ເຜີຍແຜ່ສະພາບການສາກົນໃຫ້ພະນັກງານຫລັກແຫລ່ງກະຊວງ ແລະ ຂະແໜງການຕ່າງໆ

ໃນວັນທີ 11 ມິຖຸນານີ້, ຢູ່ຄະນະໂຄສະນາອົບຮົມສູນກາງພັກ, ທ່ານຮອງນາຍົກ ລັດຖະມົນຕີ,ລັດຖະມົນຕີວ່າ ການກະຊວງການຕ່າງປະເທດ ທອງລຸນ ສີສຸລິດ ໄດ້ໃຫ້ກຽດເຜີຍແຜ່ກ່ຽວກັບສະພາບການພາກພື້ນ ແລະ ສາກົນທີ່ ພວມພົ້ນເດັ່ນ ລວມເຖິງແນວທາງການຕ່າງປະເທດຂອງພັກ ແລະ ລັດຖະບານເຮົາໃຫ້ ແກ່ພະນັກ ງານການນຳຫລັກ ແຫລ່ງ, ສະມາຊິກພັກທີ່ມາຈາກບັນດາກະຊວງ, ອົງການຈັດຕັ້ງ ພັກ-ລັດຫລາຍກວ່າ 200 ຄົນ.

    ໃນໂອກາດນີ້, ຮອງນາຍົກລັດຖະມົນຕີ ທອງລຸນ ສີສຸລິດ ໄດ້ຍົກໃຫ້ເຫັນສະ ພາບການໂດຍລວມທີ່ເກີດຂຶ້ນຢູ່ໃນ ຂົງເຂດພາກພື້ນ ແລະ ສາກົນ ທີ່ພວມຜັນແປ ໄປຢ່າງສະຫລັບສັບຊ້ອນ, ມີສິ່ງທີ່ເປັນກາລະໂອກາດ ແລະ ບັນຫາທ້າ ທາຍຕໍ່ການພັດທະນາເສດຖະກິດ-ສັງຄົມຢູ່ແຕ່ ລະປະເທດ, ໂດຍສະເພາະແມ່ນການຜັນຜວນດ້ານເສດຖະກິດ, ໄພທຳມະຊາດທຳລາຍ, ຄວາມອຶດຫິວ, ການປ່ຽນແປງ

ຂອງສະພາບດິນຟ້າອາກາດ ແລະ ອື່ນໆ, ເຊິ່ງມີທັງຜົນ ດີ ແລະ ຜົນກະທົບຕໍ່ການພັດທະນາເສດຖະກິດ-ສັງຄົມຢູ່ປະເທດເ ຮົາ, ແນວໃດກໍຕາມແນວທາງການຕ່າງປະເທດຂອງພັກ ແລະ ລັດເຮົາຍັງແມ່ນການຍຶດໝັ້ນຫລັກການສັນຕິພາບ, ເອກະລາດ, ມິດຕະພາບ ແລະການຮ່ວມຢ່າງສະເໝີຕົ້ນສະເໝີປາຍ, ຕັ້ງໜ້າເປັນເຈົ້າການສົ່ງເສີມການພົວພັນຮ່ວມມືກັບຕ່າງປະເທດແບບ ຫລາຍທິດ, ຫລາຍຝ່າຍ, ຫລາຍລະດັບ ແລະ ຫລາຍຮູບແບບບົນພື້ນຖານຫລັກການເຄົາລົບເຊິ່ງກັນ ແລະ ກັນ, ຕ່າງຝ່າຍຕ່າງ ມີຜົນກະໂຫຍດ, ເພື່ອດຶງດູດການລົງ ທຶນ, ການຊ່ວຍເຫລືອ, ການທ່ອງທ່ຽວຈາກຕ່າງປະເທດໃຫ້ນັບມື້ຫລາຍຂຶ້ນເພື່ອ ພັດທະນາປະເທດຊາດພວກເຮົາໃຫ້ ຈະເລີນຮຸ່ງເຮືອງ. ນອກຈາກນີ້, ທ່ານຮອງນາຍົກລັດຖະມົນຕີ ທອງລຸນ ສີສຸລິດ ຍັງໄດ້ເວົ້າ ເຖິງການກະກຽມຄວາມ ພ້ອມຂອງ ສປປ ລາວ ໃນການເຂົ້າເປັນປະຊາຄົມເສດຖະກິດອາຊຽນໃນທ້າຍປີ 2015 ນີ້, ການເປັນປະທານອາຊຽນ ແລະ ກອງປະຊຸມສຸດຍອດອາຊຽນໃນປີ 2016 ທີ່ຈະມາເຖິງ.