ໂດຍການຮ່ວມມືກັບກະຊວງກະສິກຳແລະປ່າໄມ້, ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ
ສະຫະພັນແມ່ຍິງ,
ຂອງລາວລັດຖະບານສະຫະລັດອາເມລິກາໄດ້ໃຫ້ການສະໜັບສະໜູນໃນການຈັດກອງປະຊຸມ
ກ່ຽວກັບການເຊື່ອມໂຍງບົດບາດຍິງ-ຊາຍເຂົ້າໃນວຽກງານການປ່ຽນແປງດິນຟ້າອາກາດແລະປ່າໄມ້ໃນລະຫວ່າງວັນທີ 8-10 ກັນຍານີ້ ຢູ່ນະຄອນຫລວງວຽງຈັນ.
ກອງປະຊຸມໃນຄັ້ງນີ້
ມີຈຸດປະສົງເພື່ອໃຫ້ແມ່ຍິງເຂົ້າໃນຍຸດທະສາດການພັດທະນາ.
ສະມາຊິກຈາກຄະນະກຳມາທິການເພື່ອຄວາມກ້າວໜ້າຂອງແມ່ຍິງມີສ່ວນຮ່ວມແຫ່ງຊາດປະຈຳກະຊວງກະສິກຳແລະປ່າໄມ້
ໄດ້ມີໂອກາດເຂົ້າຮ່ວມການຝຶກອົບຮົມທີ່ໄດ້ຈັດຂຶ້ນກ່ອນໜ້ານີ້ໂດຍໄດ້ຮັບທຶນສະໜັບສະໜູນຈາກໂຄງການວຽກງານການເປັນຜູ້ນຳທາງດ້ານບົດບາດຍິງ-ຊາຍແລະການປ່ຽນແປງດິນຟ້າອາກາດໃນພາກພື້ນອາຊີປາຊີຟິກຂອງໂຄງການ
LEAF ຂອງ USAID
ໂດຍຜ່ານການອຳນວຍຄວາມສະດວກໃນການຈັດກອງປະຊຸມຂອງໂຄງການຫລຸດຜ່ອນການປ່ອຍອາຍພິດຈາກການທຳລາຍປ່າໄມ້ແລະການເຊື່ອມໂຊມຂອງປ່າໄມ້(REDD+).
ທ່ານນາງ ອານາສຕາເຊຍ ໂຄລີວາສ,
ຕົວແທນຈາກສະຖານທູດສະຫະລັດອາເມລິກາປະຈຳລາວໄດ້ກ່າວເປີດກອງປະຊຸມໄວ້ວ່າ
“USAID ໄດ້ໃຫ້ການສະໜັບສະໜູນຢ່າງກະຕືລືລົ້ນໃນການດຶງເອົາແມ່ຍິງໃຫ້ເຂົ້າມາມີບົດບາດໃນໂຄງການພັດທະນາແລະການລິເລີ່ມໃນທົ່ວໂລກ,
ລວມທັງໂຄງການຫລຸດຜ່ອນການປ່ອຍອາຍພິດຢູ່ໃນປ່າໄມ້ໃນເຂດອາຊີ
(LEAF) ປະຈຳລາວ.
ເຊິ່ງໂຄງການດັ່ງກ່າວຈະຮັບປະກັນວ່າແມ່ຍິງ ແລະ ກຸ່ມຄົນທີ່ບໍ່ມີສຽງໃນສັງຄົມໄດ້ມີສ່ວນຮ່ວມໃນທຸກຂັ້ນຕອນຂອງການວາງແຜນ,
ການດຳເນີນງານ, ການຕິດຕາມ
ແລະ ຕີລາຄາ ພ້ອມທັງມີບົດບາດໃນການຄຸ້ມຄອງຊັບພະຍາກອນທຳມະຊາດແລະກິດຈະກຳທີ່ກ່ຽວກັບການປ່ຽນແປງດິນຟ້າອາກາດອື່ນໆ”.
ລັດຖະບານສະຫະລັດອາເມລິກາໄດ້ໃຫ້ທຶນສະໜັບສະໜູນຫຼາຍກວ່າແສນໂດລາສະຫະລັດໃນປີຜ່ານມາເພື່ອສົ່ງເສີມທັງໃນລະດັບປະເທດ ແລະ ພາກພື້ນກ່ຽວກັບວຽກງານບົດບາດຍິງ-ຊາຍ ແລະ ການປ່ຽນແປງດິນຟ້າອາກາດໂດຍເນັ້ນໃສ່ການຝຶກອົບຮົມພາຍໃຕ້ໂຄງການວຽກງານການເປັນຜູ້ນຳທາງດ້ານບົດບາດຍິງ-ຊາຍ ແລະ ການປ່ຽນແປງດິນຟ້າອາກາດໃນພາກພື້ນອາຊີປາຊີຟິກ/ໂຄງການຫລຸດຜ່ອນການປ່ອຍອາຍພິດຈາກການທຳລາຍປ່າໄມ້ ແລະ ການເຊື່ອມໂຊມຂອງປ່າໄມ້ (REDD+)
No comments:
Post a Comment