ກອງປະຊຸມໃຫຍ່ຄັ້ງທີ
IV ຂອງອົງຄະນະພັກກະຊວງອຸດສາຫະກຳ ແລະ ການຄ້າ
ໄດ້ສຳເລັດລົງດ້ວຍຜົນສຳເລັດຢ່າງສະຫງ່າງາມ ໃນວັນທີ 10
ກໍລະກົດ 2015 ຕາມຈຸດປະສົງຄາດໝາຍທີ່ວາງໄວ້, ເປັນກຽດເຂົ້າຮ່ວມໂດຍທ່ານ ສົມສະ ຫວາດ ເລັ່ງສະຫວັດ
ກຳມະການກົມການເມືອງສູນກາງພັກ, ຮອງນາຍົກລັດຖະ ມົນຕີ,
ຜູ້ຊີ້ນຳຂົງເຂດການຜະລິດ ແລະ ຈໍລະຈອນ.
ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນ ບັດເລືອກເອົາຄະນະບໍລິຫານງານພັກຊຸດໃໝ່
ບົນພື້ນຖານຫລັກການລວມສູນປະຊາທິປະໄຕທີ່ຖືກຕ້ອງສອດຄ່ອງກັບມາດ ຖານ ແລະ
ເງື່ອນໄຂທີ່ກຳນົດໄວ້ ເຊິ່ງມີຜູ້ຮັບສະໝັກເລືອກຕັ້ງ 19 ສະຫາຍ, ຍິງ 3 ສະຫາຍ ແລະ ເລືອກໄດ້ 15 ສະຫາຍ,
ໃນນັ້ນ ໄດ້ເລືອກເອົາສະຫາຍນາງ ເຂັມມະນີ
ພົນເສນາ ເປັນເລຂາຄະນະພັກ, ສະຫາຍ ບຸນມີ ມະນີວົງ
ເປັນຮອງເລຂາຄະນະ ພັກ ທັງເປັນປະທານກວດກາ, ສະຫາຍ ພັນ ວິໄລສົມ
ເປັນຮອງປະທານກວດກາ, ສະຫາຍ ທາ ວົງແພງຄຳ ເປັນຮອງປະທານກວດກາ.
ກອງປະຊຸມຍັງໄດ້ສະຫລຸບຕີລາຄາຜົນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ III ແຕ່ປີ
2011-2015 ເຊິ່ງໄດ້ຮັບຜົນສຳເລັດຫລາຍດ້ານ ຄືວຽກງານສົ່ງເສີມ
ແລະ ພັດທະນາວິສາຫະກິດຂະໜາດນ້ອຍ ແລະ ຂະໜາດກາງ, ການສົ່ງເສີມການຜະລິດ
ແລະ ການຄ້າໃຫ້ມີຄວາມຄືບໜ້າ ເຊິ່ງໄດ້ສະແດງອອກ 3 ດ້ານ
ຄືການຄົ້ນຄວ້ານະໂຍບາຍ ເພື່ອປະຕິບັດໂຄງການຂອງລັດຖະບານໃນການຄ້ຳປະກັນສະບຽງອາຫານ ແລະ
ສົ່ງເສີມການຜະລິດເປັນສິນຄ້າ ໂດຍສະເພາະໃນຂອດປຸງແຕ່ງຜົນຜະລິດກະສິກຳ ແລະ ການຕະຫລາດ;
ການສົ່ງເສີມການຜະລິດ ແລະ ການຄ້າຂອງສິນຄ້າ ອຸດສາຫະກຳ; ການສົ່ງເສີມການຜະລິດສິນຄ້າຕາມໂຄງການ ODOP; ປະກອບສ່ວນກໍ່ສ້າງຮາກຖານການເມືອງ
ແລະ ພັດ ທະນາຊົນນະບົດ ເພື່ອແກ້ໄຂຄວາມທຸກຍາກຂອງປະຊາຊົນ ສົ່ງເສີມພັດທະນາທຸລະກິດ SME;
ປັບປຸງສະພາບແວດ ລ້ອມທາງລະບຽບການ ແລະ
ການຄຸ້ມຄອງລັດຕໍ່ການເຄື່ອນໄຫວທຸລະກິດໄດ້ມີຄວາມຄືບໜ້າ, ການຂຶ້ນທະບຽນວິສາຫະກິດ ທີ່ມີຄວາມສະດວກໄວຂຶ້ນ,
ປະຢັດເວລາ ແລະ ຄ່າໃຊ້ຈ່າຍ; ໄດ້ສ້າງຫລັກສູດວິຊາກໍ່ສ້າງຜູ້ປະກອບການ ຂອງອາຊຽນເຂົ້າໃນ ລະບົບສຶກສາ
ພ້ອມທັງດຳເນີນໂຄງການກໍ່ສ້າງຜູ້ປະກອບກິດຈະການໃໝ່, ສົ່ງເສີມການເຂົ້າຫາຕະຫລາດ,
ການຂະຫຍາຍຕະ ຫລາດ ແລະ ອື່ນໆອີກ. ພ້ອມນັ້ນ
ກອງປະຊຸມໄດ້ເປັນເອກະພາບຮັບຮອງເອົາຍຸດທະສາດແຜນດຳເນີນງານຂອງຕົນສຳລັບປີ 2016-2020.
No comments:
Post a Comment