ນາຍົກລັດຖະມົນຕີ ທອງສິງ ທໍາມະວົງ ໄດ້ຂຶ້ນກ່າວຄໍາເຫັນວ່າ:ໃນໄລຍະຜ່ານມາການຮ່ວມມືດ້ານການພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນ ໄດ້ປະສົບຜົນສຳເລັດອັນໜ້າເພິ່ງພໍໃຈ, ໂດຍສະເພາະແມ່ນການປະຕິບັດແຜນຮ່ວມມືດ້ານພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນແຕ່ປີ
2011-2015, ພ້ອມທັງສະແດງຄວາມຊົມເຊີຍບັນດາເຈົ້າໜ້າທີ່ກ່ຽວຂ້ອງທີ່ໄດ້ເອົາໃຈໃສ່ສຸມຄວາມພະຍາຍາມໃນການຮ່າງແຜນການຮ່ວມມືດ້ານພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນສໍາລັບປີ 2016-2020 ທີ່ຈະຖືກຮັບຮອງ
ເອົາໃນກອງປະຊຸມຄັ້ງນີ້, ເຊິ່ງຈະເປັນເວທີອັນສໍາຄັນໃນການສົ່ງເສີມຄວາມເຂົ້າໃຈອັນດີຕໍ່ກັນ ແລະ ແລກປ່ຽນບົດຮຽນເຊິ່ງກັນ ແລະ ກັນ
ເພື່ອຮັດແໜ້ນການຮ່ວມມືພາຍໃນອາຊຽນ, ແນໃສ່ສູ້ຊົນເຮັດໃຫ້ປະຊາຊົນອາຊຽນໄດ້ດໍາລົງຊີວິດຢູ່ໃນເງື່ອນໄຂ ແລະ ມີຄວາມຜາສູກ,
ເຖິງຢ່າງໃດກໍຕາມ, ສໍາລັບການຈັດຕັ້ງປະຕິບັດວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກຢູ່ ສປປ ລາວ ໃນໄລຍະຜ່ານມາ, ພວກເຮົາກໍໄດ້ປຸກລະດົມຂະບວນການຮັກຊາດ ແລະ ພັດ
ທະນາໂດຍຜ່ານວຽກງານສາມສ້າງຄື: ສ້າງແຂວງເປັນຫົວໜ່ວຍຍຸດທະຍາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ ໂດຍໄດ້ເນັ້ນໃສ່ຂົງເຂດການພັດທະນາພື້ນຖານໂຄງລ່າງ, ສົ່ງເສີມການເຂົ້າເຖິງການບໍລິການສາທາລະນະຢູ່ຊົນນະບົດ, ຄໍ້າປະກັນສະບຽງອາຫານ ແລະ ສົ່ງເສີມການຜະລິດເປັນສິນຄ້າ,ຂະຫຍາຍການບໍລິການ, ການສຶກສາ, ສາທາລະນະສຸກ, ແກ້ໄຂການເຄື່ອນຍ້າຍແບບຊະຊາຍຂອງພົນລະເມືອງຕິດພັນກັບການຈັດສັນພູມລໍາເນົາແບບຖາວອນ ແລະ ການຫັນປ່ຽນແບບວິທີທໍາມາຫາກິນໃຫ້ແກ່ປະຊາຊົນບັນດາເຜົ່າ,ເຊິ່ງຜ່ານການຈັດຕັ້ງປະຕິບັດວຽກງານດັ່ງກ່າວເຫັນວ່າຖ້າເອົາລະດັບຄວາມທຸກຍາກທີ່ມີລາຍຮັບຕໍ່າກວ່າ 1 ໂດລາສະຫະລັດຕໍ່ຄົນຕໍ່ມື້ນັ້ນ, ໃນປີ
2013 ສປປ ລາວ
ແມ່ນໄດ້ບັນລຸຄາດໝາຍຫລຸດອັດຕາຄວາມທຸກຍາກລົງເຄິ່ງໜຶ່ງ ແລະ
ເຮັດໃຫ້ອັດຕາຄວາມທຸກຍາກຂອງປະຊາກອນມີຈໍານວນຕໍ່າກວ່າ 23% ຖ້າອີງຕາມການປະເມີນມາດຖານຂອງທ້ອງຖິ່ນໃນປີ
2015 ເຫັນວ່າຕະຫລອດໄລຍະ 5 ປີ ຜ່ານມາໄດ້ມີຫລາຍກວ່າ 122 ພັນຄອບຄົວ ແລະ 1.430 ກວ່າບ້ານໄດ້ຫລຸດພົ້ນອອກຈາກຄວາມທຸກຍາກແລ້ວ.
ກອງປະຊຸມລັດຖະມົນຕີພັດທະນາຊົນນະບົດ
ແລະ ລຶບລ້າງຄວາມທຸກຍາກອາຊຽນຄັ້ງທີ 9 ໄດ້ພິຈາລະນາ ແລະ ຮັບຮອງເອົາເອກກະສານສຳຄັນເຊັ່ນ: ຮ່າງແຜນພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນແຕ່ປີ 2016-2020, ການສ້າງເຄື່ອຂ່າຍການເງິນຈຸລະພາກເພື່ອຫລຸດຜ່ອນຄວາມທຸກຍາກ, ການຍ້ອງຍໍພາກເອກະຊົນທີ່ມີຜົນງານເດັ່ນໃນການປະກອບສ່ວນແກ້ໄຂຄວາມທຸກຍາກ ແລະ ບັນຫາອື່ນໆຕື່ມອີກ.
No comments:
Post a Comment