ທ້າວ ສົມໝາຍ ອາຍຸ
37 ປີຢູ່ບ້ານຊຳເຄ້ ເມືອງໄຊເສດຖາ ນະຄອນຫລວງວຽງຈັນຖືກເຈົ້າໜ້າທີ່ ປກສ
ນະຄອນຫລວງວຽງຈັນ ຈັບຕົວມາດໍາເນີນຄະດີຕາມລະບຽບກົດໝາຍ, ພາຍຫລັງລົງມືກໍ່ເຫດຄາດຕະກໍາເມຍເກົ່າ ແລະ
ເດັກຍິງ ເມື່ອບໍ່ດົນມານີ້.
ເຊິ່ງເຫດການມີຢູ່ວ່າ: ໃນຕອນຄໍ່າວັນທີ 8 ຕຸລາ 2015, ນາງ ແພ
(ຜູ້ຕາຍ), ໄດ້ໄປດື່ມກິນຊຸມແຊວຢູ່ເຮືອນຂອງທ້າວ ຕຸ່ນ ອາຍຸ
47 ປີຢູ່ບ້ານຊຳເຄ້ ເມືອງໄຊເສດຖາ ຈົນຮອດເວລາປະມານ 22:00 ໂມງຈຶ່ງເມືອເຮືອນ ແລະ
ຕໍ່ມາຮອດເວລາປະມານ
24:00 ໂມງ, ທ້າວ ສົມໝາຍ ທີ່ມີອາການມຶນເມົາໄດ້ມາເຮືອນທ້າວ ຕຸ່ນ ແລ້ວໄດ້ຖາມຫານາງ ແພ ແຕ່ທ້າວ ຕຸ່ນ
ໄດ້ຕອບປະຕິເສດບໍ່ເຫັນ ທັງສອງຈຶ່ງມີປາກສຽງກັນ. ຫລັງຈາກນັ້ນທ້າວ ສົມໝາຍ
ກໍກັບມາເຮືອນ ແລະ
ຕົກມາຮອດເວລາ 3:00 ໂມງຂອງມື້ຕໍ່ມາ ທ້າວ ໜູ
ອາຍຸ 16 ປີ (ລູກຊາຍຂອງນາງແພ)
ທີ່ນອນຢູ່ໃນເຮືອນໄດ້ຍິນສຽງດັງຢູ່ເຮືອນຄົວ ຈຶ່ງລຸກມາໄຂປະຕູອອກໄປເບິ່ງເຫັນທ້າວ ສົມໝາຍ
ໃຊ້ມີດແທງແມ່ຂອງຕົນ, ໃນຂະນະນັ້ນທ້າວ
ສົມໝາຍ ຫລຽວເຫັນກໍໄລ່ເອົາມີດແທງທ້າວ ໜູ
ແລະ ທ້າວໜູ
ໄດ້ຕໍ່ສູ້ຄືນຈົນສາມາດແລ່ນອອກໄປຂໍຄວາມຊ່ວຍເຫລືອຈາກຄົນອາໄສຢູ່ໃກ້ຄຽງ. ສ່ວນທ້າວ
ຕຸ່ນ ພາຍຫລັງຮູ້ວ່ານາງ ແພ ເສຍຊີວິດ, ຈຶ່ງຟ້າວໄປເຮືອນນາງ ແພ
ເພື່ອຈະໄປເອົາໂທລະສັບ, ເພາະນາງແພໄດ້ຢືມໂທລະສັບໄປໃນເວລາດື່ມກິນຊຸມກັນຢູ່ເຮືອນ ແລະ
ຮອດ 6:00 ໂມງຂອງວັນທີ 9 ຕຸລາ 2015 ບໍ່ປາກົດເຫັນນາງ
ຫລ້າ ອາຍຸ
6 ປີ(ລູກສາວທ້າວ ຕຸ່ນ) ຈຶ່ງໄດ້ຊອກຫາ ແລະ
ພົບເຫັນຮອຍເລືອດຢູ່ຫລັງເຮືອນ. ກ່ອນຈະໄປພົບສົບຖິ້ມຢູ່ຮ່ອງນ້ຳໃກ້ເຮືອນ, ເຊິ່ງມີຮ່ອງຮອຍຖືກແທງຫລາຍຈຸດຕາມຮ່າງກາຍ.
ເຈົ້າໜ້າທີ່ ໃຫ້ຮູ້ວ່າ: ທ້າວ
ສົມໝາຍ ເປັນພໍ່ຮ້າງ ແລະ ໄດ້ມາແຕ່ງງານກັບນາງ ແພ ເຊິ່ງເປັນແມ່ຮ້າງເຊັ່ນກັນໃນປີ
2014, ພາຍຫລັງແຕ່ງງານທັງສອງກໍ່ເກີດມີການຜິດຖຽງກັນເປັນປະຈໍາ, ຍ້ອນຜູ້ເປັນຜົວດື່ມສິ່ງມຶນເມົາ ແລະ ພົວພັນກັບຢາເສບຕິດ, ດັ່ງນັ້ນອຳນາດການປົກຄອງຈຶ່ງໄດ້ໄກ່ເກ່ຍໃຫ້ທັງສອງຢ່າຮ້າງກັນໄດ້ປະມານ 6 ເດືອນ, ຫລັງຢ່າຮ້າງກັນແລ້ວທ້າວ ສົມໝາຍ ຍັງໄດ້ທຽວໄປຫານາງແພ, ແຕ່ບໍ່ຄິດວ່າ ຈະເກີດເຫດການສະເທືອນຂວັນຮຸນແຮງເຖິງຂະໜາດນີ້.
No comments:
Post a Comment