ກອງປະຊຸມໃຫຍ່ຄັ້ງທີ II ຂອງອົງກຄະນະພັກກະຊວງການເງິນ, ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 3 ກັນຍານີ້, ຢູ່ຫໍປະຊຸມແຫ່ງຊາດ ໃນນະຄອນ ຫລວງວຽງຈັນ ໂດຍການໃຫ້ກຽດເຂົ້າຮ່ວມຂອງສະຫາຍ ບຸນປອນ ບຸດຕະນະວົງ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີຜູ້ຊີ້ນຳວຽກງານຂົງເຂດເສດຖະກິດມະຫາພາກ ແລະ ການບໍລິການ ພ້ອມດ້ວຍຄະນະບໍລິຫານງານພັກກະຊວງ ແລະ ສະມາຊິກພັກພາຍໃນກະຊວງ 160 ສະຫາຍ, ຍິງ 34 ສະຫາຍເຂົ້າຮ່ວມ.
ສະຫາຍ ລຽນ ທີແກ້ວ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີວ່າການກະຊວງການເງິນ ໄດ້ຜ່ານບົດລາຍງານຕໍ່ກອງປະຊຸມວ່າ: ຕະຫລອດໄລຍະ 5 ປີຜ່ານມາ, ພາຍໃຕ້ການຊີ້ນຳນຳພາໂດຍກົງຂອງກົມການເມືອງສູນກາງພັກ, ລັດຖະ ບານ
ແລະ ສະພາແຫ່ງຊາດ, ຄະນະພັກກະຊວງ ໄດ້ປຸກລະດົມ ທົ່ວຂະແໜງການເງິນ ຈັດຕັ້ງປະຕິບັດ ມະຕິກອງປະຊຸມໃຫຍ່ຂອງອົງຄະນະພັກຄັ້ງທີ
I ແລະ ສາມາດມີຜົນສຳເລັດຫລາຍດ້ານເຊັ່ນ: ການປະຕິບັດວຽກງານຄຸ້ມ
ຄອງລາຍຮັບ-ລາຍຈ່າຍ ແລະ ການດຸນດ່ຽງງົບປະມານ ແມ່ນໄດ້ເພີ່ມທະວີເອົາໃຈໃສ່ປັບປຸງ, ສ້າງ ແລະ ປະຕິບັດນະໂຍບາຍ ແລະ ເຄື່ອງມືໃນການຄຸ້ມຄອງລາຍຮັບ-ລາຍຈ່າຍ ດ້ວຍຫລາຍມາດຕະການ, ເຮັດໃຫ້ຄາດໝາຍລາຍຮັບ-ລາຍຈ່າຍ ແລະ ການດຸນດ່ຽງງົບປະມານ ສາມາດບັນລຸ ແລະ ລື່ນແຜນການ 5 ປີທີ່ວາງໄວ້ເຊັ່ນ: ລາຍຮັບບັນລຸໄດ້ 101.227 ຕື້ກີບ ເທົ່າກັບ 25,9% ຂອງ GDP, ລື່ນແຜນ 1%, ລາຍຈ່າຍບັນລຸໄດ້ 120.568 ຕື້ກີບ ເທົ່າກັບ 29,7% ຂອງ GDP, ການຂາດດຸນງົບປະມານ ໄດ້ມີທ່ວງທ່າດີຂຶ້ນ ແລະ ສາມາດຄວບຄຸມໄດ້ ຢູ່ໃນລະຫວ່າງ 3-5% ຂອງ GDP ໂດຍສະເລ່ຍ, ພ້ອມນີ້ ຍັງໄດ້ຕັ້ງໜ້າຈັດຕັ້ງຜັນຂະຫຍາຍແນວທາງເສດຖະກິດ-ການເງິນ ໃຫ້ມີສະຖຽນລະພາບ ແລະ ມີຈັງຫວະການຂະຫຍາຍຕົວຕໍ່ເນື່ອງ, ຈັດຕັ້ງປະຕິບັດນະໂຍບາຍງົບປະມານ, ການເງິນລວມ ສູນເປັນເອກກະພາບແຕ່ສູນກາງຮອດທ້ອງຖິ່ນເຂັ້ມແຂງຂຶ້ນ, ການແບ່ງຂັ້ນຄຸ້ມຄອງຂະແໜງການເງິນໄດ້ເລີ່ມເຂົ້າສູ່ທິດທາງການຈັດຕັ້ງປະຕິບັດທິດນຳ
3 ສ້າງ, ທັງສ້າງເງື່ອນໄຂໃຫ້ແກ່ການເຊື່ອມໂຍງເຂົ້າກັບເສດຖະກິດ-ການເງິນ ພາກພື້ນເປັນຕົ້ນແມ່ນການກະກຽມເຂົ້າສູ່ປະຊາຄົມເສດຖະກິດອາຊຽນ, ສູ້ຊົນເກັບລາຍຮັບໄດ້ເກີນແຜນໃນຫລາຍສົກງົບປະມານ, ຄວບຄຸມການຂາດດຸນງົບປະມານບໍ່ໃຫ້ເກີນແຜນ ທີ່ສະພາແຫ່ງຊາດຮັບຮອງເອົາ, ບັນດານິຕິກຳ
ແລະ ກົດໝາຍ
ເພື່ອເປັນເຄື່ອງມີໃຫ້ແກ່ການຄຸ້ມຄອງມະຫາພາກຂະແໜງການເງິນໄດ້ຄົ້ນຄວ້າປະກາດໃຊ້. ຜ່ານການເປີດຂະບວນດຳເນີນຊີວິດການເມືອງທັງທາງກ້ວາງ ແລະ ທາງເລິກ ເພື່ອດຳເນີນກອງປະຊຸມໃຫຍ່ຂອງຮາກຖານພັກ ແລະ ການດຳເນີນກອງປະຊຸມໃຫຍ່ອົງການຈັດຕັ້ງມະຫາຊົນ, ສະມາຊິກພັກ, ພະນັກງານ ໄດ້ຍົກສູງຄວາມຮູ້ທາງດ້ານການເມືອງ ແລະ ເຂົ້າຮ່ວມຢ່າງຕັ້ງໜ້າ ໃນການປະຕິບັດໜ້າທີ່ການເມືອງຂອງທົ່ວຂະແໜງການວາງອອກ, ມີຄວາມສາມັກຄີອັນແໜ້ນແຟ້ນ, ປາກົດການຫຍໍ້ທໍ້ດ້ານກົງຈັກໄດ້ຖືກຕີຖອຍລົງລະດັບໃດໜຶ່ງ. ພ້ອມດຽວກັນນີ້ ກົງຈັກການຈັດຕັ້ງຂອງກະຊວງລົງຮອດທ້ອງຖິ່ນໄດ້ຮັບການປັບປຸງ ໃຫ້ເຂັ້ມແຂງຂຶ້ນ, ກົນໄກ
ແລະ ເຄື່ອງມືໃນການເກັບລາຍຮັບ, ຄຸ້ມຄອງລາຍຈ່າຍໄດ້ຄົ້ນຄວ້າສ້າງຂຶ້ນ ແລະ ຫັນເປັນທັນສະໄໝໃນຫລາຍຂອດ, ການປະສານສົມທົບລະຫວ່າງກະຊວງ ແລະ ອົງການປົກຄອງທ້ອງຖິ່ນໄດ້ຮັບການປັບປຸງໃຫ້ເຂັ້ມແຂງຂຶ້ນບົນພື້ນຖານການແບ່ງຄວາມຮັບຜິດຊອບຈະແຈ້ງກວ່າເກົ່າ.
ຄຽງຄູ່ກັນນີ້, ສະຫາຍ ເລຂາພັກກະຊວງການເງິນ ຍັງໄດ້ຍົກໃຫ້ເຫັນບາງບັນຫາ ຈຸອ່ນຄົງຄ້າງ ແລະ ສິ່ງທ້າທາຍຕ່າງທໃນຂະແໜງການເງິນທີ່ຈະຕ້ອງໄດ້ຮີບຮ້ອນປັບປຸງແກ້ໄຂຄື:
1. ຈະຕ້ອງໄດ້ເພີ້ມທະວີຍົກລະດັບການເມືອງແນວຄິດຂອງພະນັກງານສະມາຊິກພັກ ແລະ ລັດຖະກອນໃຫ້ສູງຂຶ້ນ, 2. ເພີ່ມທະວີຄຸ້ມຄອງລາຍຮັບ-ລາຍຈ່າຍໃຫ້ເຂັ້ມງວດກວ່າເກົ່າ, 3. ກຳຈັດໜີ້ສິນຄຸມເຄືອໃຫ້ດີ,
4. ເອົາໃຈໃສ່ພັດທະນາຂະແໜງການເງິນທ້ອງຖິ່ນ ຕາມທິດນຳ 3 ສ້າງໃຫ້ດີກວ່າເກົ່າ, 5. ເອົາໃຈໃສ່ສ້າງນິຕິກຳດ້ານການເງິນໃຫ້ຄົບຖ້ວນ, 7 ເອົາໃຈໃສ່ກໍ່ສ້າງພັກ, ພະນັກງານໃຫ້ມີຄຸນນະພາບສູງຂຶ້ນ, 8. ສ້າງພະນັກງານໃຫ້ໄປຕາມແຜນ, ເປັນລະບົບຄົບຊຸດຕາມແຜນສາຍຕັ້ງ ແລະ ບາງບັນຫາອື່ນໆອີກ.
ກອງປະຊຸມດັ່ງກ່າວ ຈະໄດ້ດຳເນີນໄປເປັນເວລາ 2 ວັນ (3-4 ກັນຍາ 2015), ໃນນັ້ນ ຜູ້ແທນທີ່ເຂົ້າຮ່ວມກອງປະຊຸມ ຍັງຈະໄດ້ປະກອບຄຳຄິດເຫັນໃສ່ບົດລາຍງານການເມືອງ, ປ່ອນບັດເລືອກຕັ້ງເອົາຄະນະພັກຊຸດໃໝ່ ແລະ ເລືອກເອົາຜູ້ແທນສົມບູນເຂົ້າຮ່ວມກອງປະຊຸມໃຫຍ່ຄັ້ງທີ X ຂອງພັກ, ຊຶ່ງຈະຈັດຂຶ້ນໃນປີໜ້ານີ້,
ພ້ອມທັງຮັບຟັງການໂອ້ລົມຂອງສະຫາຍ ດຣ.
ບຸນປອນ ບຸດຕະນະວົງ ກຳມະ
ການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງນາຍົກລັດຖະມົນ ຕີ,
ຜູ້ຊີ້ນຳວຽກງານຂົງເຂດເສດຖະກິດມະຫາພາກ ແລະ ການບໍລິການ.
No comments:
Post a Comment