ງຮຽກຮ້ອງໄປຍັງຂະແໜງການທີ່ກ່ຽວຂ້ອງເປັນຕົ້ນກະຊວງແຮງງານສະຫວັດດີການສັງຄົມ, ອົງການກຳມະບານລາວທຸກຂັ້ນຈົ່ງໄດ້ເອົາໃຈໃສ່ກວດກາຄືນຕໍ່ການປະຕິບັດຂອງນາຍຈ້າງທີ່ມີຕໍ່ລູກຈ້າງຂອງຕົນເພື່ອເຮັດໃຫ້ມະຕິຄຳສັ່ງລັດຖະບານວາງອອກໄດ້ຮັບການຈັດຕັ້ງປະຕິບັດ
ແລະ ມີຜົນສັກສິດກວ່າເກົ່າ. 
No comments:
Post a Comment