ເມື່ອທ້າຍອາທິດຜ່ານມານີ້, ທີ່ສູນຝຶກອົບຮົມວິຊາຊີບແຂວງຄໍາມ່ວນ, ໄດ້ຈັດຊຸດຝຶກອົບຮົມຄວາມຮູ້ກ່ຽວກັບການຂຽນແຜນດໍາເນີນທຸລະກິດສໍາລັບຫົວໜ່ວຍທຸລະກິດຂະໜາດນ້ອຍ
ແລະ ກາງ (SME) ໂດຍການເປັນປະທານຂອງທ່ານສິງເພັດແກ້ວໂສພາຫົວໜ້າພະແນກອຸດສະຫະກໍາ
ແລະ ການຄ້າແຂວງ, ມີຜູ້ປະກອບການທຸລະກິດພາຍໃນແຂວງເຂົ້າຮ່ວມເປັນຈໍານວນຫລາຍ,
ເພື່ອຮຽນຮູ້ວິທີການ, ຂັ້ນຕອນໃນການຂຽນແຜນທຸລະກິດເປັນຕົ້ນແມ່ນວົງຈອນການດຳເນີນທຸລະກິດ,
ແຜນທຸລະກິດ ແລະ ໂຄງສ້າງ, ການວິເຄາະຈຸດແຂງ-ຈຸດອ່ອນ, ໂອກາດ-ອຸປະສັກການບໍລິຫານຈັດການພາຍໃນອົງການ,
ການເລືອກຮູບແບບທາງທຸລະກິດ ແລະ ຄວາມຮັບ ຜິດຊອບຕໍ່ກົດໝາຍ, ລັກສະນະຂອງຜູ້ປະກອບການ, ການສຶກສາຕະຫລາດ,
ແຜນການຜະລິດ, ການຈັດຫາເງິນທຶນ, ຄວາມໝາຍ ແລະ ນະໂຍບາຍກ່ຽວກັບ SME. ທັງນີ້ກໍເພື່ອສ້າງຄວາມເຂັ້ມແຂງໃຫ້ບັນດາຜູ້ປະກອບການທຸລະກິດມີຄວາມຮັບຮູ້ເຂົ້າໃຈແຈ້ງກ່ຽວກັບຂັ້ນ
ຕອນຕ່າງໆເພື່ອເປັນແນວທາງໃນການຈັດຕັ້ງປະຕິບັດ
ແລະ ນຳໄປໜູນໃຊ້ເຂົ້າໃນການດຳເນີນທຸລະກິດຕົວຈິງຂອງຕົນໃຫ້ມີການເຕີບໃຫຍ່ຂະຫຍາຍຕົວສາມາດແຂ່ງຂັນໄດ້ທັງພາຍໃນ
ແລະ ຕ່າງປະ ເທດ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດໂດຍສະເພາະການກ້າວເຂົ້າສູ່ປະຊາຄົມເສດ ຖະກິດອາຊຽນ (AEC)
ໃນທ້າຍປີ 2015 ນີ້.
No comments:
Post a Comment