ໃນວັນທີ 27 ຕຸລານີ້, ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ
ໂດຍການຕ້ອນຮັບອັນອົບອຸ່ນຂອງທ່ານ ດຣ.
ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ
ແລະ ໃນໂອກາດດັ່ງກ່າວ, ທ່ານຮອງນາຍົກໄດ້ລົງກວດກາເບິ່ງຄວາມຄືບໜ້າຂອງການກໍ່ສ້າງອະນຸສາວະລີທ່ານ ສີສົມພອນ ລໍວັນໄຊ ເຊິ່ງເປັນການນຳຮຸ້ນທຳອິດຂອງການປະຕິວັດລາວ ເຊິ່ງອະນຸສາວະລີດັ່ງກ່າວໄດ້ສ້າງຂຶ້ນຢູ່ບ້ານອານຸສອນໄຊ
ເມືອງປາກຊັນ ແຂວງບໍລິຄຳໄຊ
ໃນເນື້ອທີ່ 2,6 ເຮັກຕາ ເຊິ່ງມີມູນຄ່າການກໍ່ສ້າງ 21 ຕື້ກີບ, ໃນນັ້ນ ເປັນທຶນຂອງລັດຖະບານ 18 ຕື້ກີບ ແລະ ທຶນຂອງແຂວງ 3 ຕື້ກີບ ໂດຍບໍລິສັດ ທະວີໄຊກໍ່ສ້າງ ເປັນຜູ້ຮັບເໝົາກໍ່ສ້າງ ມາຮອດປັດຈຸບັນສຳເລັດແລ້ວ 93% ຂອງໜ້າວຽກທັງໝົດ. ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີ ແລະ
ການນຳແຂວງ ໄດ້ຮ່ວມໃສ່ບາດເນື່ອງໃນວັນອອກພັນສາປະວໍລະນາ ພສ
2558 ທີ່ວັດສີວາວະນາລາມ ບ້ານອານຸສອນໄຊ ພ້ອມໃຫ້ກຽດເຂົ້າຮ່ວມຊົມງານບຸນຊ່ວງເຮືອປະເພນີ ແລະ ທ່ຽວຊົມງານສະແດງສິນຄ້າ ແລະ ຜະລິດຕະພັນຕ່າງໆຂອງພູມປັນຍາຊາວບ້ານທີ່ນຳມາວາງຂາຍຢູ່ສະຖານທີ່ງານບຸນດ້ວຍບັນຍາກາດຄຶກຄື້ນ.
No comments:
Post a Comment