ໃນວັນທີ 25 ພຶດສະພາຜ່ານມາ, ບໍລິສັດເອັມເອັມຈີ (MMG LXM), ບໍ່ຄຳເຊໂປນໄດ້ມອບລົດຊ່ວຍເຫລືອຄັນເຈັບ 1 ຄັນ ແລະ
ຕູ້ອົບເດັກເກີດໃໝ່ສອງເຄື່ອງໃຫ້ແກ່ໂຮງໝໍແຂວງສະຫວັນນະເຂດ ເພື່ອປະກອບສ່ວນຊ່ວຍຄົນເຈັບ ແລະ ແກ້ໄຂສຸກເສີນຕ່າງໆພາຍໃນແຂວງດັ່ງກ່າວ. ໂດຍມີຕາງໜ້າຈາກບໍລິສັດເອັມເອັມຈີ (MMG LXM), ເຊໂປນ, ອຸຍນີເຊັຟ ແລະ ເຈົ້າໜ້າທີ່ກ່ຽວຂ້ອງແຂວງສະຫວັນນະເຂດເຂົ້າຮ່ວມເປັນສັກຂີພິຍານໃນພິທີມອບ-ຮັບອຸປະກອນຊ່ວຍເຫລືອດັ່ງກ່າວ.
ທ່ານ ຊູເຣັດ
ວາດນາກຣາ ຜູ້ຈັດການໃຫຍ່ MMG LXM ເຊໂປນ ໄດ້ກ່າວວ່າ: ຂ້າພະເຈົ້າຮູ້ສຶກພາກພູມໃຈຫລາຍທີ່
ໄດ້ສະໜັບສະໜູນອຸປະກອນການແພດໃຫ້ແກ່ໂຮງໝໍແຂວງສະຫວັນນະເຂດ, ໂດຍສະເພາະການຊ່ວຍເຫລືອທີ່ສາ ມາດເຂົ້າເຖິງແມ່ຍິງ ແລະ ເດັກນ້ອຍ,
ໂດຍສອດຄ່ອງກັບເປົ້າໝາຍຂອງພວກເຮົາທີ່ມີຄວາມມຸ້ງໝັ້ນສູງ ໃນການປົກປ້ອງສຸຂະພາບ, ຄວາມປອດໄພ ແລະ ຄວາມຢູ່ດີມີສຸກຂອງພະນັກງານພວກເຮົາ ກໍຄືຮັບປະກັນປະຊາຊົນໃຫ້ໄດ້ຮັບຜົນປະໂຫຍດຈາກການດຳເນີນໂຄງການດັ່ງກ່າວ.
ດັ່ງນັ້ນ ການສະໜັບສະໜູນໃນຄັ້ງນີ້ ສະແດງໃຫ້ເຫັນເຖິງຄວາມຕັ້ງໃຈໃນການຮັກສາຄວາມປອດໄພ ແລະ
ການບໍລິການສາທາລະນະສຸກ.
ການຊ່ວຍເຫລືອຄັ້ງນີ້ແມ່ນນອນໃນການຮ່ວມມືລະຫວ່າງກະຊວງສາທາລະນະສຸກ ແລະ ອົງການ
UNICEF ທີ່ແນໃສ່ຊ່ວຍຊີວິດຂອງເດັກ, ເຊິ່ງບໍລິສັດເອັມເອັມຈີ (MMG LXM), ໄດ້ປະກອບສ່ວນປະມານ
1,4 ລ້ານໂດລາສະຫະລັດ ເຂົ້າໃນການປັບປຸງໂພຊະນາການເດັກ ແລະ ແມ່ຜ່ານແຜນງານ 1.000 ວັນ
ທີ່ຈັດຕັ້ງປະຕິບັດເປັນໄລຍະ 3 ປີ, ຢູ່ແຂວງສະຫວັນນະເຂດ, ສາລະວັນ ແລະ ອັດຕະປື.
No comments:
Post a Comment