ອຸທາຫອນຍ້ອນລິດເມົາ

    ເມື່ອທ້າຍອາທິດຜ່ານມານີ້, ເຈົ້າໜ້າທີ່ ປກສ ແຂວງອຸດົມໄຊ ໄດ້ນຳຕົວທ້າວ ຄຳນ້ອຍ ອາຍຸ 58 ປີຢູ່ບ້ານເຈງ ເມືອງໄຊ ແຂວງອຸດົມໄຊ ມາເຮັດແຜນປະກອບຄະ ດີສົ່ງໃຫ້ສານຕັດ ສີນລົງໂທດຕາມລະບຽບກົດໝາຍ, ພາຍຫລັງຜູ້ກ່ຽວໄດ້ຄາດ ຕະກຳເມຍຂອງຕົນຢ່າງໂຫດຫ້ຽມເມື່ອຕົ້ນເດືອນເມສາ 2015 ນີ້.

     ຮອງຫົວໜ້າພະແນກສືບສວນ-ສອບສວນ ຄະດີອາຍາແຂວງດັ່ງກ່າວໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກປະຊາຊົນໃນຕອນແລງຂອງວັນທີ 13 ເມສາ 2015 ວ່າເກີດເຫດຄາດຕະກຳຢູ່ເຮືອນຫລັງໜຶ່ງໃນບ້ານດັ່ງກ່າວ, ຈຶ່ງໄດ້ຈັດກຳລັງເຈົ້າໜ້າທີ່ລົງກວດກາສະຖານທີ່ເກີດເຫດທັນທີ ແລະ ຮູ້ວ່າຜູ້ເສຍຊີວິດຊື່ນາງ ຫອມ ອາຍຸ 58 ປີ ນອນຈົມກອງເລືອດຢູ່ພາຍໃນເຮືອນຂອງຕົນ, ໂດຍມີຮ່ອງຮອຍຖືກຂອງ

ມີຄົມປາດບໍລິເວນຄໍຂະໜາດກວ້າງ ແລະ ພາຍຫລັງສອບຖາມຜູ້ທີ່ຢູ່ໃກ້ຄຽງຈຶ່ງຮູ້ວ່າຜູ້ລົງມືກໍ່ເຫດແມ່ນທ້າວ ຄຳນ້ອຍ ເຊິ່ງເປັນຜົວຂອງຜູ້ຕາຍເຈົ້າໜ້າທີ່ຈຶ່ງ ນຳກຳລັງໄປຈັບຕົວຜູ້ກ່ຽວໄດ້ພາຍຫລັງໜີມາພັກເຊົາຢູ່ເຮືອນນ້ອງສາວ.

    ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາບວ່າ: ຕົນເປັນຜູ້ລົງມື ຄາດຕະກຳເມຍແທ້ດ້ວຍ ການໃຊ້ມີດປາດຄໍເມຍຈົນເສຍຊີວິດ, ເຊິ່ງມື້ເກີດເຫດຕົນໄດ້ໄປດື່ມເຫລົ້າເບຍກັບໝູ່ແຕ່ເຊົ້າຮອດຄຳຈົນມືນເມົາແລ້ວ ກັບມາເຮືອນກໍມີປາກສຽງຜິດຖຽງກັບເມຍຢ່າງແຮງຈົນເກີດຄວາມໂມໂຫຈຶ່ງຈັບເອົາມິດຢູ່ໃນເຮືອນມາປາດຄໍເມຍຈົນເສຍຊີວິດ.

    ຂ່າວໃຫ້ຮູ້ຕື່ມວ່າ: ເມື່ອທ້າຍເດືອນຜ່ານມານີ້, ເຈົ້າໜ້າທີ່ ປກສ ແຂວງຄຳມ່ວນ ໄດ້ຈັບຕົວທ້າວ ສຸບັນ ຈະເລີນສຸກ ອາຍຸ 29 ປີ ຢູ່ບ້ານໜອງບົກ ເມືອງໜອງບົກ ແຂວງຄຳມ່ວນມາດຳເນີນຄະດີຕາມລະບຽບກົດໝາຍໃນຂໍ້ຫາຄ້າຢາເສບຕິດ, ພ້ອມຂອງກາງຢາໄອ 1,7 ກລາມທີ່ຊຸກເຊື່ອງໄວ້ໃນເຮືອນຜູ້ກ່ຽວ ແລະ ເມື່ອບໍ່ດົນມານີ້, ເຈົ້າໜ້າທີ່ ປກສ ແຂວງບໍລິຄຳໄຊ ໄດ້ຈັບຕົວທ້າວ ອ້າຍ ອາຍຸ 16 ປີຢູ່ບ້ານໂພນສີ ແລະ ທ້າວ ມັງກອນ ອາຍຸ 16 ປີ ຢູ່ບ້ານວັດທາດ ເມືອງບໍລິຄັນ ແຂວງບໍ ລິຄຳໄຊ ມາດຳເນີນຄະດີໃນຂໍ້ຫາຄ້າຂາຍຢາເສບຕິດພ້ອມຂອງກາງຢາບ້າຈຳນວນ 140 ເມັດຊຸກເຊື່ອງໄວ້ໃນພື້ນເກີບ, ຈຶ່ງນຳມາດຳເນີນຄະດີຕາມລະບຽບກົດໝາຍ.