ກົມສົນທິສັນຍາ ແລະ
ກົດໝາຍ ກະຊວງການຕ່າງປະເທດ ຮ່ວມກັບສະຫະພາບເອີຣົບປະຈຳລາວ ໄດ້ຈັດກອງປະຊຸມສຳມະນາໃນຫົວຂໍ້ “ແງ່ມູນດ້ານສິດທິມະນຸດຂອງນະໂຍບາຍ ແລະ ການຈັດຕັ້ງປະຕິບັດການຕ້ານການຄ້າມະນຸດ” ຂຶ້ນໃນຕອນເຊົ້າຂອງວັນທີ
1 ຕຸລາຜ່ານມາ,
ທີ່ສູນການປະຊຸມ ແລະ ຝຶກອົບຮົມສາກົນ (ICTC) ນະ ຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ແສງເພັດ ຮຸ່ງບຸນຍວງ ລັດຖະມົນຕີຊ່ວຍວ່າການກະຊວງການຕ່າງປະເທດ ແລະ ທ່ານ
ມີແຊນ
ໂກແຟງ ອຸປະທູດສະຫະ ພາບເອີຣົບປະຈຳລາວ, ພ້ອມດ້ວຍນັກສຳມະນາກອນຈາກບັນດາກະຊວງອ້ອມຂ້າງເຂົ້າຮ່ວມເປັນຈຳນວນຫລາຍ.
ໃນກອງປະຊຸມດັ່ງກ່າວ ໄດ້ຮັບຟັງການສະເໜີຫົວຂໍ້ຕ່າງໆ, ໂດຍຜູ້ຊ່ຽວຊານທັງພາຍໃນ
ແລະ ຕ່າງປະເທດເປັນຕົ້ນ ຂອບເຂດກົດໝາຍສາກົນ ແລະ ສິດທິມະນຸດ, ນະໂຍບາຍ ແລະ ການຈັດຕັ້ງປະຕິບັດກ່ຽວກັບການຕ້ານການຄ້າມະນຸດຢູ່
ສປປ ລາວ ແລະ ສະຫະພາບເອີຣົບ, ການຊ່ວຍເຫລືອ ແລະ ການຟື້ນຟູຜູ້ຖືກເຄາະຮ້າຍຈາກການຄ້າມະນຸດ ໃນລາວ, ການຮ່ວມມືໃນຂອບອາຊຽນໃນການຕ້ານການຄ້າມະນຸດ, ພ້ອມທັງຮັບຟັງການສະເໜີກ່ຽວກັບຮ່າງກົດໝາຍວ່າດ້ວຍການຕ້ານ ແລະ ສະກັດກັ້ນການຄ້າມະນຸດ ແລະ ຮ່າງປະມວນກົດໝາຍອາຍາ. ນອກຈາກນີ້ ນັກສຳມະນາກອນ ຍັງໄດ້ສົນທະນາ ແລະ ແລກປ່ຽນບົດຮຽນນຳກັນອີກດ້ວຍ.
ກອງປະຊຸມຄັ້ງນີ້ ແມ່ນສ່ວນໜຶ່ງຂອງການຮ່ວມມືດ້ານສິດທິມະນຸດລະຫວ່າງ ສປປ ລາວ
ແລະ ສະຫະພາບເອີຣົບ ເຊິ່ງທັງສອງຝ່າຍຈະໄດ້ຈັດຕັ້ງການສົນທະນາ ຄັ້ງທີ
6 ກ່ຽວກັບສິດທິມະນຸດ ແລະ ການປົກຄອງ ໃນທ້າຍປີ 2015 ນີ້, ທີ່ນະຄອນ ຫລວງວຽງຈັນ.
No comments:
Post a Comment