ໂຕໂຍຕາ ນໍາສະເໜີລົດກະບະຮຸ່ນໃຫມ່ ໄຮລັກລີໂວ ສະມາດແຄັບ
ໃນວັນທີ 16 ຕຸລາ ຜ່ານມານີ້, ຢູ່ທີ່ສູນການຄ້າ ວຽງຈັນເຊັນເຕີ, ນະຄອນຫຼວງວຽງຈັນ, ບໍລິສັດ ໂຕໂຍຕ້າມໍເຕີ ປະເທດໄທ ຈຳກັດ ໄດ້ຈັດງານຖະແຫຼງຂ່າວ ເປີດໂຕລົດກະບະ Hilux REVO
Smart Cab ລຸ້ນໃໝ່ລ່າສຸດຂຶ້ນຢ່າງເປັນທາງການ, ໂດຍການເຂົ້າຮ່ວມຂອງທ່ານຮອງກຳມະການຜູ້ຈັດການໃຫຍ່ ບໍລິສັດ TOYOTA ມໍເຕີປະເທດໄທຈຳກັດ ແລະ ຕົວແທນຈຳໜ່າຍຂອງໂຕໂຍຕາທົ່ວປະເທດລາວ ເຂົ້າຮ່ວມເປັນຈຳນວນຫຼາຍ. ຜູ້ຈັດການໃຫຍ່ ບໍລິສັດ ໂຕໂຍຕ້າໃຫ້ຮູ້ວ່າ: ລົດກະບະໃໝ່ນີ້, ຈະເປັນທາງເລືອກໃໝ່ໃຫ້ແກ່ລູກຄ້າໃນ ສປປ
ລາວ, ຊຶ່ງເປັນລົດກະບະ ແຄັບ ທີ່ໄດ້ນຳມາຈຳໜ່າຍ ເພື່ອຕອບສະໜອງຄວາມຕ້ອງການຂອງຕະຫຼາດ, ເນື່ອງຈາກເປັນລົດກະບະທີ່ເໝາະສົມສຳລັບໃຊ້ງານ ແລະ ມີຄວາມສະດວກໃນການນຳໃຊ້, ຮັບປະກັນຄວາມປອດໄພ,
ພ້ອມນັ້ນກັນຊົນໜ້າຍັງໄດ້ຕິດຕັ້ງໄຟຕັດຫມອກໄວ້ເປັນຢ່າງດີ, ພາຍໃນສະດວກສະບາຍແຂງແຮງນຸ້ມນວນທຸກການຂັບຂີ່, ມີຄວາມແຮງຫຼາຍຂຶ້ນ ແລະ ປະຢັດນ້ຳມັນ, ໂດຍລະບົບເກຍໃໝ່ແບບ 6 ສະປິດ ແລະ ພັດທະນາຫຼາຍດ້ານເພື່ອຮອງຮັບຄວາມຕ້ອງການຂອງສັງຄົມ, ພ້ອມມີ 6 ສີໃຫ້ເລືອກ. ນອກຈາກນີ້ທາງ ໂຕໂຍຕ້າ ຍັງໄດ້ມອບປະສົບການໃນການຂັບຂີ່ທີ່ດີໃຫ້ແກ່ລູກຄ້າດ້ວຍກິດຈະກຳ ທົດລອງຂັບ Hilux REVO ໂສມໃໝ່ໄດ້ທີ່ ໂຊຣູມ ທົ່ວປະເທດພິເສດສຳລັບລູກຄ້າທີ່ຊື້ລົດ ໂຕໂຍຕ້າທຸກຮຸ່ນມື້ນີ້ເຖິງ 31 ທັນວາ 2015 ຍັງມີສິດລຸ້ນໂຊກຮັບຂອງລາງວັນຫຼາຍຢ່າງອີກດ້ວຍ.
No comments:
Post a Comment