ຄ່າບໍລິການຂອງຄລີນິກ ແລະ ໂຮງໝໍເອກະຊົນສ່ວນຫຼາຍມີລາຄາສູງ
ເມື່ອມໍ່ໆມານີ້ໄດ້ມີປະຊາຊົນສ່ອງແສງຫາກອງບັນນາທິການໜັງສືພິມລາວພັດທະນາ
ຂອງພວກເຮົາວ່າ: ບໍ່ຮູ້ວ່າດ້ວຍເຫດຜົນອັນໃດການເກັບຄ່າບໍລິການກວດ ແລະ
ປິ່ນປົວສຸຂະພາບຂອງຄລີນິກ ແລະ ໂຮງໝໍເອກະຊົນຫຼາຍແຫ່ງຢູ່ນະຄອນຫຼວງວຽງຈັນແມ່ນສູງຫຼາຍ ແລະ
ບໍ່ເປັນເອາກະພາບກັນ, ພ້ອມທັງສະເໜີໃຫ້ພາກສ່ວນກ່ຽວຂ້ອງກວດກາຄືນການເກັບຄ່າບໍລິການຂອງບັນດາຄລີນິກ ແລະ ໂຮງໝໍເອກະຊົນດັ່ງກ່າວ, ຕໍ່ບັນຫານີ້ທາງນັກຂອງພວກເຮົາກໍໄດ້ລົງສຳພາດບັນດາຄລີກນິກ ແລະ ໂຮງໝໍເອກະຊົນຫຼາຍແຫ່ງໃນນະຄອນຫຼວງວຽງຈັນເຊັ່ນ: ຄລີນິກແມ່ຂອງ, ຈົງຊານ, ວຽງຈັນ-ປາກກິ່ງ, ໂຮງໜໍວຽງຈັນ-ຮ່າໂນຍ ແລະ
ຄລີນິກອື່ນໆ ຊຶ່ງເຫັນວ່າການເກັບຄ່າບໍລິການຂອງແຕ່ລະຄລີນິກນັ້ນແມ່ນບໍ່ເທົ່າທຽມກັນ ແລະ
ມີລາຄາແພງກວ່າຫຼາຍເມື່ອທຽບໃສ່ກັບໂຮງໝໍຂອງລັດຕົວຢ່າງ:
ການກວດສຸຂະພາບທົ່ວໄປໂດຍບໍ່ໄດ້ໃຊ້ເຄື່ອງມືຢູ່ຄລີນິກເອກະຊົນແມ່ນຈະເກັບຄ່າບໍລິການຢູ່ລະຫວ່າງ 20
- 50 ພັນກີບ, ການກວດພະຍາດຍິິງ-ຊາຍ 50 ພັນ ເຖິງ 1 ແສນກີບ ແລະ
ຖ້າຫາກການກວດຕ້ອງໄດ້ໃຊ້ເຄື່ອງມືຫຼືອຸປະກອນກໍຈະມີລາຄາສູງຂຶ້ນໄປກວ່ານີ້, ໂດຍເຂົາເຈົ້າໃຫ້ເຫດຜົນຄ້າຍກັນວ່າ: ການເກັບຄ່າບໍລິການກວດ ແລະ
ປິ່ນປົວສຸຂະພາບຂອງຄລີນິກຕົນແມ່ນຂຶ້ນຢູ່ກັບຄວາມຍາກ ຫຼື
ງ່າຍຂອງວິທີກວດ ແລະ
ການນຳໃຊ້ເຄື່ອງມື, ສ່ວນການປິ່ນປົວແມ່ນຂຶ້ນກັບຊະນິດຂອງພະຍາດ ແລະ
ຢາທີ່ໃຊ້ເຂົ້າໃນການປິ່ນປົວ, ໂດຍເຂົ້າເຈົ້າເອງຕ່າງກໍຍອມຮັບວ່າການກັບຄ່າບໍລິການແມ່ນສູງກວ່າໂຮງໝໍເບື້ອງລັດ, ເນື່ອງຈາກໄດ້ມີການລົງທືນສູງໃນການຊື້ເອຸປະກອນ ແລະ ເຄື່ອງກວດພະຍາດຕ່າງໆ.
No comments:
Post a Comment