 |
| ຂ່າວ-ພາບ: ຫນັງສືພິມ ປກສ |
ທ້າຍອາທິດຜ່ານມາ,
ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດເມືອງລອງ ແຂວງຫລວງນ້ຳທາ ໄດ້ຈັບຕົວນາງນວນອາຍຸ 32 ປີ ຢູ່ບ້ານຈອມແຈ້ງ ເມືອງລອງ ພ້ອມຂອງກາງຢາບ້າຈໍານວນ 42 ພັນເມັດ ແລະ ຢາໄອມີນໍ້າໜັກ
1 ກິໂລຊຸກເຊື່ອງໄວ້ໃນແກັດເຈ້ຍພາຍໃນເຮືອນຜູ້ກ່ຽວ.
ຜ່ານການສືບສວນ-ສອບສວນຂອງເຈົ້າໜ້າທີ່ນາງ
ນວນ
ໄດ້ໃຫ້ການວ່າ: ໃນວັນທີ 28 ກັນຍາ 2015, ພໍ່ຂອງຜູ້ກ່ຽວຊື່ທ້າວ ໄໜ່ຄຳຜົງ ອາຍຸ 60 ປີ ບ້ານຊຽງກົດໃໝ່ ເມືອງລອງ ໄດ້ເອົາແກັດດັ່ງກ່າວມາປະໄວ້ຢູ່ເຮືອນຕົນ ເຊິ່ງໄລຍະນັ້ນຕົນໄດ້ໄປເຮັດທານຢູ່ວັດທີ່ເມືອງຫລາ ແຂວງອຸດົມໄຊ ຈາກຄໍາໃຫ້ການດັ່ງກ່າວ ເຈົ້າໜ້າທີ່ກໍໄດ້ນໍາກໍາລັງໄປຄົ້ນເຮືອນຂອງທ້າວ ໄໜ່ຄຳຜົງ ແລະ ນຳຕົວມາສອບສວນ, ຜູ້ກ່ຽວຈຶ່ງໄດ້ຮັບສາລະພາບວ່າ: ຢາເສບຕິດທັງໝົດແມ່ນຊື້ມາຈາກທ້າວຍິສັນຊາດມຽນມາ ແລ້ວຕົນກໍເອົາໄປຊຸກເຊື່ອງໄວ້ຢູ່ເຮືອນຂອງລູກສາວເພື່ອລໍຖ້າສົ່ງຂາຍໃຫ້ລູກຄ້າ.
ເຈົ້າໜ້າທີ່ ປກສ
ເມືອງລອງ ໃຫ້ຮູ້ວ່າ: ພໍ່-ລູກດັ່ງກ່າວແມ່ນໄດ້ຖືກຕິດຕາມພຶດຕິກຳມາໄດ້ໄລຍະໜຶ່ງແລ້ວ, ແຕ່ຍັງບໍ່ມີຂໍ້ມູນຫລັກຖານທີ່ຈະສາມາດເອົາຜິດພວກກ່ຽວໄດ້. ກ່ອນຈັບຕົວໄດ້ແມ່ນມີແຫລ່ງຂ່າວແຈ້ງໃຫ້ຮູ້ວ່າ: ພວກກ່ຽວມີການເຄື່ອນໄຫວຄ້າຂາຍຢາເສບຕິດຢູ່ເຂດບ້ານຊຽງກົກໃໝ່ ແລະ ບ້ານຈອມແຈ້ງ, ຈຶ່ງໄດ້ຈັດກຳລັງຕິດຕາມເຫັນວ່າມີມູນຄວາມຈິງ, ຈຶ່ງໄດ້ນໍາກໍາລັງຈັບຕົວມາດໍາເນີນຄະດີຕາມລະບຽບກົດໝາຍ.
No comments:
Post a Comment