ດັ່ງທີ່ຮູ້ນຳກັບແລ້ວວ່າໄລຍະຜ່ານມານີ້ຂະນະພັກ, ຄະນະປົກຄອງນະຄອນຫຼວງວຽງຈັນ ໄດ້ເຫັນຄວາມສຳຄັນ ແລະ ເອົາໃຈໃສ່ຕໍ່ການປະຕິບັດ ຄຳຂວັນ 6
ສ,
ໂດຍlສະເພາະແມ່ນ ສ ສະອາດ
ແລະ ໄດ້ມອບໃຫ້ທຸກ ພາກສ່ວນຮ່ວມກັນຈັດຕັ້ງປະຕິບັດຢ່າງເອົາໃຈໃສ່, ຊຶ່ງໃນນັ້ນອົງການພັດທະນາບໍລິຫານຕົວເມືອງ (ອພບ) ເປັນຜູ້ຮັບຮັບຜິດຊອບຫຼັກໃນການກຳຈັດຂີ້ເຫຍື້ອ ແລະ
ອະນາໄມຕົວເມືອງ ແລະ ໄດ້ມອບໃຫ້ແຕ່ລະເມືອງມີໜ່ວຍງານສະເພາະຂອງຕົນຢ່າງລະອຽດເພື່ອເລັ່ງໃສ່ກຳຈັດ ແລະ
ກຳນົດຈຸດຖິ້ມຂີ້ເຫຍື້ອບໍ່ໃຫ້ຊະຊາຍແນ່ໃສ່ເຮັດໃຫ້ຕົວເມືອງມີຄວາມສະອາດສວຍງານ , ແຕ່ກໍຍັງບໍ່ສາມາດກຳຈັດບັນຫາດັ່ງກ່າວໃຫ້ໝົດໄປໄດ້ ແລະ
ຍັງ ສັງເກດເຫັນມີການຖິ້ມຂີ້ເຫຍື້ອຊະຊາຍມີແຜ່ຫຼາຍ, ຍ້ອນການຄຸ້ມຄອງບວກກັບຄວາມຂີ້ຄ້ານມັກງ່າຍ ແລະ
ເຫັນແກ່ໂຕຂອງຄົນຈຳນວນໜຶ່ງຍັງລັກລອບຖິ່ນຂີ້ເຫຍື້ອຊະຊາຍ, ຊຶ່ງມັນສະແດງອອກຢູ່ຕາມເສັ້ນທາງປ່ຽວລັບຕາຄົນໂດຍສະເພາະແມ່ນເສັ້ນທາງອອກສູ່ຊານເມືອງ, ສະຖານທີ່ສະ ທາລະນະ, ຕະຫຼາດ
ແລະ ຄ່ອງລະບາຍນ້ຳຕ່າງໆ, ຕະຫຼອດຮອດສຳນັກງານອົງການບາງບ່ອນຍັງ ເຫັນປະກົດມີແຜ່ຫຼາຍ,
ອັນໄດ້ສ້າງພາບພົດບໍ່ຈົບບໍ່ງາມໃຫ້
ແກ່ຕົວເມືອງ ແລະ
ຍິ່ງໄປກວ່ານັ້ນມັນ ຍັງສົ່ງຜົນປະ ທົບຕໍ່ສິ່ງແວດລ້ອມ ແລະ ເຮັດໃຫ້ວຽກງານ ສ ສະອາດ ທີ່ນະຄອນຫຼວງພວມປະຕິບັດມົວໝອງ ແລະ ຖ້າຫາກພາກສ່ວນກ່ຽວຂ້ອງບໍ່ເລັ່ງແກ້ໄຂກໍ່ບໍ່ຮູ້ວ່າອີກດົນປານໃດຈຶ່ງຈະສາມາດກຳຈັດບັນຫາດັ່ງກ່າວໄດ້ , ພ້ອມນັ້ນພາກສ່ວນກ່ຽວຂ້ອງກໍຕ້ອງເພີ່ມຄວາມຮັບຜິດຊອບໃນວຽກງານຂອງຕົນໃຫ້ດີຂຶ້ນ ແລະ
ເພີ່ມມາດຕະການຕໍ່ຜູ້ລັກລອບຖິ້ມຂີ້ເຫຍື້ອຊະຊາຍເຫຼົ່ານັ້ນໃຫ້ເຄັດຫຼາບຕໍ່ພຶດຕິກຳບໍ່ດີດັ່ງກ່າວ ແລະ
ສິ່ງສຳຄັນແມ່ນທຸກຄົນໃນສັງຄົມຕ້ອງເປັນເຈົ້າການໃນການເກັບການຖິ້ມຂີ້ເຫຍື້ອໃຫ້ຖືກຕາມເວລານັດໝາຍ ແລະ
ຈຸດທີ່ກຳນົດຂອງພາກສ່ວນກ່ຽວຂ້ອງເພື່ອຄວາມສະອາດໃນການນຳເອົາໄປຖິ້ມ.
No comments:
Post a Comment