ພິທີ ລົງນາມສັນຍາໂຄງການຊ່ວຍເຫຼືອລ້າກໍ່ສ້າງຂົວຂ້າມນ້ຳງື່ມ ບ້ານນາບົງ ຫາ
ບ້ານທ່າກົກໄຮ ເມືອງປາກງື່ມຈຸດເກີດອຸປະຕິເຫດເຮືອຫລົ້ມເມື່ອບໍ່ດົນ ແລະ ກໍ່ສ້າງ ເສັ້ນທາງ ພ້ອມດ້ວຍຂົວຂ້າມຮ່ອງແຊງ
ເມືອງໄຊເສດຖາ ນະຄອນຫຼວງວຽງຈັນ ມີຂຶ້ນໃນຕອນແລງວັນທີ
11 ມິຖຸນານີ້ ຢູ່ສູນການຄ້າລາວ-ໄອເຕັກ ນະຄອນ ຫລວງ ວຽງຈັນ ລະຫວ່າງ
ທ່ານ ດຣ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ກັບ ທ່ານ ສັກໄຊ ວົງມາລາສິດ
(ປີເຕີຈັນ) ປະທານບໍລິສັດ ລາວເວີີນ ວິສະວະກຳກໍ່ສ້າງຂົວທາງ
ຈຳກັດ ໂດຍໃຫ້ກຽດເຂົ້າ ຮ່ວມ ຂອງທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ
ຜູ້ຊີ້ນຳວຽກງານຂົງເຂດເສດຖະກິດ ແລະ ຈໍລະຈອນ,
ທ່ານ ດຣ. ບຸນຈັນ ສິນທະວົງ ລັດຖະມົນຕີວ່າການກະຊວງ
ໂຍທາທິການ ແລະ ຂົນສົ່ງ ທ່ານ ສອນໄຊ ສີພັນດອນ ລັດຖະມົ ນຕີ ຫົວຫນ້າຫ້ອງວ່າການລັດຖະບານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລາຍ.
ປະທານບໍລິສັດ ລາວເວີີນ ວິສະວະກຳ ກໍ່ສ້າງຂົວທາງ ຈຳກັດ ກ່າວວ່າຕົນມີຄວາມຍິນດີໃຫ້ການຊ່ວຍເຫຼືອສ້າງຂົວຂ້າມ ນ້ຳງື່ມ ຢູ່ເຂດບ້ານນາບົງ ເມືອງປາກງື່ມ
ນະຄອນຫຼວງວຽງຈັນ ຈຸດທີ່ເກີດອຸປະຕິເຫດເຮືອຫລົ້ມ ຈົນມີນັກຮຽນເສຍຊີວິດ ທັງຫມົດ
10 ຄົນ ເຊິ່ງຈະສ້າງເປັນຂົວເບຕົງເສີມເຫຼັກ, ຍາວ 220 ແມັດ,
ໜ້າຂົວກວ້າງ 11 ແມັດ, ລວມທາງຄົນຍ່າງ 2 ເບື້ອງໆລະ 1,50 ແມັດ, ໄລຍະການກໍ່ສ້າງ 24
ເດືອນ, ມີລະບົບປ້າຍຄົບຊຸດ ລວມມູນຄ່າການກໍ່ສ້າງປະມານ 105 ຕື້ກີບ.
ນອກນີ້
ຍັງເຫັນດີຊ່ວຍເຫຼືອໂຄງການກໍ່ສ້າງເສັ້ນທາງເບຕົງ ໃນເຂດ 4 ແຍກໄຟແດງໂພນພະເນົາ
ໄປຕາມເຂດວິທະຍາໄລ ລາວ-ອາເມຣິກາ ລຽບຄອງນ້ຳລວມມີຂົວ 3 ແຫ່ງ
ເຊື່ອມຕໍ່ເສັ້ນທາງໂພນພະເນົາ ຍາວ 2 ກິໂລແມັດ ແລະ ກໍ່ສ້າງຂົວຂ້າມ ຄອງ 3 ແຫ່ງ
ເຊື່ອມຕໍ່ໃສ່ເສັ້ນທາງໂພນພະເນົາ ໜ້າທາງກວ້າງ 9 ແມັດ, ມີຮ່ອງລະບາຍນ້ຳຝົນ, ມີໄລຍະເວລາກໍ່ສ້າງແມ່ນ ໃຫ້ສຳເລັດທັນວັນສະເຫຼີມສະຫຼອງວັນຊາດທີ 2 ທັນວາ ທີ່ຈະມາເຖິງນີ້, ລວມມູນຄ່າການກໍ່ສ້າງ
42 ຕື້ກີບ, ອັນເປັນການປະ ກອບສ່ວນເພື່ອສະໜອງຄວາມຕ້ອງການຂອງປະຊາຊົນຊາວນະຄອນຫຼວງວຽງຈັນ.
ທ່ານ
ດຣ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໄດ້ກ່າວສະແດງຂອບໃຈ, ຊົມເຊີຍ ຕໍ່ນ້ຳໃຈອັນ ສູງຊົ່ງໃນ ການຊ່ວຍເຫຼືອລ້າກໍບັນດາໂຄງການດັ່ງກ່າວ
ຂອງບໍລິສັດ ລາວເວີນ ວິສະວະກຳ ກໍ່ສ້າງຂົວທາງ ຈຳກັດ ເຊິ່ງເປັນຂອງ ຂວັນສຳຄັນມອບໃຫ້ແກ່ປະຊາຊົນລາວກໍຄືຊາວນະຄອນຫຼວງວຽງຈັນເພື່ອເຮັດໃຫ້ການສັນຈອນໄປມາມີຄວາມສະດວກປອດໄພດີຂຶ້ນ.
No comments:
Post a Comment