ພິທີມອບຂອງຂວັນຂອງປະທານປະເທດ ສສ
ຫວຽດນາມ
ເຈືອງເຕິນຊາງ ໃນມູນຄ່າ 55 ຕື້ດົງຫວຽດນາມ ໃຫ້ແກ່ແຂວງ ເພື່ອສ້າງຫໍວັດທະນະທຳ ແລະ ໂຮງຮຽນອານຸບານຕົວແບບທີ່ແຂວງຫົວພັນ ໄດ້ມີຂຶ້ນໃນວັນທີ 22 ກໍລະກົດນີ້
ລະຫວ່າງທ່ານ
ຫງວຽນແມ໋ງຮຸ່ງ ເອກອັກຄະລັດຖະທູດ
ສສ
ຫວຽດນາມປະຈຳລາວ ແລະ
ທ່ານ
ຄຳແພງ ໄຊສົມແພງ ເຈົ້າແຂວງຫລວງພະບາງ, ທ່ານ
ຈັນແສງ
ພົມມະວົງ
ຮອງເຈົ້າແຂວງຫົວພັນ.
ທ່ານທູດຫວຽດນາມ ໃຫ້ຮູ້ວ່າ: ບ້ວງເງິນຂອງຂວັນດັ່ງກ່າວ ຈຳນວນ 40 ຕື້ດົງ ແມ່ນມອບໃຫ້ແຂວງຫລວງພະບາງ ເພື່ອສ້າງຫໍວັດທະນະທຳຂອງແຂວງ ແລະ 15 ຕື້ດົງ ແມ່ນມອບໃຫ້ແຂວງຫົວພັນ ເພື່ອສ້າງໂຮງຮຽນອານຸບານຕົວແບບ.
ບ້ວງເງິນນີ້ແມ່ນໄດ້ມາຈາກການປະກອບສ່ວນຂອງພະນັກງານ, ລັດຖະກອນ ແລະ ກຳມະກອນບໍລິສັດ
ຮວາງແອງຢາລາຍ, ບໍລິສັດຫຸ້ນສ່ວນສິນໃນນ້ຳຮຸ່ງເວືອງ, ສະຫະບໍລິສັດ 36
ກະຊວງປ້ອງກັນປະເທດ
ສສ
ຫວຽດນາມ,
ບໍລິສັດຫຸ້ນສ່ວນຕະຫລາດຫລັກສັບໄຊງ່ອນ, ທະນາຄານການຄ້າ ກະຊວງອຸດສາຫະກຳ-ການຄ້າຫວຽດນາມ, ທະນາຄານຫວຽດຕິນແບ໋ງ ແລະ
ສະຫະວິນກຣຸບ
(Vingroup). ນີ້ແມ່ນຂອງຂວັນຈາກໃຈຈິງຂອງພັກ, ລັດຖະບານ ແລະ
ສ່ວນຕົວຂອງທ່ານປະທານປະເທດ ເຈືອງເຕິນຊາງ ແລະ
ອ້າຍນ້ອງກຳມະກອນບັນດາບໍລິສັດດັ່ງກ່າວທີ່ມີຕໍ່ປະຊາຊົນຫລວງພະບາງ, ແຂວງຫົວພັນ
ກໍຄືປະຊາຊົນລາວທົ່ວປະເທດ.
ໃນໂອກາດນີ້, ທ່ານ ຄຳແພງ ໄຊສົມແພງ ແລະ ທ່ານ
ຈັນແສງ
ພົມມະວົງ ໄດ້ຜັດປ່ຽນກັນກ່າວສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ຂອງຂວັນອັນລ້ຳຄ່າດັ່ງກ່າວ ແລະ
ມັນມີຄວາມໝາຍອັນໃຫຍ່ຫລວງຕໍ່ການເສີມຂະຫຍາຍມູນເຊື້ອການພົວພັນຮ່ວມມືແບບພິເສດ ແລະ
ຮອບດ້ານລະຫວ່າງສອງພັກ, ລັດຖະບານ ແລະ
ປະຊາຊົນສອງຊາດ
ລາວ-ຫວຽດນາມ
ທີ່ມີມາແຕ່ດົນນານແລ້ວນັ້ນໃຫ້ແຕກດອກອອກຜົນງອກງາມຍິ່ງໆຂຶ້ນ ແລະ ໃຫ້ຄຳສັນຍາວ່າຈະນຳໃຊ້ບ້ວງເງິນຂອງຂວັນອັນໃຫຍ່ຫລວງນີ້ໃຫ້ເກີດປະໂຫຍດສູງສຸດ.
No comments:
Post a Comment