ຫາລືສ້າງຄວາມເຂັ້ມແຂງໃຫ້ແກ່ການພັດທະນາກະສິກຳອິນຊີຢູ່ລາວ

ກອງປະຊຸມປຶກສາຫາລືສ້າງຄວາມເຂັ້ມແຂງໃຫ້ແກ່ການພັດທະນາກະສິກຳອິນຊີຢູ່ລາວ ຄັ້ງທີ່ 4 ໄດ້ຈັດຂຶ້ນ, ໃນວັນທີ 11 ມິຖຸນານີ້, ຢູ່ໂຮງແຮມລາວພລາຊາ ນະຄອນຫຼວງວຽງຈັນ ໂດຍ ການເປັນປະທານຮ່ວມຂອງຫົວໜ້າກົມປູກຝັ່ງ ກະຊວງກະສິກຳ ແລະ ປ່າໄມ້ ແລະ ທ່ານຫົວໜ້າກົມສົ່ງເສີມ ແລະ ພັດທະນາສິນຄ້າ, ກະຊວງອຸດສາຫະກຳ ແລະ ການຄ້າ, ພ້ອມດ້ວຍຜູ້ຕ່າງໜ້າ ອົງການສະຫະປະຊາຊາດເພື່ອການຄ້າ ແລະ ການພັດທະນາ (UNTAD) ແລະ ຜູ້ປະກອບການຜະ ລິດກະສິກຳອິນຊີເຂົ້າຮ່ວມ ເປັນຈຳນວນຫຼາຍ.

ຫົວໜ້າກົມປູກຝັ່ງມີຄຳເຫັນຕໍ່ກອງປະຊຸມວ່າ: ການພັດທະນາກະສິກຳອິນຊີ ຂອງປະເທດເຮົາມີໜໍ່ແໜ່ງມາໄດ້ ຫຼາຍປີ ແລ້ວ, ແຕ່ການລິເລີ່ມດັ່ງກ່າວຍັງເປັນລັກຊະນະ, ເຮັດພໍໃຜ ພໍລາວ, ກະແຈກກະຈາຍ, ຈຶ່ງເຮັດໃຫ້ຂະບວນ ການຜະລິດບໍ່ໄດ້ດີເທົ່າ ທີ່ຄວນ, ຈາກປະສົບການ ແລະ ບົດຮຽນທີ່ຜ່ານມາ, ກົມປູກຝັ່ງຮ່ວມກັບກົມສົ່ງເສີມ ແລະ ພັດທະນາສິນຄ້ຈຶ່ງມີຄວາມຄິດຈັດ ກອງປະຊຸມນີ້ຂຶ້ນ, ເພື່ອເປັນເວທີແລກປ່ຽນຄວາມຄິດເຫັນ ແລະ ບົດຮຽນຂອງ ທຸກພາກສ່ວນທີ່ມີສ່ວນຮ່ວມໃນການສະໜັບ ສະໜູນ ແລະ ຜະລິດກະສິ ກຳອິນຊີ, ເພື່ອເຮັດໃຫ້ມີການລວມຕົວ ຂອງຜູ້ຜະລິດ ແລະ ຜູ້ປະກອບການຕ່າງໆ, ເພື່ອຜັກດັນ ແລະ ສະໜັບສະ ໜູນກນຜະລິດກະສິກຳອິນຊີມີຄວາມເຂັ້ມແຂງ, ຊຶ່ງການຈັດກອງປະຊຸມແຕ່ລະຄັ້ງທີ່ຜ່ານມາແມ່ນມີຜົນດີຫຼາຍດ້ານຕໍ່ ການພັດທະນາກະສິກຳອິນຊີ, ເປັນຕົ້ນແມ່ນເຮັດໃຫ້ ມີການລວມຕົວກັນຂອງບັນດາຜູ້ຜະລິດ ແລະ ຜູ້ປະກອບການເປັນກຳລັງແຮງ ສຳຄັນໃນການຂັບເຄື່ອນ, ການຂະຫຍາຍຕົວ ດ້ານກະສິກຳອິນຊີຂອງທ້ອງຖິ່ນຕ່າງໆ, ດັ່ງນັ້ນກອງປະຊຸມຄັ້ງນີ້ຍັງຈະມີການ ທົບ ທວນຜົນໄດ້ຮັບຂອງກອງປະຊຸມ 3 ຄັ້ງທີ່ຜ່ານມາ, ເພື່ອສ້າງເປັນແຜນການ ແລະ ກຳນົດ ທິດທາງດຳເນີນງານ, ໂດຍສະເພາະແມ່ນ ຈະໄດ້ແຕ່ງຕັ້ງອົງການຮັບ ຜິດຊອບທີ່ເຂັ້ມແຂງ ແລະ ຢັ້ງຢືນຂອງພາກສ່ວນລັດ ແລະ ຮູ້ເຮັດໜ້າທີ່ໃນການສະໜັບສະໜູນກະສິກຳ ອິນຊີລາວໃຫ້ກ້າວ ໄປສູ່ການຜະລິດເປັນສິນຄ້າ, ທີ່ຕ້ອງການຂອງຕະຫຼາດ ແລະ ຫວັງວ່າການປະຊຸມຄັ້ງນີ້ຈະສ້າງເງື່ອນໄຂໃໝ່ໃນ ຂະແໜງກະສິ ກຳອິນຊີຂອງລາວໃຫ້ມີໃບໜ້າໃໝ່.