ກອງປະຊຸມຄະນະປະຈຳສະພາແຫ່ງຊາດ ປະຈໍາເດືອນສິງຫາ 2015 ໄດ້ຈັດຂຶ້ນແຕ່ວັນທີ 20-21 ສິງຫານີ້, ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ເພື່ອພິຈາລະນາຕົກລົງບັນຫາສຳຄັນ ເຊັ່ນ :ຜ່ານຮ່າງບົດລາຍງານຜົນສຳເລັດກອງປະຊຸມສະໄໝສາມັນເທື່ອທີ
9 ຂອງສະພາແຫ່ງຊາດຊຸດທີ VII ຕໍ່ກອງປະຊຸມກົມການເມືອງສູນກາງພັກ, ຜ່ານແຜນວຽກຈຸດສຸມປະຈຳສົກປີ 2015-2016 ຂອງຄະນະປະຈຳສະພາແຫ່ງຊາດ, ຮັບຟັງບົດລາຍງານກ່ຽວກັບການສະຫລຸບສັງລວມບັນຫາຕ່າງໆຂອງເນື້ອໃນຮ່າງກົດໝາຍຂົງເຂດສະພາແຫ່ງຊາດເຊິ່ງປະກອບມີ:
ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນທ້ອງຖິ່ນ, ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນທ້ອງຖິ່ນ, ລາຍງານຜົນສຳເລັດການຮຽບຮຽງກົດໝາຍວ່າດ້ວຍການ
ແຂ່ງຂັນທາງທຸລະກິດ ແລະ ກົດໝາຍວ່າດ້ວຍການຕ້ານ ແລະ ສະກັດກັ້ນອາຊະຍາກຳທາງລະບົບຄອມພິວເຕີ, ລາຍງານການສະເໜີແຕ່ງຕັ້ງຜູ້ພິພາກສາຂອງສານປະຊາຊົນທ້ອງຖິ່ນ, ລາຍງານກ່ຽວກັບການຈັດຕັ້ງປະຕິບັດວຽກງານຂອງຄະນະຮັບຜິດຊອບຄຸ້ມຄອງການຮ່ວມມືສາກົນສະພາແຫ່ງຊາດ ແລະ ແຜນການໄປແລກ ປ່ຽນບົດຮຽນວຽກງານຄຸ້ມຄອງໂຄງການ ແລະ ການນຳໃຊ້ການຊ່ວຍເຫລືອຢູ່ ສສ ຫວຽດນາມ, ລາຍງານການສ້າງລາຍການໂທລະພາບຂອງສະພາແຫ່ງຊາດ, ລາຍງານການກະກຽມເປັນເຈົ້າພາບຈັດກອງປະຊຸມຮ່ວມລະຫວ່າງ 3 ກຳມາທິການຕ່າງປະເທດສະພາແຫ່ງຊາດລາວ, ຫວຽດນາມ ແລະ ກຳປູເຈຍ, ລາຍງານແຜນດຳເນີນກອງປະຊຸມລະຫວ່າງ 3 ກຳມາທິການ ປກຊ-ປກສ ສະພາແຫ່ງຊາດລາວ, ຫວຽດນາມ ແລະ ກຳປູເຈຍ, ລາຍງານການຈັດຕັ້ງປະຕິບັດແຜນການລົງທຶນຂອງສະພາແຫ່ງຊາດສົກປີ 2014-2015 ແລະ ແຜນການສົກປີ 2015-2016.
No comments:
Post a Comment