ໃນພິທີຖະແຫລງຂ່າວ ເພື່ອກະກຽມສະເຫລີມສະຫລອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວຄົບຮອບ 60 ປີ,
ທີ່ໄດ້ຈັດຂຶ້ນໃນຕອນເຊົ້າວັນທີ 10 ມິຖຸນານີ້, ຢູ່ສູນກາງສະຫະພັນແມ່ຍິງລາວ ທີ່ນະຄອນຫລວງວຽງຈັນ,
ທ່ານນາງ ສີໃສ ລືເດດມູນສອນ ປະທານສູນກາງສະຫະພັນແມ່ຍິງລາວ ໄດ້ຖະແຫລງວ່າ: ໃນປີນີ້ຈະໄດ້ຈັດຂຶ້ນພ້ອມກັນທົ່ວປະເທດໃນວັນທີ 16 ມິຖຸນານີ້, ໂດຍສະເພາະ ສູນກາງສະຫະພັນແມ່ຍິງລາວ ຈະຈັດກອງປະຊຸມສຳມະນາວິທະ ຍາສາດ ໃນຫົວຂໍ້ “ເສີມຂະຫຍາຍມູນເຊື້ອ 60 ປີ ຂອງສະຫະພັນແມ່ຍິງລາວ” ຂຶ້ນທີ່ຫໍປະຊຸມແຫ່ງຊາດ (ຫລັກ 6), ເພື່ອໃຫ້ເອື້ອຍນ້ອງແມ່ຍິງມີຄວາມເຂົ້າໃຈ
ແລະ ເສີມຂະຫຍາຍມູນເຊື້ອດັ່ງກ່າວເຂົ້າໃນການດຳລົງຊີວິດໃນເງື່ອນໄຂໃໝ່, ທັງເປັນການໂຄສະນາເຜີຍແຜ່ໃຫ້ສັງຄົມໄດ້ຮັບຮູ້ ແລະ ສ້າງຄວາມເຊື່ອໝັ້ນຕໍ່ບົດບາດຂອງແມ່ຍິງລາວ ໃນການເຂົ້າຮ່ວມປະຕິບັດໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດ,
ກໍຄືການປະຕິບັດນະໂຍບາຍຂອງພັກ-ລັດ ແລະ ແຜນພັດທະນາແມ່ຍິງໃຫ້ສູງຂຶ້ນຕື່ມອີກ.
ນອກຈາກນີ້ ຍັງຈະໄດ້ຈັດປາຖະກະຖາຫວນຄືນມູນເຊື້ອຂອງແມ່ຍິງ ໃຫ້ຕິດພັນກັບການປະຕິບັດແຜນການພັດທະ ນາຂອງຕົນທີ່ໄດ້ວາງອອກໃນກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ
VI, ຄຽງຄູ່ກັນນັ້ນ ກໍຈະມີການຈັດກິດຈະກຳຕ່າງໆເຊັ່ນ: ການແຂ່ງຂັນກິລາ, ສິລະປະວັນນະຄະດີ, ວາງສະແດງຮູບພາບ ຜົນງານການເຄື່ອນໄຫວວຽກງານທີ່ພົ້ນເດັ່ນຂອງແມ່ຍິງ ໃນທົ່ວປະເທດໃຫ້ມີເນື້ອ ແລະ ຟົດຟື້ນ.
No comments:
Post a Comment