ວັນທີ
8 ກັນຍາຂອງທຸກໆປີ, ພວກເຮົາໄດ້ຍົກຄັນທຸງການລົບລ້າງຄວາມບໍ່ຮູ້ໜັງສື ຄືກັນກັບສິດທິມະນຸດ, ເປັນການບັງຄັບ ເພື່ອກຽດສັກສີ
ແລະ ເປັນພື້ນຖານຂອງສັງຄົມທີ່ໝັ້ນຄົງ ແລະ ການພັດທະນາແບບຍືນຍົງ.
ສານນີ້ແມ່ນມີຄວາມສຳຄັນຫລາຍ, ໂດຍສະເພາະໃນປີນີ້, ເມື່ອບັນດາລັດພາຄີ ຈະຮັບຮອງເອົາວາລະໃໝ່ ສຳລັບການສຶກສາ ແລະ ການພັດທະນາ ເພື່ອເປັນແນວທາງຕໍ່ໄປອີກ 15 ປີ. ການສົ່ງເສີມການຮຽນຮູ້ໜັງສື ຕ້ອງເປັນໝາກຫົວໃຈຂອງວາລະໃໝ່ນີ້, ໂດຍການສ້າງຄວາມເຂັ້ມແຂງຂອງແມ່ຍິງ ແລະ ຜູ້ຊາຍແຕ່ລະຄົນ, ການຮຽນຮູ້ໜັງສືຊ່ວຍສົ່ງເສີມການພັດທະນາແບບຍືນຍົງຜ່ານຄະນະກຳມະການ ຈາກການໃຫ້ເບິ່ງແຍງສຸຂະພາບທີ່ດີກວ່າ ແລະ ອາຫານທີ່ປອດໄພ
ເພື່ອການຫລຸດຜ່ອນຄວາມທຸກຍາກ ແລະ ການສົ່ງເສີມການເຮັດວຽກທີ່ເໝາະສົມ.
ນັບແຕ່ປີ 2000 ເປັນຕົ້ນມາວຽກງານດັ່ງກ່າວ ເຖິງວ່າມີຄວາມຄືບໜ້າໃນທົ່ວໂລກ, ແຕ່ວ່າສິ່ງທ້າທາຍຍັງຄົງມີຢູ່ສູງ, ປັດຈຸບັນນີ້ ຜູ້ໃຫຍ່ 757 ລ້ານຄົນ ຍັງຂາດຄວາມສາມາດການຮຽນຮູ້ໜັງສືຂັ້ນພື້ນຖາ ໃນນັ້ນ ສອງສ່ວນສາມແມ່ນແມ່ຍິງ, ຈຳນວນຂອງເດັກທີ່ອອກໂຮງຮຽນ ແລະ ໄວໜຸ່ມແມ່ນເພີ້ມຂຶ້ນຢູ່ປະມານ 124 ລ້ານຄົນໃນທົ່ວໂລກ ໃນຂະນະທີ່ເດັກນ້ອຍໃນໄວອາຍຸປະຖົມ 250 ລ້ານຄົນແມ່ນເສັງຕົກ. ດັ່ງນັ້ນ ພວກເຮົາບໍ່ສາມາດອະນຸຍາດໃຫ້ສິ່ງນີ້ສືບຕໍ່ໄປໄດ້ ການຮຽນຮູ້ໜັງສືເປັນສິ່ງຈຳເປັນ ເພື່ອບັນລຸເປົ້າໝາຍການພັດທະນາແບບຍືນຍົງ ເພື່ອສົ່ງເສີມ ການສຶກສາຮຽນຮ່ວມ ແລະ ຄວາມສະເໝີພາບທີ່ມີຄຸນນະພາບ
ແລະ ການຮຽນຮູ້ຕະຫລອດຊີວິດ ເພື່ອທຸກຄົນ.
ນີ້ແມ່ນສານຂອງອົງການອຸຍແນສໂກ ກ່ຽວກັບວັນສາກົນການລົບລ້າງຄວາມບໍ່ຮູ້ໜັງສື ເພື່ອະນຸຍາດໃຫ້ແມ່ຍິງ ແລະ ຜູ້ຊາຍທຸກຄົນ ມີສ່ວນຮ່ວມຢ່າງເຕັມສ່ວນໃນສັງຄົມ, ພວກເຮົາຈຳເປັນຕ້ອງມີການລົງທຶນທີ່ຫລາຍຂຶ້ນ ແລະ
ມີນະໂຍບາຍ ທີ່ມີປະສິດທິພາບຫລາຍຂຶ້ນ ເພື່ອກາດນປູກຝັງການກະທຳສຳລັບການຮຽນຮູ້ໜັງສື ພາຍໃນນະໂຍບາຍການພັດທະນາທີ່ກ້ວາງຂຶ້ນ, ການສະໜັບສະໜູນໂດຍກົນໄກວິທີການໃໝ່ທີ່ສ້າງການຮ່ວມມືໃນທາງທີ່ດີຜ່ານທຸກຂົງເຂດນະໂຍບາຍ ທີ່ມີຄວາມສຳຄັນຕໍ່ກັບການກໍ່ສ້າງສັງຄົມ ທີ່ມີຄວາມໝັ້ນຄົງເພີ່ມຂຶ້ນ, ນີ້ເປັນສິ່ງຈຳເປັນຕໍ່ຄວາມພະຍາຍາມທັງໝົດ ທີ່ຈະສ້າງອະນາຄົດທີ່ດີກວ່າ ເພື່ອທຸກຄົນ, ບົນພື້ນຖານຂອງສິດທິມະນຸດ ແລະ ກຽດສັກສີ.
No comments:
Post a Comment