ໂຮງຮຽນສາມັນທັງພາກລັດ ແລະ ເອກະຊົນ
ໃນທົ່ວປະເທດ ໄດ້ໄຂສົກຮຽນໃໝ່ 2015-2016 ດ້ວຍບັນຍາກາດຟົດຟື້ນ ໃນວັນທີ 1 ກັນຍານີ້ ຂະນະທີ່, ທ່ານຫົວຫນ້າກົມສາມັນສຶກສາດຣ.ນາງ ສີສຸກ ວົງວິຈິດ ໄດ້ໃຫ້ສໍາພາດຕໍ່ສື່ມວນຊົນໃນໂອກາດໄຂສົກຮຽນປີນີ້ ວ່າ: ປີນີ້ມີນັກຮຽນຫລາຍຫມື່ນຄົນທົ່ວປະເທດໄດ້ກຽມຈິດໃຈຕັ້ງໜ້າເຂົ້າສູ່ການຮຳ່ຮຽນໃນສົກຮຽນນີ້
ແລະ ໄປຄຽງຄູ່ກັບຜົນສໍາເລັດ ແລະ
ດ້ານຕັ້ງໜ້າຂອງການປະຕິຮູບລະບົບການສຶກສາແຫ່ງຊາດ
ດ້ວຍຈິດໃຈບຸກທະລຸເປັນຕົ້ນ
ການບຸກທະລຸທາງດ້ານການພັດທະນາຊັບພະຍາກອນມະນຸດ ໃນການຂະ
ຫຍາຍຕາໜ່າງການສຶກສາ ໄປສູ່ເຂດຊົນນະບົດຫ່າງໄກສອກຫລີກ,
ການຊັບຊ້ອນຈັດສັນຄູສອນໃຫ້ຄົບຖ້ວນຕາມວິຊາທີ່ໄດ້ບັນຈຸຢູ່ໃນຫລັກສູດໃຫ້ພຽງພໍ
ກັບການຂະຫຍາຍໂຮງຮຽນ, ການຮຽນຂອງນັກຮຽນກໍໃຫ້ກະກຽມຄວາມພ້ອມຢ່າງໜັກແໜ້ນ
ເພື່ອເຮັດໃຫ້ແຜນການປະຕິຮູບລະບົບການສຶກສາແຫ່ງຊາດ ໄລຍະ II ໄດ້ສໍາເລັດຜົນທີ່ວາງອອກ.
ດັ່ງນັ້ນ,
ຈຶ່ງຮຽກຮ້ອງມາຍັງຜູ້ບໍລິຫານໂຮງຮຽນທຸກແຫ່ງທັງພາກລັດ ແລະ ເອກະຊົນ, ພ້ອມດ້ວຍຄູ-ອາຈານ
ຈົ່ງພ້ອມກັນຈັດຕັ້ງການຮຽນ-ການສອນຕາມ 3 ລັກສະນະ ແລະ 5 ຫລັກມູນການສຶກສາໃຫ້ມີປະ ສິດທິພາບ ແລະ
ເປັນຮູບປະທໍາ, ເອົາໃຈໃສ່ສຶກສາແນວຄິດຄຸນສົມບັດໃຫ້ນັກຮຽນ
ໂດຍສົມທົບກັບຜູ້ປົກຄອງຂອງນັກຮຽນ, ສະກັດກັ້ນທຸກປະກົດການຫຍໍ້ທໍ້
ທີ່ອາດຈະເກີດຂຶ້ນກັບຄູ ແລະ ນັກຮຽນ, ຍູ້ແຮງຂະບວນການສອນດີ-ຮຽນເກັ່ງ
ໃຫ້ເປັນຂະບວນຟົດຟື້ນ. ສໍາລັບນ້ອງນັກຮຽນໃຫ້ເອົາໃຈໃສ່ສຶກສາຮໍ່າຮຽນໃຫ້ເກັ່ງ,
ຝຶກຝົນຕົນເອງໃຫ້ເປັນນັກຮຽນດີມີຄຸນສົມບັດ, ນັບຖືການຈັດຕັ້ງ ແລະ
ປະຕິບັດກົດລະບຽບຂອງໂຮງຮຽນ ແລະ ກົດລະບຽບຂອງນັກຮຽນຢ່າງເຄັ່ງຄັດ,
ສໍາລັບພໍ່ແມ່ຜູ້ປົກຄອງ ນັກຮຽນກໍຮຽກຮ້ອງໃຫ້ເອົາ ໃຈໃສ່ສຶກສາອົບຮົມລູກຫລານໃຫ້ເປັນຄົນດີ,
ເອົາໃຈໃສ່ຊ່ວຍເຫລືອ ແລະ ຕິດຕາມການຮຽນຂອງລູກຫລານເວລາຢູ່ເຮືອນ,
ຕິດຕໍ່ພົວພັນກັບໂຮງຮຽນສະໝໍ່າສະເໜີ
ເພື່ອພ້ອມກັນສຶກສາອົບຮົມລູກຫລານໃຫ້ເປັນພົນລະເມືອງດີຂອງປະເທດຊາດ.
ສໍາລັບສົກຮຽນ 2015-2016 ກະຊວງສຶກສາທິການ ແລະ ກິລາ
ໄດ້ກໍານົດໃນມະຕິກອງປະຊຸມຜູ້ບໍລິຫານການສຶກສາ ແລະ ກິລາທົ່ວປະເທດປະຈໍາປີ 2015
ທີ່ນະຄອນຫລວງວຽງຈັນວ່າ: ໂດຍເລັ່ງເອົາ ໃຈໃສ່ຂະຫຍາຍການສຶກສາກ່ອນໄວຮຽນໃຫ້ກວ້າງຂວາງ,
ໂດຍສະເພາະ ແມ່ນຂະຫຍາຍໂຮງຮຽນອະນຸ ບານ ແລະ ສ້າງຫ້ອງກຽມຢູ່ໂຮງຮຽນປະຖົມສຶກສາ, ປັບປຸງ
ແລະ ຍົກສູງຄຸນນະພາບການສຶກສາທຸກລະ ດັບໃຫ້ບັນລຸມາດຕະຖານຂອງພາກພື້ນ ແລະ ອາຊຽນ,
ຮັບປະກັນໃຫ້ສະຖານການສຶກສາທຸກລະດັບໄດ້ຈັດຕັ້ງປະຕິບັດການຮຽນ-ການສອນ ພາສາອັງກິດ
ໂດຍສະເພາະຢູ່ໂຮງຮຽນສາມັນ ສຶກສາໃຫ້ເອົາພາສາອັງກິດເປັນວິຊາບັງຄັບ,
ໂດຍເລີ່ມແຕ່ຊັ້ນປະຖົມສຶກສາປີທີ 3 (ປ.3) ແລະ ອື່ນໆ; ຄົ້ນຄວ້າປັບປຸງນະໂຍບາຍ ແລະ
ແຜນນໍາໃຊ້ຄູສຶກສານິເທດ
ໃຫ້ຖືກຕາມຄວາມຕ້ອງການຕົວຈິງຂອງແຕ່ລະເມືອງ
ໂດຍເລັ່ງໃສ່ເມືອງເປົ້າໝາຍທີ່ມີອັດຕາປະລະສູງ;
ສໍາຫລວດຄວາມພ້ອມຂອງໂຮງຮຽນປະຖົມສຶກສາທົ່ວປະເທດ
ເພື່ອເປັນຂໍ້ມູນໃຫ້ການປະຕິບັດ
ການສອນພາສາອັງກິດເປັນວິຊາບັງຄັບຢູ່ຊັ້ນ ປ.3;
ຈັດຕັ້ງຝຶກອົບຮົມຫລັກສູດວິຊາຊີບລະດັບ 1 ແລະ ລະດັບ 2 ໃຫ້ແກ່ນັກຮຽນ
ທີ່ປະລະການຮຽນຊັ້ນມັດທະຍົມໃຫ້ໄດ້ຫລາຍໂດຍຊຸກ ຍູ້ ແລະ ສົ່ງເສີມເພດຍິງ
ແລະ ກຸ່ມເປົ້າໝາຍຜູ້ດ້ອຍໂອກາດທີ່ຢູ່ເຂດຫ່າງໄກສອກຫລີກ.
No comments:
Post a Comment