ຮົມໃຫ້ແກ່ສະຖາບັນຕ່າງໆໃນຂອບເຂດທົ່ວປະເທດທັງພາກລັດ ແລະ ເອກະຊົນທັງໝົດ 101 ແຫ່ງໃນລະດັບສະຖາບັນ, ວິທະຍາໄລ, ໂຮງຮຽນ ແລະ
ລະດັບມະຫາວິທະຍາໄລ 4 ແຫ່ງ, ພ້ອມດຽວກັນນັ້ນໃນທ້າຍປີ 2014
ໄດ້ຈັດຕັ້ງການຕີລາຄາພາຍນອກຕາມມາດຕະຖານທີ່ກຳນົດໄວ້ໄດ້ 3 ຊຸດ ລວມທັງໝົດ 24 ແຫ່ງ
ປະກອບມີ 7 ຄະນະຂອງມະຫາວິ
ທະຍາໄລແຫ່ງຊາດ
ຄື:
ວິສະວະກຳສາດ, ເສດຖະສາດ-ບໍລິຫານທຸລະກິດ, ສຶກສາສາດ, ນິຕິສາດ-ລັດຖະສາດ, ປ່າໄມ້, ກະເສດສາດ ແລະ ວິທະຍາສາດສັງຄົມ;
2 ສະຖາບັນການສຶກສາລັດ
ຄືສະຖາບັນເສດຖະກິດການເງິນດົງຄຳຊ້າງ, ສະຖາບັນທະນາຄານ
ແລະ 14 ວິທະຍາໄລເອກະຊົນຢູ່ນະຄອນຫລວງວຽງຈັນຄື ຣັຕະນະ, ຄອມເຊັນເຕີ, ວິທະຍາໄລການເງິນມີໄຊ, ແສງສະຫວັນ, ສຸກສະຫວັດ, ລາວ-ອາເມລິກາ, ສຸດສະກະ, ບຸດວິເສດ,ເສດຖະກິດໄຊພັດທະນາ
ແລະ ແຄທ, 2 ແຫ່ງຢູ່ແຂວງສະຫວັນນະເຂດ (ໄຊສົມບັດເຕັກໂນໂລຊີ, ສະຫວັນບໍລິຫານທຸລະກິດ) ແລະ 1 ແຫ່ງຢູ່ແຂວງຈຳປາສັກຄື
ວິທະຍາໄລພອນສະຫວັນ ແລະ ວິທະຍາໄລຄູປາກເຊ.
ພາຍຫລັງທີ່ຄະນະຜູ້ຕີລາຄາພາຍນອກສົ່ງບົດລາຍງານໃຫ້ສູນປະກັນຄຸນນະພາບແລ້ວ, ບົດລາຍງານດັ່ງກ່າວໄດ້ສົ່ງໃຫ້ສະຖາບັນ ເພື່ອມີຄຳເຫັນ ຫລື
ຊີ້ແຈງບັນຫາຕ່າງໆ ແລະ ປັດຈຸບັນມີສະຖາບັນການສຶກສາຈຳນວນໜຶ່ງໄດ້ສົ່ງບົດຄືນແລ້ວ ແລະ ພວມຢູ່ໃນໄລຍະຂອງການສັງລວມຜົນຂອງການຕີລາຄາພາຍນອກເພື່ອສະເໜີຕໍ່ຄະນະນຳກະຊວງ, ເຊິ່ງໄດ້ຮັບບົດຕີລາຄາພາຍນອກ 17 ແຫ່ງ (ເອກະຊົນ 10 ແຫ່ງ ແລະ
ລັດ 7 ແຫ່ງ) ແລະ ໃນ 24 ແຫ່ງທີ່ລົງຕີລາຄາພາຍນອກໃນເບື້ອງຕົ້ນລ້ວນແຕ່ເປັນສະຖາບັນທີ່ສ້າງຕັ້ງມາເປັນເວລາດົນນານ, ໂດຍລວມເຫັນວ່າມີລະດັບພໍໃຊ້ຂຶ້ນໄປ, ຊຶ່ງມີ
10 ແຫ່ງຖືກຕີລາຄາໃນລະດັບ 3 (ພໍໃຊ້) ແລະ 7 ແຫ່ງລະດັບ 4 (ດີ), ແຕ່ສຳລັບມາດຕະຖານທີ 9 ກ່ຽວກັບຄຸນນະພາບ ແລະ ມາດຕະຖານທີ 10 ກ່ຽວກັບການຄົ້ນຄວ້າວິທະຍາສາດ
ແລະ ບໍລິການສັງຄົມແມ່ນເຫັນວ່າຍັງຢູ່ໃນລະດັບອ່ອນ (ລະດັບ1).
ແນວໃດກໍຕາມ, ຜົນການຕີລາຄາຄຸນນະພາບຂອງສະຖາບັນຕ່າງໆຄັ້ງນີ້ເປັນໃນໄລຍະເລີ່ມຕົ້ນເທົ່ານັ້ນ, ສິ່ງສຳຄັນຮີບດ່ວນແມ່ນການສ້າງນິຕິກຳ ແລະ ນະໂຍບາຍຮອງຮັບ ເພື່ອສົ່ງເສີມການປັບປຸງຄຸນນະພາບການສຶກສາແຫ່ງຊາດໃຫ້ຢູ່ໃນລະດັບເປັນທີ່ຍອມຮັບ,
ເຊິ່ງແມ່ນບາດກ້າວສຳຄັນໃນການພັດທະນາຊັບພະຍາກອນມະນຸດ, ທັງເປັນການກະກຽມເພື່ອເຊື່ອມໂຍງພາກພື້ນ ແລະ ສາກົນໃນຕໍ່ໜ້າ.
No comments:
Post a Comment