ເມື່ອທ້າຍອາທິດຜ່ານມານີ້, ທີ່ຮ້ານອາຫານໝາກເຜັດ ນະຄອນຫລວງວຽງຈັນ
ໄດ້ມີການຖະແຫລງຂ່າວການຈັດງານຕະຫລາດນັດຂອງກຸ່ມອາສາສະໝັກວິກບາຊາ (WIG) ໂດຍການເຂົ້າຮ່ວມຂອງທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ
ລາວ, ທ່ານນາງ ນາມິ ອິຊິຮາຣະ ປະທານກຸມອາສາສະໜັກ (WIG), ພ້ອມດ້ວຍສື່ມວນຊົນເຂົ້າຮ່ວມເປັນຈໍານວນຫລາຍ.
ທ່ານຮອງປະທານສະມາຄົມນັກຂ່າວ ໃຫ້ຮູ້ວ່າ:ຕະຫລາດນັດດັ່ງກ່າວ, ແມ່ນກິດຈະກຳຫລັກໃນການລະດົມທຶນຂອງກຸ່ມ (WIG) ກຳໄລທັງໝົດແມ່ນຈະຖືກນຳໃຊ້ເປັນກອງທຶນເພື່ອຈັດຕັ້ງປະຕິບັດບັນດາກິດຈະກຳການກຸສົນເພື່ອຊ່ວຍເຫລືອຜູ້ດ້ອຍໂອກາດຕ່າງໆ ແລະ ການຊ່ວຍເຫລືອກໍ່ສ້າງໂຮງຮຽນ, ເຊິ່ງຕະຫລາດນັດດັ່ງກ່າວຈະຈັດຂຶ້ນໃນວັນທີ 7 ພະຈິກ 2015 ທີ່ຈະເຖິງນີຢູ່ຄະນະວິສະວະກຳສາດ
ເລີ່ມຕັ້ງແຕ່ເວລາ 10:00 ຫາ
17:00 ໂມງ. ພາຍໃນງານຈະມີສິນຄ້າຫລາກຫລາຍປະເພດເຊັ່ນ: ຜະລິດຕະພັນຫັດຖະກຳ, ເຄື່ອງນຸ່ງ, ອາຫານ,
ເຄື່ອງດື່ມ ແລະ ການສະແດງຕ່າງໆ ເພື່ອສ້າງສີສັນໃຫ້ແກ່ແຂກທີ່ມາທ່ຽວຊົມ, ພິເສດສຳລັບທ່ານໃດທີ່ສົນໃຈຢາກນຳສິນຄ້າ ແລະ ການບໍລິການໄປວາງສະແດງໃນງານແມ່ນບໍ່ໄດ້ເສຍຄ່າ.
No comments:
Post a Comment