ໃນຕອນຄ່ຳວັນທີ 28 ກໍລະກົດນີ້, ບໍລິສັດ ຄອນໂຕລໂນ
(Contorno) ແລະ ບໍລິສັດ
ໄທ
ສະຕໍເລດ ແບັດຕາລີ້ (Thai Storage battery) ໄດ້ຈັດພິທີນຳສະເໜີ ໝໍ້ໄຟ ຍີ່ຫໍ້ ເຄວີ, ຂຶ້ນຢູ່ໂຮງແຮມລັດສະໜີ ນະຄອນຫລວງວຽງຈັນ, ໂດຍຜູ້ບໍລິຫານການຈັດການ ບໍລິສັດ ຄອນໂທລໂນ, ຜູ້ຈັດການຝ່າຍການຕະຫລາດຕ່າງປະເທດ ບໍລິສັດ
ໄທ ສະຕໍເລດ ແບັດຕາລີ້ ພ້ອມດ້ວຍຫ້າງຮ້ານຕ່າງໆຜູ້ເປັນຕົວແທນຈຳໜ່າຍໝໍ້ໄຟດັ່ງກ່າວ ເຂົ້າຮ່ວມເປັນຈຳນວນຫລາຍ.
ຜູ້ບໍລິຫານການຈັດການ ບໍລິສັດ
ຄອນໂທລໂນ ກ່າວວ່າ: ການນຳສະເໜີນີ້ ກໍເພື່ອສ້າງຄວາມຮູ້, ຄວາມເຊື່ອຖືຕໍ່ກັບ ໝໍ້ໄຟຍີ່ຫໍ້ເຄວີ ແລະ ການເພີ່ມຊ່ອງທາງຈຳໜ່າຍຜະລິດຕະພັນດັ່ງກ່າວ ໄດ້ຢ່າງກວ້າງຂວາງ. ໝໍ້ໄຟ ທີ່ຜະລິດຈາກບໍລິສັດ
ດັ່ງກ່າວ ປະກອບມີ 3 ລຸ້ນຄື ໝໍ້ໄຟ
ເຄວີ, 3 ເຄ ແລະ ໄທເກີ້ ເປັນໝໍ້ໄຟທີ່ອອກແບບມາໃຫ້ທຸກທ່ານ ນຳໃຊ້ຢ່າງສະດວກສະບາຍ, ປອດໄພ, ຄຸນນະພາບດີ, ບໍ່ຕ້ອງຕື່ມນ້ຳກັ່ນເລື້ອຍໆ ແລະ ມີຄວາມທົນທານສູງ, ສາມາດນຳໃຊ້ງານໄດ້ຍາວນານກວ່າຍີ່ຫໍ້ອື່ນໆ, ພິເສດທາງດ້ານໃນຂອງໝໍ້ໄຟຍີ່ຫໍ້ນີ້, ແມ່ນເຮັດດ້ວຍແຜ່ນໃຍແກ້ວເໝາະແກ່ການນຳໃຊ້ເຂົ້າໃນເຄື່ອງຈັກໜັກ ແລະ ມີຄວາມສະດວກສະບາຍໃຫ້ແກ່ຜູ້ນຳໃຊ້ທຸກລະດັບ.
No comments:
Post a Comment