ໃນຕອນເຊົ້າຂອງວັນທີ 23 ມິຖຸນານີ້, ບໍລິສັດ ສະຕາຣ
ໂທລະຄົມ ໄດ້ຈັດພິທີນຳສະເໜີເຄືອຂ່າຍລະບົບ 4G ຢ່າງເປັນທາງການຂຶ້ນຢູ່ໂຮງແຮມລາວພລາຊາ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ທັນສະໄໝ ກົມມະສິດ ລັດຖະມົນຕີຊ່ວຍວ່າການກະຊວງໄປສະນີໂທລະຄົມມະນາຄົມ ແລະ
ການສື່ສານ, ມີຜູ້ອຳນວຍການ,
ພ້ອພະນັກ ງານບໍລິສັດດັ່ງກ່າວ ແລະ ພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລາຍ.
ຮອງອໍານວຍການບໍລິສັດ ສະຕາຣ
ໂທລະຄົມ ໄດ້ກ່າວວ່າ: ເພື່ອເປັນການຕອບສະໜອງກັບຄວາມຮຽກຮ້ອງຕ້ອງການຂອງລູກຄ້າທີ່ຢາກຈະນຳໃຊ້ບໍລິການ 4G ຂອງຢູນີເທວ, ໃນມື້ນີ້ ພວກເຮົາໄດ້ນຳເອົາບໍລິການດັ່ງກ່າວ ມາໃຫ້ລູກຄ້າໄດ້ນຳ
ໃຊ້ແລ້ວ, ເຊິ່ງຢູນີເທວເປັນເຄືອຂ່າຍທຳອິດຢູ່ລາວໃນການໃຫ້ບໍລິການເຄືອຂ່າຍລະບົບ 4G, ບໍ່ວ່າຈະເປັນເບີມືຖືແບບລາຍເດືອນ ຫລື
ແບບເຕີມເງິນກໍສາມາດນຳໃຊ້ບໍລິການ 4G ໄດ້ເຊັ່ນກັນ, ໂດຍການນຳເອົາມືຖືຂອງທ່ານທີ່ໃຊ້ບໍລິການ 3G ເຂົ້າໄປສູນບໍລິການຂອງຢູນີເທວ ເພື່ອປ່ຽນຈາກຊິມ
3G ເປັນ 4G. ພິເສດຖ້າລູກຄ້າທ່ານໃດທີ່ນຳໃຊ້ບໍລິ ການ 4G ຢູ່ແລ້ວ ກໍຍັງສາມາດນຳໃຊ້ສັນຍານ 2G, 3G ໄດ້ເປັນປົກກະຕິ ໃນກໍລະນີພື້ນທີ່ດັ່ງກ່າວບໍ່ມີສັນຍານ 4G.
ເຖິງຢ່າງໃດກໍຕາມ ການບໍລິການເຄືອຂ່າຍ 4G ແມ່ນຍັງບໍ່ທັນຄວບຄຸມໄດ້ທົ່ວປະເທດເທື່ອ ມີພຽງ 4 ແຂວງຄື: ນະຄອນຫລວງວຽງຈັນ, ຫລວງພະບາງ, ສະຫວັນນະເຂດ ແລະ ຈຳປາສັກ ເທົ່ານັ້ນ ທີ່ສາມາດນຳໃຊ້ເຄືອຂ່າຍດັ່ງ ກ່າວໄດ້. ຄຽງຄູ່ກັບການສະໜອງເຄືອຂ່າຍ 4G ໃຫ້ແກ່ປະຊາຊົນລາວແລ້ວ, ຢູນີເທວ ຍັງຕັ້ງເປົ້າໝາຍທີ່ຈະປັບປຸງຄຸນນະພາບການບໍລິການ, ສັນຍານເຂດປົກຄຸມ ແລະ ການພັດທະນາເທັກໂນໂລຊີ ພ້ອມທັງສືບຕໍ່ນຳເອົາບໍລິການທີ່ດີທີ່ສຸດມາສູ່ຄົນລາວນຳອີກ.
No comments:
Post a Comment