ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ໃນທ້າຍອາທິດນີ້
ຮ່ອງຄວາມກົດດັນອາກາດຕ່ຳຍັງມີກຳລັງປານກາງ ຈະພັດຜ່ານຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ເຮັດໃຫ້ອຸນຫະພູມຂອງອາກາດຍັງຈະຮ້ອນຕື່ມອີກ ແລະ
ມີຝົນຕົກຟ້າຄະນອງໃນລະດັບຄ່ອຍຢູ່ແຕ່ລະພາກ. ຈາກນັ້ນ
ຕົ້ນອາທິດໜ້າ ມໍລະສຸມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງລາວ, ເຮັດໃຫ້ມີຝົນຕົກຟ້າຄະນອງໃນລະດັບຄ່ອຍຫາປານກາງຫລາຍຂຶ້ນ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ
ນັບທັງນະຄອນ ຫລວງວຽງຈັນ.
ອາກາດໃນໄລຍະນີ້ ຍັງຈະຮ້ອນຕື່ມອີກ, ຈາກນັ້ນ
ອຸນຫະພູມຂອງອາກາດໂດຍທົ່ວໄປຈະເຢັນລົງເລັກຫນ້ອຍ, ນັບແຕ່ວັນທີ 27-29 ພຶດສະພານີ້, ຈະມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ. ຈາກນັ້ນ
ວັນທີ 30 ພຶດສະພາ-2 ມີຖຸນານີ້, ຈະມີຝົນຕົກຟ້າຄະນອງໃນລະດັບຄ່ອຍຫາປານກາງຫລາຍຂຶ້ນຢູ່ແຕ່ລະພາກ ພ້ອມມີລົມພັດແຮງເປັນບາງໂອກາດ.
No comments:
Post a Comment