ໃນວັນທີ 5 ກັນຍາຜ່ານມານີ້, ບໍລິສັດທິບພະຍະປະກັນໄພລາວ,
ໄດ້ຈັດຝືກອົບຮົມກ່ຽວກັບທັກສະດ້ານການບໍລິກາປະ ກັນໄພໃຫ້ພະນັກງານທະນາຄານສົ່ງເສີມກະສິກໍາ
(ທສກ) ພາກໃຕ້ຄື: ແຂວງສະຫວັນນະເຂດ,
ຈໍາປາສັກ, ສາລະວັນ ແລະ ອັດຕະປື.
ໂດຍການເປັນປະທານຂອງທ່ານ
ບຸນໄຊ ບຸນຍານຸຣັກ ກໍາມະການຜູ້ຈັດການໃຫຍ່ບໍລິສັດ ທິບພະຍະປະກັນໄພລາວ, ພ້ອມດ້ວຍພະນັກງານ ທສກ ເຂົ້າຮ່ວມຫລາຍກວ່າຮ້ອຍຄົນ.
ທ່ານ ບຸນໄຊ
ບຸນຍານຸຣັກ ກ່າວວ່າ: ການຝືກອົບຮົມຄັ້ງນີ້, ແມ່ນການສານຕໍ່ຜົນສໍາເລັດຂອງການຝືກອົບຮົມໃຫ້ແກ່ພະນັກງານທສກພາກເໜືອເມື່ອກາງເດືອນສິງຫາຜ່ານມາທີ່ແຂວງຫລວງພະບາງ,
ເພື່ອເນັ້ນໃຫ້ຄວາມຮູ້ ແລະ ທັກສະການບໍລິການດ້ານປະກັນໄພ ແລະ ປະກັນຊີວິດ, ໂດຍສະເພາະແມ່ນຂັ້ນຕອນການໃຫ້ບໍລິການ ແລະ ການສະໜອງຂໍ້ມູນໃຫ້ລູກຄ້າເພື່ອຮັບປະກັນຄວາມຖຶກຕ້ອງ
ແລະ ມີຄຸນນະພາບແບບມືອາຊີບເພື່ອໃຫ້ບໍລິການແກ່ລູກຄ້າ.
ທ່ານ ບຸນໄຊ
ກ່າວວ່າ: ບໍລິສັດ ທິບພະຍະປະກັນໄພລາວ ແມ່ນບໍລິສັດປະກັນໄພແຫ່ງທໍາອິດຂອງໄທທີ່ມາລົງທຶນໃນລາວ
ແລະ ໄດ້ມີການຮ່ວມມືທາງທຸລະກິດກັບທະນາຄານສົ່ງເສີມກະສິກໍາ, ເພື່ອຮອງຮັບການຂະຫຍາຍໂຕທາງເສດຖະກິດໃນຕໍ່ໜ້າ,
ເວົ້າສະເພາະທຸລະກິດດ້ານປະກັນໄພໃນລາວ, ພາຍຫລັງການເປັນປະຊາຄົມເສດຖະກິດອາຊຽນໃນທ້າຍປີ
2015 ນີ້ ແລະ ມາຮອດປັດຈຸບັນການບໍລິການຂອງບໍລິສັດທິບພະຍະປະກັນໄພເກືອບຄວບຄຸມໃນທົ່ວປະເທດແລ້ວ.
No comments:
Post a Comment