ວັນທີ 25
ກັນຍານີ້ບໍລິສັດແກ້ວໂອໂຕກຣຸບຈຳກັດ ຊຶ່ງເປັນຕົວແທນຈຳໜ່າຍລົດຍີ່ຫໍ້ ມາສະດາ (MAZDA ) ໃນລາວ,
ໄດ້ຈັດພິທີນຳສະເໜີລົດຮຸ່ນໃໝ່ມາສະດາ MX-5 ຂຶ້ນຢູ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ
ມີຄະນະຜູ້ບໍລິຫານບໍລິສັດດັ່ງກ່າວ, ພ້ອມດ້ວຍລູກຄ້າເຂົ້າຮ່ວມເປັນຈຳນວນຫຼາຍ.
ທ່ານ ກົງເພັດ ແກ້ວມະນີວົງ
ຜູ້ຈັດການທົ່ວໄປບໍລິສັດດັ່ງກ່າວໃຫ້ຮູ້ວ່າ:
ລົດ MAZDA
MX - 5 ຖືກສ້າງຂຶ້ນໃນປີ
1989
ເປັນລົດສະປອດທີ່ມີຂະໜາດນ້ອຍແຂ່ງແກ່ນທົນທານແລະ
ໄດ້ຮັບຄວາມນິຍົມຫຼາຍທີ່ສຸດໃນເອີຣົບ , ຍ້ອນການອອກແບບໃຫ້ມີການຂັບຂີ່
ແລະ ການຄວບຄຸມທີ່ມີຄວາມສະດວກລົດມາສະດາ MX-5
ທີ່ນຳມາສະເໜີນີ້ເປັນການອອກແບບໃໝ່ໃຫ້ມີຄວາມອັດສະລິຍະ, ເປັນລົດສະປອດທີມີຂະໜາດກວ້າງຂວາງ,
ອອກໂຕໄດ້ໄວ ແລະ ມີນຳໜັກເບົາກວ່າຮູ້ກ່ອນ, ຍ້ອນເປັນໂຄງສ້າງທີ່ນຳໃຊ້ Technology SKYACTIV ແລະ
ມີຫຼາຍສັດ
ສ່ວນທີ່ນຳໃຊ້ອາລູມີນຽມ ເຄື່ອງຈັກ SKYACTIV 2000
CC. 160 ແຮງມ້າ, ລະບົບເກຍອັດຕະໂນມັດ 6 ສະປີດທີ່ໃຫ້ອັດຕາເລັ່ງທີ່ດີ ແລະ ປະຢັດນ້ຳມັນ, ຮູບຊົງມີຄວາມສວຍງາມທັງດ້ານນອກ
ແລະ ພາຍໃນ, ມີຄວາມໂດດເດັ່ນ, ຫຼູຫຼາ,
ປານີດ, ພາຍໃນມີຈໍຂະໜາດ 7 ນິ້ວ
ທີ່ມີຄວາມບັນເທີງ ແລະ ສິ່ງອຳນວຍຄວາມສະດວກຄົບຖ້ວນ, ສາມາດເຊື່ອມຕໍ່ກັບໂລກອອນໄລໄດ້ຢ່າງງ່າຍດາຍ,
ສ່ວນລາຄາແມ່ນເລີ່ມຕົ້ນທີ່ 399 ລ້ານກີບ.
No comments:
Post a Comment