ໃນວັນທີ 3 ສິງຫານີ້, ທ່ານ ອາຊາງ ລາວລີ ຮອງນາຍົກລັດ ຖະມົນຕີ ໄດ້ໃຫ້ກຽດຕ້ອນຮັບການເຂົ້າຢ້ຽມຄຳນັບຂອງທ່ານ ຫງວຽນດຶກເລືອງ ຮອງຫົວໜ້າຄະນະກວດກາລັດຖະບານ ສສ ຫວຽດນາມ
ທີ່ໄດ້ນຳຄະນະເດີນທາງມາຢ້ຽມ ຢາມ ແລະ ເຮັດວຽກຢູ່ລາວ ລະຫວ່າງວັນທີ
2-6 ສິງຫານີ້.
ໃນໂອກາດດັ່ງກ່າວ, ນອກຈາກຮອງນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ການມາຢ້ຽມຢາມລາວຂອງຄະນະໃນຄັ້ງນີ້ຈະເປັນການປະກອບສ່ວນສຳຄັນໃຫ້ການຮັດແໜ້ນມູນເຊື້ອຄວາມສາມັກຄີແບບພິເສດ ແລະ ການຮ່ວມມືລະຫວ່າງສອງປະເທດ ລາວ-ຫວຽດນາມ ທີ່ມີມາແຕ່ດົນນານແລ້ວນັ້ນນັບມື້ກ້າວສູ່ລວງເລິກ ແລະ ແຕກດອກອອກຜົນງອກງາມຍິ່ງໆຂຶ້ນ. ພ້ອມນັ້ນ, ທ່ານຮອງນາຍົກ ຍັງໄດ້ຕີລາຄາສູງຕໍ່ໝາກຜົນການພົວພັນຮ່ວມມືລະຫວ່າງສອງອົງການທີ່ຍາດມາໄດ້ໃນໄລຍະຜ່ານມາ
ໂດຍສະເພາະແມ່ນ
ການແລກປ່ຽນບົດຮຽນວຽກງານກວດກາ ແລະ ການຕ້ານການສໍ້ລາດບັງຫລວງ ແລະ ການຮ້ອງຟ້ອງຕ່າງໆ ແລະ ພິເສດແມ່ນແຕ່ລະປີ ຝ່າຍຫວຽດນາມໄດ້ຊ່ວຍສ້າງພະນັກງານກວດກາຂອງລາວຢ່າງມີຄຸນນະພາບ
ແລະ ໃນໂອກາດນີ້, ທ່ານຮອງນາຍົກລັດຖະມົນຕີ ໄດ້ແນະນຳສອງຂະແໜງການຈົ່ງເພີ່ມທະວີການພົວພັນຮ່ວມມືຊ່ວຍເຫລືອເຊິ່ງກັນ ແລະ ກັນໃຫ້ຫລາຍຂຶ້ນ ເພື່ອເຮັດໃຫ້ຂະແໜງການດັ່ງກ່າວມີຄວາມເຂັ້ມແຂງ ແລະ ສາມາດປະກອບສ່ວນສຳຄັນເຂົ້າໃນການພັດທະນາເສດຖະກິດ- ສັງຄົມຂອງຊາດນັບມື້ກ້າວຂຶ້ນ ແລະ ນຳເອົາຜົນປະໂຫຍດຕົວຈິງມາສູ່ປະຊາຊົນສອງປະເທດ ລາວ-ຫວຽດ ນາມ ຫລາຍຂຶ້ນ.
ໃນຕອນເຊົ້າວັນດຽວກັນ, ຄະນະກວດກາແຫ່ງລັດສອງຝ່າຍກໍໄດ້ພົບປະປຶກສາຫາລືກັນຫລາຍບັນຫາ ເພື່ອເພີ່ມທະວີການພົວພັນຮ່ວມມືສອງຝ່າຍ ໂດຍສະເພາະແມ່ນການແລກປ່ຽນບົດຮຽນ ແລະ ປະສົບການຕ່າງໆໃນວຽກກວດກາມີປະສິດທິຜົນສູງຂຶ້ນ.
No comments:
Post a Comment