ຕ້ອງໄດ້ເພີ່ມມາດຕະການເຂັ້ມງວດກຳຈັດຢາເສບຕິດ

ໃນໄລຍະຜ່ານມານີ້, ເຖິງວ່າເຈົ້າໜ້າທີ່ ແລະອຳນາດການປົກຄອງທຸກຂັ້ນໄດ້ເອົາໃຈໃສ່ດ້ວຍຫລາຍຮູບການຕໍ່ການ ຕ້ານ ແລະ ສະກັດກັ້ນການແຜ່ລະບາດຂອງຢາເສບຕິດ, ແຕ່ສັດຕູຮ້າຍດັ່ງກ່າວນັບມື້ຍິ່ງແຜ່ລາມເປັນວົງກວ້າງໄປຫາທຸກຊັ້ນ ຄົນເພດໄວບໍ່ວ່າຈະຢູ່ໃນຖັນແຖວນັກຮຽນຮູ້, ເຍົາວະຊົນ, ພະສົງອົງຄະເຈົ້າ ແລະ ອື່ນໆ. ດັ່ງນັ້ນຖ້າຫາກພວກເຮົາບໍ່ມີມາດ ຕະການເຂັ້ມງວດກໍຍິ່ງຈະເປັນໄພອັນຕະລາຍ.ກໍດັ່ງຜ່ານມາ, ກຳລັງສື່ມວນຊົນກໍໄດ້ນຳສະເໜີຂ່າວກ່ຽວກັບການຄ້າຂາຍ, ການເສບ ແລະ ການກໍ່ອາຊະຍາກຳທີ່ເກີດຂຶ້ນຢ່າງເປັນປະຈຳອັນເນື່ອງມາຈາກຜົນຮ້າຍຂອງຢາເສບຕິດ. ດັ່ງນັ້ນ ຖ້າຫາກພວກ ເຮົາຍັງລະເຫລີງຕໍ່ກັບບັນຫານີ້ຜົນຮ້າຍຂອງມັນຍິ່ງຈະກະທົບໄປຫລາຍດ້ານບັນຫາອາຊະຍາກຳ, ການປຸ້ນຈີ້ຂ້າເຈົ້າເອົາຂອງ ແຜ່ລາມໄປຫລາຍຂຶ້ນເຮັດໃຫ້ປາກົດການຫຍໍ້ທໍ້ຢູ່ໃນສັງຄົມນັບມື້ຍິ່ງໜັກໜ່ວງ. ເພາະສະນັ້ນອຳນາດການປົກຄອງທ້ອງຖິ່ນ ແລະກຳລັງປກຊ-ປກສຈະຕ້ອງຮີບຮ້ອນຮ່ວມກັນແກ້ໄຂບັນຫາຢ່າງຈິງຈັງຈຶ່ງຈະຊ່ວຍໃຫ້ການປາບປາມ ແລະ ສະກັດ ກັ້ນສິ່ງເສບຕິດມີຜົນດີຂຶ້ນ.