ເມື່ອບໍ່ດົນມານີ້, ສະພາການຄ້າ ແລະ ອຸດສະຫະກຳແຫ່ງຊາດ,
ໄດ້ສຳຫລວດ ຄວາມຄິດເຫັນຂອງນັກທຸລະກິດລາວ ເກືອບ 300 ຄົນ ກ່ຽວກັບບັນຫາການເປີດ ກວ້າງດ້ານການຄ້າຢູ່ລາວ
ແລະ ຜົນຂອງການສຳຫລວດເທື່ອນີ້ແມ່ນມີຂໍ້ມູນ ຫລາຍອັນສຳຄັນທີ່ສະທ້ອນໃຫ້ເຫັນເຖິງຄວາມສະດວກ
ແລະ ສິ່ງກີດຂວາງຕໍ່ ບັນຍາກາດການດຳເນີນທຸລະກິດ, ລວມ ເຖິງບັນຫາທ້າທາຍທີ່ຈະເຊື່ອມ ໂຍງເຂົ້າກັບພາກພື້ນ
ແລະສາກົນໃນຕໍ່ໜ້າ, ຊຶ່ງຄວາມຄິດເຫັນຂອງນັກ ທຸລະກິດສ່ວນ ຫລາຍຕ້ອງການໃຫ້ພາກລັດປັບປຸງບັນຍາກາດການສົ່ງເສີມດ້ານການຄ້າ-ການລົງທຶນໃຫ້ດີກວ່າເກົ່າ,
ໂດຍສະເພາະແມ່ນ ການຫລຸດຂັ້ນຕອນດ້ານລະບຽບການ ຫລື ເອກະສານທີ່ມີຫລາຍຂັ້ນຫລາຍຂອດ, ຫລຸດຜ່ອນອັດ ຕາພາສີ,
ສົ່ງເສີມ ການບໍລິການຜ່ານປະຕູດຽວໃຫ້ກວ້າງຂວາງ, ເປີດກວ້າງການນຳເຂົ້າແບບບໍ່ຜ່ານນາຍໜ້າອື່ນໆ.
ນອກຈາກນີ້, ລັດຕ້ອງເພີ່ມທະວີເອົາໃຈໃສ່ໃນການບໍລິການໃຫ້ຄຳປຶກສາແກ່ທຸລະກິດຂະໜາດນ້ອຍ
ແລະ ກາງ, ລວມເຖິງການໂຄສະ ນາຜະລິດຕະພັນສີນຄ້າຂອງລາວຢ່າງແຂງແຮງ ເພື່ອສ້າງຄວາມເຂັ້ມແຂງໃນການແຂ່ງຂັນດ້ານການຄ້າ
ແລະ ຍາດແຍ່ງ ຜົນປະໂຫຍດສູງສຸດຈາກການສົ່ງອອກ.
ສະພາການຄ້າ ແລະ ອຸສະຫະກຳແຫ່ງຊາດ ໃຫ້ຮູ້ວ່າ: ໃນໄລຍະຜ່ານມາ,
ລາວມີຄວາມພະຍາຍາມສູງໃນການ ພັດທະ ນາໂຄງສ້າງດ້ານນະໂຍບາຍທີ່ເອື້ອອຳນວຍໃຫ້ແກ່ການສົ່ງເສີມການຄ້າລະຫວ່າງປະເທດໃຫ້ມີການເຕີບໂຕໄວ,
ແຕ່ຜົນ ສຳຫລວດຄັ້ງນີ້ໄດ້ຊີ້ໃຫ້ເຫັນວ່າພາກລັດຖະບານ ແລະເອກກະຊົນຕ້ອງໄດ້ມີການປຶກສາຫາລືຢ່າງຈິງຈັງ
ຮ່ວມກັນ ຫລາຍຂຶ້ນເພື່ອປັບປຸງບັນດາລະບຽບຫລັກການທີ່ບໍ່ສອດຄ່ອງ ແລະ ກົດໜ່ວງທ່ວງດຶງການພັດທະນາເສດຖະກິດໂດຍ
ລວມຂອງປະເທດ, ກໍຄືຄວາມອາດສາມາດໃນການແຂ່ງຂັນດ້ານການຄ້າ-ການລົງທຶນໃນຍຸກທີ່ມີການເປີດກວ້າງການ
ພົວພັນຮ່ວມມືກັບພາກພື້ນ ແລະ ສາກົນຢ່າງຫລວງຫລາຍນັບທັງປັດຈຸບັນ ແລະ ໃນອານາຄົດຂ້າງໜ້າ,
ໂດຍສະເພາະ ພວກເຮົາຕ້ອງໄດ້ມີການໂຄສະນາຜ່ານສື່ໃຫ້ຫລາຍເພື່ອຍົກສູງຄວາມຮູ້ກ່ຽວກັບນະໂຍບາຍການຄ້າ,
ສັນຍາການຄ້າ, ຂັ້ນຕອນການດຳເນີນການຄ້າຂອງລາວ, ພ້ອມກັນນັ້ນກໍຕ້ອງສ້າງແຜນງານເພື່ອຊ່ວຍເຫລືອວິສາຫະກິດຂະໜາດນ້ອຍ
ແລະ ກາງ ພັດທະນາຂີດຄວາມສາມາດຂອງພວກເຂົາໃນການສົ່ງອອກສີນຄ້າ, ໂດຍຜ່ານການຊອກຕະຫລາດໃໝ່ເພີ່ມ
ຂຶ້ນ ແລະ ຊຸກຍູ້ຊ່ວຍເຫລືອໃຫ້ເຂົາເຈົ້າໄດ້ເຂົ້າຮ່ວມວາງສະແດງສີນຄ້າໃນລະດັບພາກພື້ນ ແລະ
ສາກົນຕ່າງໆ, ໂດຍສະ
ເພາະບັນດາຫົວໜ່ວຍທຸລະກິດທີ່ຫາກໍເຂົ້າຮ່ວມການຄ້າລະຫວ່າງປະເທດ.
No comments:
Post a Comment