ກອງປະຊຸມໃຫຍ່ຄັ້ງທີ
III ຂອງອົງຄະນະພັກກະຊວງແຜນການແລະການລົງທຶນ, ໄດ້ອັດລົງດ້ວຍຜົນສຳເລັດສະຫງ່າງາມໃນວັນທີ 20 ສິງຫານີ້, ພາຍຫລັງໄດ້ດໍາເນີນມາເປັນເວລາ 2 ວັນ, ໂດຍການໃຫ້ກຽດເຂົ້າຮ່ວມຂອງສະຫາຍ ດຣ ບຸນປອນ
ບຸດຕະນະວົງ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ,
ຜູ້ຊີ້ນໍາວຽກງານຂົງເຂດເສດຖະກິດມະຫາພາກ ແລະ ບໍລິການ.
ກອງປະຊຸມໄດ້ເປັນເອກະພາບປ່ອນບັດເລືອກເອົາຄະນະພັກຊຸດໃໝ່ຈໍານວນ 15 ສະຫາຍ, ໂດຍເລືອກເອົາສະຫາຍ ສົມດີ ດວງດີເປັນເລຂາຄະນະພັກ,
ສະຫາຍນາງ ຄໍາຈັນ
ວົງແສນ ບູນ ເປັນຮອງເລຂາຄະນະພັກ, ສະຫາຍ ຄຳລຽນ ພົນເສນາ
ເປັນປະທານກວດກາ, ສະຫາຍ
ພູວົງ ພິມມະສອນ,
ສະຫາຍ ສົມບູນ
ຂັນຕິວົງ ແລະ
ສະຫາຍ ພູໄຊ
ເພັດສີຄາມ ເປັນຮອງປະທານກວດກາ.
ໃນໂອກາດນີ້,
ສະຫາຍ ບຸນປອນ
ບຸດຕະນະວົງ ໄດ້ໂອ້ລົມແນະນໍາໃຫ້ຄະນະພັກຊຸດໃໝ່ເອົາໃຈໃສ່ຊີ້ນຳ-ນຳພາການເມືອງແນວຄິດ ແລະ ການຈັດຕັ້ງປະຕິບັດວຽກງານວິຊາສະເພາະໃຫ້ມີຜົນສຳເລັດດີກວ່າເກົ່າ, ໂດຍໃຫ້ມີການແບ່ງງານ, ແບ່ງໜ້າທີ່ຮັບຜິດຊອບຢ່າງຈະແຈ້ງ, ກ້າຄິດ,
ກ້າເຮັດ ແລະ
ກ້າຮັບຜິດຊອບຕໍ່ຜົນໄດ້, ຜົນເສຍຂອງການປະຕິບັດໜ້າທີ່ວຽກງານເພື່ອເຮັດສຳເລັດໜ້າທີ່ການເມືອງທີ່ພັກ ແລະ ລັດມອບໝາຍໃຫ້ ແລະ ໃຫ້ເອົາໃຈໃສ່ນຳພາຂະ ແໜງການຂອງຕົນຈັດຕັ້ງຜັນຂະຫຍາຍແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII
(2016-2020), ຍຸດທະສາດປີ 2025 ແລະ
ວິໄສທັດຮອດປີ 2030 ໃຫ້ກາຍເປັນແຜນງານ,
ໂຄງການລະອຽດ, ພ້ອມທັງວາງຄາດໝາຍ ແລະ ມາດຕະການອັນເໝາະສົມເປັນແຕ່ລະໄລຍະ, ສໍາລັບວຽກງານການລົງທຶນຕ້ອງພະຍາຍາມໃຫ້ທຸກຫົວໜ່ວຍລົງທຶນຫັນເຂົາສູ່ລະບຽບຫລັກການ ແລະ ປະຕິບັດກົດໝາຍກ່ຽວຂ້ອງຢ່າງເຂັ້ມງວດ, ໂດຍສະເພາະບໍ່ໃຫ້ມີໂຄງການນອກແຜນ, ທຸກໂຄງການຕ້ອງຜ່ານການປະເມີນ ແລະ
ໄດ້ຮັບການຢັ້ງຢືນດ້ານເຕັກນິກຈາກພາກສ່ວນທີ່ກ່ຽວຂ້ອງ,
ຕ້ອງສ້າງເງື່ອນໄຂອຳນວຍຄວາມສະດວກໃຫ້ແກ່ນັກລົງທຶນ, ບໍລິການປະຕູດຽວຢ່າງວ່ອງໄວ ແລະ ມີຄວາມໂປ່ງໃສ,ການຄົ້ນຄວ້າ ແລະ ອະນຸມັດການລົງທຶນຕ້ອງຄຳນຶງເຖິງຜົນປະໂຫຍດຂອງປະຊາຊົນ ແລະ ປະເທດຊາດເປັນຕົ້ນຕໍ, ສູ້ຊົນຂະຫຍາຍການລົງທຶນລົງໄປສູ່ເຂດຊົນນະບົດຫ່າງໄກສອກຫລີກໃຫ້ຫລາຍຂຶ້ນ, ເພື່ອປະກອບສ່ວນແກ້ໄຂຄວາມທຸກຍາກຂອງປະຊາຊົນບັນດາເຜົ່າ ແລະ ນຳພາປະເທດຊາດຫລຸດພົ້ນອອກຈາກສະຖານະພາບປະເທດດ້ອຍພັດທະນາເທື່ອລະກ້າວ.
No comments:
Post a Comment