ພິທີມອບ-ຮັບໜ້າທີ່ຫົວໜ້າຫ້ອງການກະຊວງຖະແຫລງຂ່າວ, ວັດທະນະທຳ ແລະ
ທ່ອງທ່ຽວ (ຖວທ) ລະຫວ່າງທ່ານ ຂັນທອງ ມະໂນທຳ ຫົວໜ້າຫ້ອງການຜູ້ເກົ່າທີ່ອອກຮັບເບ້ຍບຳນານ ແລະ ທ່ານ
ວັນສີ ກົວມົວ ເປັນຜູ້ຮັກສາການຫົວໜ້າຫ້ອງການຜູ້ໃໝ່ , ໄດ້ມີຂຶ້ນວັນທີ 9 ຕຸລາຜ່ານມານີ້, ທີ່ກະຊວງດັ່ງກ່າວ, ໂດຍການເຂົ້າຮ່ວມຂອງ ທ່ານລັດຖະມົນຕີວ່າການກະຊວງຖະແຫລງຂ່າວ, ວັດທະນະທໍາ
ແລະ ທ່ອງທ່ຽວ
ສຈ ດຣ
ບໍ່ແສງຄໍາ ວົງດາລາ
ພ້ອມທັງມີຄໍາເຫັນວ່າ: ການມອບ-ຮັບໜ້າທີ່ຄັ້ງນີ້ແມ່ນອີງໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ວຽກງານໃນໄລຍະໃໝ່
, ສະນັ້ນຜູ້ທີ່ໄດ້ຮັບການແຕ່ງຕັ້ງໃໝ່ນີ້, ຈົ່ງຕັ້ງໜ້າບຸກບືນ,
ເອົາໃຈໃສ່ຄວາມເປັນເຈົ້າເພື່ອສ້າງເງື່ອນໄຂຕ່າງໆເອື້ອອຳນວຍໃຫ້ແກ່ຫ້ອງການກະຊວງ, ເຊີດຊູຄວາມຮັບຜິດຊອບການເມືອງໃຫ້ສູງ, ຊອກທຸກວິທີທາງເພື່ອເຮັດໃຫ້ວຽກງານເດີນແມ່ນແລ່ນສະດວກ, ຖ້າມີບັນຫາຫຍຸ້ງຍາກກໍໃຫ້ສົມທົບໂດຍກົງກັບການນຳກະຊວງ ເພື່ອໃຫ້ສາມາດແກ້ໄຂໄດ້ທ່ວງທັນ, ສືບຕໍ່ເສີມຂະຫຍາຍຈຸດດີ ໃນການຈັດຕັ້ງປະຕິບັດວຽກງານໄລຍະຜ່ານມາ,
ແກ້ໄຂຈຸດອ່ອນຂໍ້ຄົງຄ້າງ, ເພື່ອເຮັດໃຫ້ວຽກງານຫ້ອງການກະຊວງສືບຕໍ່ປະສົບຜົນສຳເລັດໃໝ່ໃຫຍ່ຫລວງກວ່າເກົ່າ.
No comments:
Post a Comment